बैतडी

बैतडीबाट जन्ती बोकेर बझाङ जाँदै गरेको बस दुर्घटना हुँदा ८ जनाको मृत्यु भएको छ। जिल्लाको पुर्चौडी नगरपालिका–७ भौनीबाट जन्ती बोकेर बझाङको बित्थडचिर गाउँपालिका–७ सुनकुडातर्फ फर्किरहेको बस पुर्चौडी नगरपालिका–७ बढ्गाउँ मोडमा दुर्घटना हुँदा ६ जनाको घटनास्थलमै र २ जनाको उपचारका क्रममा मृत्यु भएको हो। पवनदूत यातायातको सुप प्र ०२–००१ ख १११९ नम्बरको बस दुर्घटनामा परेको जिल्ला प्रहरी कार्यालय बैतडीका डीएसपी दिपक कुमार रायले जानकारी दिएका छन्। दुर्घटनामा ३२ जना घाइते भएका छन्। उनीहरूलाई कोटीला स्वास्थ्य चौकीमा उपचारका लागि लगिएको छ। घाइतेमध्ये ३ जनाको अवस्था चिन्ताजनक रहेको प्रहरीले जनाएको छ। घटनाको जानकारी पाएलगत्तै पुर्चौडी र ढोल्यामोडबाट प्रहरी टोली खटिएको छ। दुर्घटनाको कारणबारे थप अनुसन्धान भइरहेको प्रहरीले जनाएको छ। मृतकहरूको नामावली केशब राज जोशी (४०) – बित्थडचिर गाउँपालिका–७, बझाङ अशोक ...

धनगढी- बैतडीमा जिप दुर्घटना भएको छ । जिल्लाको सुर्नया गाउँपालिका- ६ मोतीनगरबाट डडेल्धुरातर्फ जाँदै गरेको म १ ज २२४ नम्बरको बोलेर जिप जयपृथ्वीराजमार्ग अन्तर्गत पाटन नगरपालिका- ८ साँडीघाटी नजिकै सोमबार बिहान १० बजे दुर्घटना भएको हो । सो दुर्घटनामा परि तीन जनाको घटनास्थलमै मृत्यु भएको जिल्ला प्रहरी कार्यालय बैतडीले जनाएको छ । मृत्यु हुनेमा सिगास गाउँपालिका -१ का २४ बर्षीय निशान्त बोहरा, सोही ठाउँका २९ बर्षीय भानदेव भट्ट र डडेल्धुराको आलिताल गाउँपालिका - ३ का १३ बर्षीय राकेश रावल रहेको जिल्ला प्रहरी कार्यालय बैतडीका प्रवक्ता, प्रहरी निरीक्षक सुरज सिंहले जानकारी दिए । जिप आँफै अनियन्त्रित भएर सडकबाट करीब ३ सय मिटर तल खसेको प्रहरीले जनाएको छ । जिपमा सवार अन्य सबै घाइते रहेका र घाइतेहरुको संख्या पनि एकीन हुन बाँकी रहेको बताइएको छ । घाइतेहरुलाई उपचारका लागि डडेल्धुरा अस्पताल पठाइएको छ । घटना...

बैतडीको सुर्नया गाउँपालिका पछिल्लो दुई महिनादेखि प्रमुख प्रशासकीय अधिकृतविहीन रहेको छ। गाउँपालिकाका प्रमुख प्रशासकीय अधिकृत वसन्तबहादुर धानुकको गएको कार्तिक २५ गते निर्वाचन आयोगमा सरुवा भएको थियो । त्यसयता गाउँपालिका प्रमुख प्रशासकीय अधिकृत विहीन रहेको छ । गत पौष ६ गते सङ्घीय मामिला तथा सामान्य प्रशासन मन्त्रालयले शाखा अधिकृत खगेन्द्र भारतीलाई गाउँपालिकाको प्रमुख प्रशासकीय अधिकृतमा सरुवा गरेको थियो । तर भारती गाउँपालिकामा हाजिर नहुँदै जिल्ला निर्वाचन कार्यालय बैतडीमा सरुवा भएको छ । भारती जिल्ला निर्वाचन कार्यालयमा आइसकेका छन् । गाउँपालिकामा प्रमुख प्रशासकीय अधिकृत नहुँदा आर्थिक तथा प्रशासनिक कामहरू रोकिएका गाउँपालिका अध्यक्ष अम्मरबहादुर कुँवरले जानकारी दिनुभयो । प्रमुख प्रशासकीय अधिकृतको व्यवस्था गरिदिन सङ्घीय मामिला तथा सामान्य प्रशासन मन्त्रालयलाई पटक–पटक आग्रह गर्दा समेत समस...

