कन्चनपुर

कञ्चनपुरमा जिप दुर्घटना हुँदा दुई जनाको मृत्यु भएको छ । अन्य छ जना घाइते भएका छन् । कृष्णपुर नगरपालिका- १ कुमगडामा से १ ज २९० नम्बरको बोलेरो जिप दुर्घटना हुँदा वडा नम्बर १ कै ६० वर्षीय नन्दराम पार्की र ६२ वर्षीया कलावती बोहराको मृत्यु भएको जिल्ला प्रहरी कार्यालयका प्रहरी निरीक्षक वीरेन्द्र थापाले जानकारी दिनु भयो । उहाँका अनुसार घाइते छ जनालाई उपचारका लागि धनगढी पठाइएको छ । जिप अनियन्त्रित भएर दुर्घटना भएको प्रहरीले जनाएको छ ।...

धनगढी- कञ्चनपुर कारागारमा बुधबार दिउँसो कैदीबन्दीहरूबीच झडप हुँदा पाँच जना घाइते भएका छन्। झडपमा दुवै पक्षका कैदीबन्दीहरू घाइते भएको प्रहरीले जनाएको छ। जिल्ला प्रहरी कार्यालय कञ्चनपुरका प्रमुख प्रहरी उपरीक्षक (एसपी) खड्कबहादुर खत्रीका अनुसार घाइते हुनेहरूमा भुवन नाथ, प्रकाश घरेडी, राजु दमाई, भुवन ऐर र आयुष बम रहेका छन्। घाइतेहरू लागुऔषध तथा चोरी मुद्दामा संलग्न कैदीबन्दी भएको जनाइएको छ। उनीहरूको महाकाली प्रादेशिक अस्पताल मा उपचार भइरहेको छ। प्रहरीका अनुसार झडपमा संलग्न समूहबीच यसअघि पनि पटक–पटक विवाद र झडप हुँदै आएको थियो।...

महेन्द्रनगर- कञ्चनपुरमा जंगली हात्तीको आक्रमणबाट एक महिलाको मृत्यु भएको छ। मंगलबार भीमदत्त नगरपालिका-१४ बनकट्टीमा शुक्लाफाँटा राष्ट्रिय निकुञ्जबाट आएको हात्तीले घर भत्काउने क्रममा ४५ वर्षीया धना विष्टलाई आक्रमण गरेको प्रहरीले जनाएको छ। हात्तीको आक्रमणबाट गम्भीर घाइते विष्टको महाकाली प्रादेशिक अस्पतालमा उपचारका क्रममा निधन भएको थियो। निकुञ्ज क्षेत्रमा हात्तीको आक्रमणबाट हरेक वर्ष मानिसको मृत्यु हुने गरेको छ । प्रहरीले स्थानीयलाई वन्यजन्तुबाट सावधानी अपनाउन तथा जोखिम क्षेत्र नजिक रातको समयमा सतर्क रहन आग्रह गरेको छ ।...

महेन्द्रनगर- तीस वर्षअघि २०५२ सालमा प्रस्ताव भएको कञ्चनपुरको दैजी छेला औद्योगिक क्षेत्र स्थापनाको काम अझै सुरु हुन सकेको छैन। विक्रम संवत् २०७७ फागुनमा तत्कालीन प्रधानमन्त्री केपी शर्मा ओलीले शिलान्यास गर्नुभएको साढे चार वर्ष बितिसक्दा पनि सरकारी प्रक्रियागत ढिलाइका कारण अझै ‘फिल्ड’मा काम सुरु हुन सकेको छैन। दैजीछेला औद्योगिक क्षेत्र सम्पर्क कार्यालयका प्रमुख प्रदीप पराजुलीले औद्योगिक क्षेत्र स्थापनाका लागि रूख कटान अनुमतिको प्रक्रियामा रहेकाले ढिलाइ भइरहेको बताए। नेपालगञ्ज औद्योगिक क्षेत्र व्यवस्थापन लिमिडेट शाखा कार्यालय नेपाल औद्योगिक क्षेत्रले दैजी औद्योगिक क्षेत्रको काम हेर्छ। औद्योगिक क्षेत्र शिलान्यास भएको ठीक एक वर्षपछि दैजीमा औद्योगिक क्षेत्रको कार्यालय २०७९ फागुनमा स्थापना गरिएको हो। कार्यालय स्थापना भए पनि कार्यालय सहयोगीको भरमा औद्योगिक क्षेत्रको सम्पर्क कार्यालय सञ्चालनमा छ...

धनगढी– कञ्चनपुरको कृष्णपुर नगरपालिका–२ वाणीमा भएको बस दुर्घटनामा एक जनाको मृत्यु भएको छ। पूर्व–पश्चिम राजमार्ग अन्तर्गत बाणीमा आज बिहान १० बजेर १५ मिनेटमा महाकाली यातायातको ना ७ ख ६१८२ नम्बरको बस दुर्घटना हुँदा कृष्णपुर १ बण्डका ४२ वर्षीय बलबहादुर बोहराको मृत्यु भएको हो। जिल्ला प्रहरी कार्यालय कञ्चनपुरका प्रहरी नायब उपरीक्षक (डीएसपी) सागर बोहराका अनुसार दुर्घटनामा घाइते भएका बलबहादुरलाई उपचारका लागि वाणी अस्पताल लगिएको थियो। उपचारकै क्रममा उनको मृत्यु भएको उनले जानकारी दिए। बसमा सवार अन्य चार जना सकुशल रहेका छन्। सो बसका चालक वेदकोट नगरपालिका–३ दैजीका ४६ वर्षीय रमेश बोहरालाई प्रहरीले नियन्त्रणमा लिएको छ। बस काठमाडौँबाट कञ्चनपुरको महेन्द्रनगरतर्फ जाँदै गरेको बताइएको छ।...

कञ्चनपुर- जेनजी आन्दोलनका क्रममा कारागारबाट फरार भएका एक कैदी फेरि अपराधमा संलग्न भएको खुलेको छ। दोधाराचाँदनी नगरपालिका–१ का ३५ वर्षीय दीपक सुनारलाई बलात्कार प्रयासको आरोपमा स्थानीयले नियन्त्रणमा लिएर प्रहरीले पक्राउ गरेको हो। जिल्ला प्रहरी कार्यालय कञ्चनपुरका प्रमुख एसपी खडकबहादुर खत्रीका अनुसार बुधबार राति खाना खाएर सुतेकी ५० वर्षीया महिलामाथि जबरजस्ती गर्ने प्रयास गरेका सुनार पीडित महिला चिच्याएपछि भागेका थिए। पछि स्थानीयले खेतमा लखेटी पक्रेर इलाका प्रहरी कार्यालय दोधारामा बुझाएका थिए। सुनार यसअघि पनि बलात्कार अभियोगमा पक्राउ परेका थिए। अदालतले उनलाई दोषी ठहर गर्दै नौ वर्ष कैद सजाय सुनाएको थियो र पछिल्ला दुई वर्षदेखि उनी कञ्चनपुर कारागारमै सजाय भुक्तान गरिरहेका थिए। तर, जेनजी आन्दोलनकै अव्यवस्थामा कारागार तोडफोड भएपछि उनी फरार भएका थिए। कारागार प्रशासनका अनुसार कञ्चनपुर कारागार...