सात महिनापछि मात्रै बाढीपहिरोको विस्तृत क्षति आँकलन सुरु
काभ्रे— गएको असोज १०, ११ र १२ गतेको अविरल वर्षाले काभ्रेपलाञ्चोकमा ठूलो जनधनको क्षति पुर्याएको सात महिनापछि बल्ल विस्तृत क्षति मूल्यांकन सुरु भएको छ। सरकारले सबैभन्दा बढी प्रभावित क्षेत्र रोशी गाउँपालिकाबाट विस्तृत क्षति आँकलन सुरु गरेको हो।
गृहमन्त्री रमेश लेखकले रोशी गाउँपालिका–२ नारायणटारमा तीन जना पीडित — धनसिंह लामा, राजन बोहोरा क्षेत्री र शुभद्रा सेञ्चुरीलाई निस्सा (प्रमाणपत्र) हस्तान्तरण गर्दै औपचारिक रूपमा क्षति मूल्यांकनको प्रक्रिया थालेका हुन्। मन्त्री लेखकले बाढीपहिरोपीडितको निजी आवास पुनर्निर्माणमा भएको ढिलाइप्रति असन्तोष जनाउँदै पुनर्निर्माण कार्यमा अब तीव्रता ल्याइने बताए।
सरकारले अस्थायी आवास निर्माणका लागि पहिलो चरणमा ५० हजार र स्थायी घर निर्माणका लागि चरणबद्ध रूपमा अनुदान उपलब्ध गराउने जनाएको छ। यसका लागि बुधबार काभ्रेमा सात करोड ३५ लाख रुपैयाँ निकासा गरिएको छ।
व...
