२५ औँ सशस्त्र प्रहरी दिवस २०८२ को अवसरमा सशस्त्र प्रहरीबल आश्रित गुल्म बझाङले मष्टा गाउँपालिकामा हाजिरी जवाफ कार्यक्रम गरेको छ ।
विभिन्न माध्यमिक विद्यालयहरु विच हाजिरी जवाफ प्रतियोगिता सम्पन्न भएको छ । जसमा कुलमष्टाजन माध्यामिक विद्यालय प्रथम स्थान हासिल गरेको छ भने शारदा माध्यामिक विद्यालय दितृय घचाया माध्यमिक विद्यालय तृतीय सरस्वती माध्यमिक विद्यालय सान्त्वना भएको छ ।
सशस्त्र प्रहरी बलकाे स्थापना दिवसकाे अवसरमा यस पटक मष्टा गाउँपालीकालाइ समेटेर विद्यालय स्तरिय कार्यक्रम गरिएको डिएसपी दुर्गाप्रशाद भट्टले बताए । उनले मष्टाकाे कुलमष्टाजन माध्यामिक विद्यालय लगायत स्थानीय सरकारलाई साथ सहयाेग गरेकोमा धन्यवाद ज्ञापन गरेका छन ।
कार्यक्रममा मष्टा गाउँपालीका अध्यक्ष ज्ञानबहादुर बाेहरा वडा नम्बर ४ का वडा अध्यक्ष उत्तमराज जाेशी सामाजिक विकास कार्यालयका प्रमुख प्रयागराज जाेशी शिक्षा शाखा प्रमुख सहित शिक्षक बिद्यार्थीहरुकाे उपस्थिति रहेको थियाे ।
गाउँपालीका अध्यक्ष ज्ञानबहादुर बाेहराले सशस्त्र प्रहरी बल र सामाजिक विकास कार्यालय लाई याे कार्यक्रम निकै राम्रो भएको र आगामी दिनमा साथ सहयाेगकाे अपेक्षा सहित सहकार्य गरेर स्थानीय सरकार अगाडि बढ्न तयार रहेको अध्यक्ष बाेहराकाे भनाइ थियाे ।
सशस्त्र प्रहरी बल बझाङकाे आयोजनामा कार्यक्रम सम्पन्न गरिएको हो । आयोजित प्रतियोगितामा गाउँपालिका भित्रका विभिन्न माध्यमिक विद्यालयका विद्यार्थीहरूको सहभागिता रहेको थियो। प्रतियोगिताले विद्यार्थीहरूमा सामान्य ज्ञान, बौद्धिक क्षमता तथा प्रतिस्पर्धात्मक भावना विकास गर्न महत्वपूर्ण योगदान दिएको आयोजकले जनाएको छ।
कार्यक्रममा सशस्त्र प्रहरी बल, स्थानीय जनप्रतिनिधि, विद्यालय व्यवस्थापन समिति, शिक्षक तथा सरोकारवालाहरूको उपस्थिति रहेको थियो। सहभागी विद्यार्थीहरूको उत्साहजनक सहभागिताले कार्यक्रम थप सफल बनेको सामाजिक विकास कार्यालय प्रमुख प्रयागराज जाेशीले बताए ।
सशस्त्र प्रहरी दिवसको अवसरमा आयोजित यस्ता शैक्षिक तथा बौद्धिक कार्यक्रमले प्रहरी–जनता सम्बन्ध मजबुत बनाउनुका साथै विद्यार्थीहरूलाई सकारात्मक दिशातर्फ प्रेरित गर्ने विश्वास लिइएको देखिन्छ ।