बैतडी- बैतडीको सुर्नया गाउँपालिका–२ सिउडेमा जीप र मोटरसाइकल एकआपसमा ठोक्किँदा बझाङका दुई जना घाइते भएका छन्। दशरथचन्द राजमार्गअन्तर्गत पाटन–सत्बाझ सडकखण्डमा आइतबार साँझ करिब ४ बजे भएको दुर्घटनामा मोटरसाइकल चालक जयपृथ्वी नगरपालिका–३ बझाङका ३९ वर्षीय ईश्वर ओली र पछाडि सवार थलारा गाउँपालिका–९ का श्याम खड्का घाइते भएका हुन्। पाटनबाट सत्बाझतर्फ जाँदै गरेको से १ ज ३७३ नम्बरको जीप र विपरीत दिशाबाट आइरहेको बा प्र ०२ ०१६ प ००४२ नम्बरको अनटेस्ट मोटरसाइकल एकआपसमा ठोक्किँदा दुर्घटना भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलदेव बडूले जानकारी दिए। घाइते दुबै जनालाई उपचारका लागि जिल्ला अस्पताल पुर्‍याइएको प्रहरीले जनाएको छ। जीप चालक फरार रहेको र उनको परिचय खुल्न बाँकी रहेको प्रहरीले जनाएको छ। घटनाबारे थप अनुसन्धान जारी छ।...

बैतडी- बैतडीमा भरुवा बन्दुकसहित एक जना पक्राउ परेका छन् । पक्राउ पर्नेमा पञ्चेश्वर गाउँपालिका–४ हल्दुविनायकका ४१ वर्षीय गम्भिर चन्द रहेका छन् । चन्दको साथबाट एक थान बन्दुक सहित दुई डब्बा बारुद, चार बट्टा ठुलो छर्रा, ३१ वटा सानो छर्रा र एक बट्टा केभ नियन्त्रणमा लिइएको जिल्ला प्रहरी कार्यालय बैतडीका प्रवक्ता प्रहरी निरीक्षक बलदेव बडूले बताए । गोप्य सूचनाको आधारमा जिल्ला प्रहरी कार्यालयबाट खटिएको सादा पोसाकको प्रहरी टोली र हल्दुविनायकको प्रहरी चौकीको समन्वयमा शुक्रवार दिउँसो चन्दलाई पञ्चेश्वर गाउँपालिका–४ कै हल्दुविनायकमा पर्ने महाकाली करिडोर सडक खण्डबाट पक्राउ गरिएको थियोे । पक्राउ परेका चन्दलाई जिल्ला प्रहरी कार्यालयमा ल्याइएको र अनुसन्धान भइरहेको प्रहरीले जनाएको छ ।...

बैतडी- बैतडीको पुर्चौंडी नगरपालिकाले आज (शुक्रबार) सार्वजनिक बिदा दिएको छ । नगरपालिकाको वडा नं १ स्थित प्रसिद्ध राताशीला त्रिवेणी धाममा लाग्ने गिरेगडा कफलखाना जात्राको अवसरमा स्थानीय सार्वजनिक बिदा दिइएको नगरपालिकाले जनाएको छ । नगरपालिकाका प्रमुख प्रशासकीय अधिकृत बीरबहादुर नेपालीका अनुसार आज नगरपालिकाभित्रका सबै सरकारी तथा गैरसरकारी निकाय र शिक्षण संस्थामा सार्वजनिक बिदा छ । गिरेगडा कफलखाना जात्रा हरेक वर्ष कार्तिक शुक्ल दशमीका दिन सुरु भई कार्तिक शुक्ल एकादशी (हरिबोधनी एकादशी) का दिन सम्पन्न हुने गर्दछ । यस वर्ष जात्रा आजदेखि सुरु भई भोलि हरिबोधनी एकादशीका दिन समापन हुने वडा नं १ का अध्यक्ष गणेशबहादुर गडालले जानकारी दिए । जात्रामा विभिन्न ठाउँका दर्शनार्थी पुग्ने गर्छन् । विशेषगरी यस जात्रामा ‘गीर खेल्ने’ परम्परागत चलन रहिआएको छ ।...

धनगढी- बैतडीमा जीप दुर्घटना हुँदा एक जनाको मृत्यु भएको छ भने चार जना घाइते भएका छन्। शिवनाथबाट आइरहेको से १ ज ७३२ नम्बरको जीप मेलौली नगरपालिका–७ स्वाखानीमा गएराति दुर्घटना भएको हो। दुर्घटनामा गम्भीर घाइते भएकी मेलौली नगरपालिका–२ की २३ वर्षीया तुलसी पाण्डेयको केशरपुर प्राथमिक स्वास्थ्य केन्द्रमा उपचारका क्रममा बिहीबार बिहान मृत्यु भएको जिल्ला प्रहरी कार्यालयका प्रवक्ता बल्देव बडूले जानकारी दिए। घाइतेहरूलाई थप उपचारका लागि डडेल्धुरा अस्पताल पठाइएको प्रहरीले जनाएको छ।...

