Day: २०८० पुष १८, बुधबार २१:३४

धनगढी - केएमसीको आयोजनामा धनगढीको शिव माविमा स्वास्थ्य शिविर आयोजना गरिएको छ । कैलाली बहुमुखी क्यामपसको आयोजना हिमालयन गौरीशंकर डेन्टल क्लिनिक प्रालिको सहकार्यमा धनगढी-७ मा रहेको शिव माध्यमिक विद्यालयमा स्वास्थ्य शिविरको आयोजना गरीएको हो । बुधबार गरिएको शिविरमा रगत, वीपी, र दाँतको परिक्षण गरिएको छ । स्कुलका प्रधानाध्यापक रानाबाट परीक्षणको उद्धघाटन गरीएको हो । कक्षा १ देखि १० कक्षासम्मको उक्त विद्यालयमा १६८ जनाले परीक्षण गराएका छन् । केही विद्यार्थीमा गिजा र दाँतमा जटिल समस्या केहिमा सामान्य समस्या देखापरेको जनाइएको छ ।...

बझाङ - नेकपा एमाले बझाङको ८ औँ जिल्ला अधिवेशन माघमा हुने भएको छ । नेपाल कम्युनिष्ट पार्टी एमाले बझाङकाे ८ औं जिल्ला अधिवेशन माघ १९ र २० गते गर्ने निर्णय गरिएको हो । बुधबार पार्टी कार्यालय चैनपुरमा बसेको आयोजक कमिटीको प्रथम बैठकले पार्टीको जिल्ला अधिवेशन आगामी माघ १९ र २० गते केदारस्युँ गाउँपालिकाको झोतामा आयोजना गर्ने निर्णय गरेको नेकपा एमालेका केन्द्रीय सदस्य ऐन महरले जानकारी दिए । जिल्ला अधिवेशनका लागि सबै वडाबाट प्रतिनीधि छान्ने र कार्यक्रम व्यवस्थापनको तयारी गरिने गरी अधिवेशनको मिती तोकिएको हो ।  आठौँ अधिवेशनले एमालेमा सकेसम्म सर्वसम्मत नेतृत्व चयनका लागि पहल गर्ने र सहमति हुन नसकेको अवस्थामा निर्वाचनको विधि अवलम्बन गरिने महरले बताए ।...

धनगढी - कैलालीको टीकापुरबाट लागूऔषसहित तीन जना पक्राउ परेका छन् ।  टीकापुरको–९ नम्बर वडा खक्रौलाबाट १ ग्राम ४७० मिलीग्राम लागूऔसधसहित टीकापुर–२ का १८ वर्षीय निराजन चौधरी पक्राउ परेका हुन् । त्यस्तै टीकापुर–५ का २० वर्षीय बिकास पुनमगर र सोहि ठाउँका २२ वर्षीय चन्द्र विष्ट पक्राउ परेका छन् । ईलाका प्रहरी कार्यालय टीकापुरबाट सादा पोशामा खटिएको प्रहरी टोलिले तीनै जनालाई पौष १६ गते पक्राउ गरेको थियो ।  जिल्ला अदालतबाट म्याद थप गरेर अनुसन्धान भइरहेको ईलाका प्रहरी कार्यालय टीकापुरका सुचना अधिकारी लोकराज अवस्थीले बताए ।...

धनगढी - धनगढीमा रहेको मानवसेवा आश्रम कैलाली शाखमा सहयोग गरिएको छ । आश्रममा चामल ५ कट्टा, तेल १ पेटि र नगद १२ हजार सहयोग गरिएको हो । आश्रममा लायन्स क्लब अफ धनगढी भिजनले आफ्नो तेस्रो वार्षिकोत्सबका अवसरमा खाद्यान्न सहयोग  गरेको छ । क्लबका अध्यक्ष पवन शाहलगायत पदाधिकारीले आश्रममै आएर चामल ५ कट्टा र तेल १ पेटि सहयोग गरेको आश्रमका अभिभावक  सिद्धराज पनेरूले बताएका छन् । यस्तै अत्तरिया बस्ने हेम खड्काले आफ्नो जन्मदिनको अवसरमा चामल, तेल, तरकारी, स्याउ, सुन्तला  र फलफूल सहयोग  गरेको उनले बताए । यसैगरी धनगढीको एक्सिस विद्याश्रमकी प्रधानाध्यापक अनिता पन्त लगायत सम्पूर्ण शिक्षक शिक्षिकाले अङ्ग्रेजी नयाँ वर्षको अवसरमा भोजन सेवाका लागि नगद १२ हजार सहयोग गरेको अभिभावक पनेरुले बताएका छन् ।...

