बझाङको जयपृथ्वी नगरपालिका–६, नौरा आधारभूत प्राथमिक स्वास्थ्य केन्द्रको सामाजिक परीक्षण (Social Audit) सम्पन्न भएको छ । आज एक विशेष कार्यक्रमका बीच वडा नं. ६ का अध्यक्ष नरेन्द्र बहादुर सिंहको अध्यक्षतामा उक्त कार्यक्रम सम्पन्न गरिएको हो ।
कार्यक्रममा करिब ५८ जना सहभागी भएका थिए । सहभागीहरूले स्वास्थ्य सेवाको गुणस्तर वृद्धि र प्रभावकारी सेवा प्रवाहका लागि विभिन्न सुझाव र सल्लाह दिएका थिए ।
सामाजिक परीक्षणका क्रममा स्वास्थ्य केन्द्रलाई अझ प्रभावकारी बनाउनका लागि आगामी कार्ययोजना समेत तयार गरिएको छ ।
उक्त सामाजिक परीक्षण कार्यक्रम UNFPA र पिसबिन नेपालको आर्थिक सहयोगमा सम्पन्न भएको हो भने कार्यक्रमको सहजीकरण रमेश केसीले गर्नुभएको थियो ।
