डोटी

डोटी- डोटीमा मिनी ट्रक दुर्घटना हुँदा एक जनाको मृत्यु भएको छ । सोमबार आज ट्रक अनियन्त्रित भएर सडक किनारामा पल्टिँदा ट्रकमा सवार बडिकेदार गाउँपालिका–३ देवलका २७ वर्षीय सन्तोष गुरुङको मृत्यु भएको हो । जनजागरण सामुदायिक वनमा सडेगलेका काठ संकलन गरी नजिकै सेलानेको खोलामा घाटमा गद्दी जम्मा गर्न लैजाँदै गरेको बा.प्र. ०३००१ ख २५३ नम्बरको मिनी ट्रक देउथानमा दुर्घटना भएको प्रहरीले जनाएको छ । डोटी  प्रहरीका अनुसार गुरुङको ट्रकमा रहेका काठले च्यापिएर घटनास्थलमा नै मृत्यु भएको थियोे । त्यस्तै सोही ट्रकमा सवार रहेका सामुदायिक वनका अध्यक्ष लोकबहादुर पल्ली मगर घाइते भएका छन् । घाइतेको स्थानीय स्वास्थ्यचौकी मूलीचौरमा उपचार भइरहेको छ । ट्रक चालक बडिकेदार गाउँपालिका–२ बर्छैनका २९ वर्षीय गोपाल बडेलाको खोजी भइरहेको प्रहरीले जनाएको छ ।...

धनगढी- जिल्ला प्रशासन कार्यालय डोटीले तीन जनालाई घरमै नागरिकता प्रदान गरेको छ । जिल्लाको सायल गाउँपालिका–१ का शारीरिक एवं मानसिक अशक्तता भएका तीन जनालाई आइतबार घरमै पुगेर नेपाली नागरिकताको प्रमाण पत्र प्रदान गरेको हो । नागरिकता पाउनेहरुमा स्थानीय ६८ वर्षीय जयबहादुर रोकाया, ६३ वर्षीय पदम बहादुर रोकाया र २१ वर्षीय प्रेम बहादुर देउवा रहेका छन्। उनीहरुले अशक्तताका कारण नागरिकता प्राप्त गर्न सकेका थिएनन्। शारीरिक र मानसिक रूपमा अशक्त भएका कारण कार्यालयमा आई नागरिकता प्राप्त गर्न नसक्ने अवस्था भएका कारण आइतवार प्रमुख जिल्ला अधिकारी मोहनराज जोशी नेतृत्वको टोलीले उनीहरुलाई घरमै गएर नागरिकता प्रदान गरेको सायल गाउँपालिका–१ का वडाध्यक्ष लालबहादुर रोकायाले जानकारी दिए। उनले भने, ‘उनीहरुलाई नागरिकता प्रदान गर्न वडाबाट आवश्यक कागजात तयार गरी जिल्ला प्रशासन कार्यालयमा पठाएपछि प्रमुख जिल्ला अधिकारीज्...