बैतडी- बैतडीमा १९ वर्षीया किशोरीमाथि जबरजस्ती करणी गरेको आरोपमा एक किशोरलाई प्रहरीले नियन्त्रणमा लिएको छ। पक्राउ पर्नेमा पाटन नगरपालिका–६ भडालीका १९ वर्षीय रोहित लुहार रहेका छन्। जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेका अनुसार आइतबार बिहान इलाका प्रहरी कार्यालय पाटनबाट खटिएको टोलीले लुहारलाई पक्राउ गरेको हो। उनका अनुसार पीडित किशोरीले जबरजस्ती करणी भएको भन्दै प्रहरीमा दिएको उजुरीको आधारमा लुहारलाई पक्राउ गरिएको हो। घटनाबारे थप अनुसन्धान भइरहेको प्रहरीले जनाएको छ।...

धनगढी- बैतडीको बसको ठक्करबाट एक महिलाको मृत्यु भएको छ। जिल्लाको दशरथचन्द नगरपालिका–१ गुरुखोला विद्यालय नजिक सोही नगरपालिका–१ दउनेबाजकी करिब ३०–३२ वर्षीया भागरथी लुहारको मृत्यु भएको जिल्ला प्रहरी कार्यालय बैतडीले जनाएको छ। देहिमाण्डौ मेला हेरेर घर फर्किँदै गरेकी लुहारलाई सतबाँजबाट देहिमाण्डौतर्फ जाँदै गरेको महाकाली यातायातको बस (सु.प्र. ०२–००१ ख १०१७) ले ठक्कर दिएको हो।...

बैतडी– आगामी फागुन २१ गते हुने प्रतिनिधि सभाको निर्वाचनका लागि मतदाता नामावलीमा नाम दर्ता प्रक्रिया सुरु भएसँगै जिल्लामा मतदाता र उम्मेदवारको विषयमा चर्चा बढेको छ। बैतडीमा महिला मतदाताको संख्या पुरुषभन्दा एक हजार ७३९ ले बढी छ। कुल एक लाख ४० हजार २०१ जना मतदातामध्ये महिला ७० हजार ९६९ र पुरुष ६९ हजार २३० जना रहेका छन्। तर, अहिलेसम्म प्रमुख राजनीतिक दलहरूले प्रतिनिधि सभामा महिला उम्मेदवारलाई अवसर दिन सकेका छैनन्। जिल्लाको जनगणना तथ्याङ्कअनुसार पनि महिलाको संख्या पुरुषभन्दा बढी छ। २०७८ सालको जनगणना अनुसार जिल्लाको कुल जनसंख्या दुई लाख ४२ हजार १५७ मध्ये महिला एक लाख २८ हजार २९३ र पुरुष एक लाख १३ हजार ८६४ जना रहेका छन्। यस आधारमा महिलाको संख्या पुरुषभन्दा १४ हजार ४२९ ले बढी भएको हो।...

बैतडी- जिल्लाको सिगास गाउँपालिका–२ पेडेगोदामा ३० वर्षीय यज्ञ सिंह धामीले आफ्नै काकी ३४ वर्षीया बेलमती धामीको बन्चरो प्रहार गरी हत्या गरेका छन्। जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेका अनुसार आइतबार राति करिब ११ बजे घरभित्रै घाँटीमा बन्चरो प्रहार गरी हत्या गरिएको हो। शवलाई पोष्टमार्टमका लागि जिल्ला अस्पताल बैतडी लगिएको छ। हत्या आरोपित धामीलाई प्रहरीले गएरातिनै नियन्त्रणमा लिएको जनाएको छ। यज्ञ सिंह हुलाक सेवाका अतिरिक्त कर्मचारी हुन्। कैलालीमा कार्यरत उनी भदौ १९ गते मात्र घर आएका थिए। आफन्त जय सिंह धामीका अनुसार उनी घर फर्किएको चार दिनमै आमासँग समेत विवाद गरी कुटपिट गरेका थिए। हत्याको कारण खुलेको छैन भने मानसिक अवस्था सामान्य नभएको आफन्तले बताएका छन्। हत्या भएकी बेलमती एकल महिला थिइन्। उनका चार छोरी र एक छोरा रहेका छन्। यज्ञ सिंहको श्रीमती वैदेशिक र...