बझाङ । दुर्गाथली गाउँपालिका–१ मा रहेको मदन भण्डारी बाल आश्रममा गाउँपालिकाका अध्यक्ष दिलबहादुर थापा (तुफान) आज बोका सहित पुगेका छन् ।
केही दिनअघि आश्रमका १७ जना नानिबाबुहरूलाई दुर्गाथली–३ रकैल घर भई हाल बेंगलोर बसोबास गर्दै आएका प्रिन्स महेन्द्र बहादुर धामीले एक–एक जोर न्यानो लुगा वितरण गर्ने जिम्मा अध्यक्ष थापालाई दिएका थिए । त्यस क्रममा अध्यक्ष थापाले बालबालिकालाई मासु–भात खुवाउने वाचा गरेका थिए ।
उक्त वाचा अनुसार अध्यक्ष थापा आज एक बोका, एक कट्टा चामल, जुस र भुजियाका पाकेटहरू सहित आश्रम पुगेका थिए । अध्यक्ष थापा आश्रम पुगेपछि बालबालिकाहरूले दिपावलिको अवसरमा डिजे बजाएर रमाइलो गर्दै खुशी व्यक्त गरेका थिए ।
दिपावलिको अवसरमा गरिएको यस सहयोगले आश्रमका बालबालिकामा थप उत्साह र उमङ्गको वातावरण सिर्जना भएको आश्रमका सदस्यहरूले बताएका छन् ।
