भुमिराज आधारभूत विद्यालयको अध्यक्षमा गोविन्द महर
बझाङ- बझाङको वित्थडचिर गाउँपालिका ५ बसैलमा रहेको भुमिराज आधारभूत विद्यालयको नयाँ विद्यालय व्यवस्थापन समिति गठन गरिएको छ । गोबिन्द महरको अध्यक्षता नयाँ विद्यालय व्यवस्थापन समिति गठन गरिएको हो । समितिका सदस्यहरूमा दिपक महर, गोपाल बोहरा, बिमला कुमारी बोहरा महर, जानकी देवी महर र जलु कामी रहेका छन् । यसैगरी वडा सदस्यका हैसियतमा रत्ना देवी महर पदेन सदस्य रहेकी छन् । विद्यालयका प्रधानाध्यापक ललित बोहरा सदस्य सचिव रहेका छन् भने शिक्षक प्रतिनिधिबाट दिपक बोहरा सदस्य चयन भएका छन् । नवगठित समितिका अध्यक्ष महरले आफूलाई अध्यक्ष बनाउन सहयोग गर्ने सम्पूर्ण अभिभावक, शिक्षक तथा सरोकारवालाहरूलाई धन्यवाद व्यक्त गरेका छन् । साथै, उनले विद्यालयको शैक्षिक गुणस्तर सुधार र समग्र विकासका लागि सबैसँग सहकार्य गर्दै अघि बढ्ने प्रतिबद्धता जनाएका छन् ।...
