आईपीएलमा गुजरात टाइटन्सको प्रभावशाली जित, कोलकातालाई ३९ रनले पराजित
काठमाडौं- भारतमा जारी इन्डियन प्रिमियर लिग (आईपीएल) अन्तर्गत हिजो भएको खेलमा गुजरात टाइटन्सले कोलकाता नाइट राइडर्सलाई ३९ रनले पराजित गरेको छ।
इडेन गार्डेन्समा टस हारेर पहिला ब्याटिङ गरेको गुजरातले ३ विकेटको क्षतिमा १९८ रन बनाएको थियो। कप्तान शुभमन गिलले आक्रामक ९० रन बनाए भने साई सुदर्शनले ५२ र जोश बटलरले अविजित ४१ रन जोडे।
जवाफमा कोलकाताले ८ विकेट गुमाउँदै १५९ रन मात्र बनाउन सक्यो। कप्तान अजिंक्य रहानेले सर्वाधिक ५० रन बनाए। गुजरातका प्रशिद्ध कृष्णा र राशिद खानले समान २–२ विकेट लिए।
कोलकाताका वैभव अरोरा, हर्षित राना र आन्द्रे रसेलले एक–एक विकेट लिए।
यस जितसँगै गुजरातले आठ खेलबाट १२ अंक जोड्दै अंक तालिकाको शीर्ष स्थानमा कब्जा जमाएको छ। कोलकाता भने समान खेलबाट ६ अंकसहित सातौं स्थानमा छ।
आईपीएल अन्तर्गत आज लखनउ सुपर जायन्ट्स र दिल्ली क्यापिटल्सबीच प्रतिस्पर्धा हुँदैछ।...