गुलरिया - कृष्णपुर नगरपालिकाको आयोजना र धनगढी नेत्रालयको प्राविधिक सहयोगमा संचालन भएको निशुल्क आँखा शिविर  मंगलबार सम्पन्न भएको छ ।  पौष १ गते वडा न.१ को कुमगडाबाट शुरु भएको आँखा शिविर पौष १७ गते वडा न.९ को आधारभुत स्वास्थ्य केन्द्र राजघाटमा गएर सकिएको छ ।  निशुल्क आँखा शिविरमा पाँच हजार ७ नगरबासीले घर दैलौमै सेवा लिएका छन्  । नगरपालिकाले ९ वटै वडाका १२ स्वास्थ्य युनिट र भौगोलिक हिसाबले विकट मानिएको वडा न.१ कुमगडा गरेर १३ स्थानमा आँखा शिविर संचालन गरिएको हो । आँखा शिविरमा एक हजार पाँच सय ३९ जनालाई नजिकको चश्मा प्रदान गरिएको छ भने ६ सय १३ जनालाई सल्यक्रियाका लागि धनगढी नेत्रालयमा सिफारिस गरिएको छ ।  सल्यक्रियाका लागि सिफारिस गरिएका ६ सय १३ जनाको धनगढी नेत्रालयले निशुल्क सल्यक्रिया गर्ने कृष्णपुर नगरपालिका स्वास्थ्य शाखा प्रमुख रतन सिंह बिस्टले जानकारी दिए ।  ...

डडेल्धुरा - मेडिकल सञ्चालनको तयारीमा रहेको डडेल्धुरा अस्पतालमा दक्ष जनशक्तिको अभावमा सीटी स्क्यान सेवा बन्द भएको छ ।  रेडियोलोजिष्टको अभावमा तीन महिना यता सीटी स्क्यान सेवा बन्द रहेको अस्पतालका निमित्त मेसु डा. सन्तोष गुप्ताले बताए । रेडियोलोष्टि यहाँबाट सरुवा भई गएपछि सीटी स्क्यान सेवा बन्द भएको उनले बताए । स्वास्थ्य तथा जनसङ्ख्या मन्त्रालयले डेढ वर्ष पहिले छात्रवृत्तिबाट अध्ययन गरेका रेडियोलोजिष्टलाई करारमा डडेल्धुरा अस्पताल पठाएका थिए । उनले १६ महिना काम गरे । उनले भने, ‘‘छात्रवृत्तिमा अध्ययन गरेकाले कम्तिमा एक वर्ष दुर्गममा काम गर्नुपर्ने प्रावधान छ ।’’ उनले करिब डेढ वर्ष काम गर्नुभयो र यहाँबाट सरुवा माग्नुभयो । ऊनी गइसकेपछि मन्त्रालयले रेडियोलोजिष्ट पठाउन सकेको छैन । त्यसकारण करिब तीन महिना यता अस्पतालमा सीटी स्क्यान सेवा बन्द भएको छ । सीटी स्क्यान गराउन डडेल्धुरा लगायत ...

कैलाली - माघ ११ गते सुदूरपश्चिमबाट राष्ट्रियसभा सदस्य पदका लागि हुने निर्वाचनमा सत्ता गठबन्धन दलका आकांक्षी उम्मेदवार धेरै देखिएका छन् ।  सुदूरपश्चिममा तीन पदका लागि नेपाली कांग्रेसले ८२ जना र नेकपा (माओवादी केन्द्र)ले २१ जनाको नाम पार्टी केन्द्रमा सिफारिस गरेको छ ।  जिल्ला तहबाट सिफारिस भएका नामावलीलाई प्रदेश समितिले पनि जस्ताको त्यस्तै केन्द्रीय समितिलाई पठाएको कांग्रेस सुदूरपश्चिम प्रदेशका महामन्त्री नरनारायण शाहले बताए ।  सत्तागठबन्धनमै रहेका नेकपा (एकीकृत समाजवादी) र नागरिक उन्मुक्ति पार्टीले केन्द्रमा गठबन्धनको निर्णयपछि मात्रै आफूहरूले उम्मेदवारको टुङ्गो लगाउने बताएका छन् ।  सत्ता गठबन्धनका चार दलले तालमेल गरेर निर्वाचनमा होमिने तयारी गरिरहेका बेला नेकपा एमाले र राप्रपाले भने अहिलेसम्म एकल लड्ने गरी तयारी गरेका छन् । राप्रपाले प्रत्येक क्लस्टरबाट तीन–...

बैतडी - बैतडीका एक युवकको संयुक्त अरब इमिरेट्स (यूएई) मा गाडी दुर्घटनामा परी मृत्यु भएको छ । रोजगारीको शिलशिलामा एक महिना अगाडी मात्रै संयुक्त अरब इमिरेट्स (युएइ) पुगेका जगदीश महराको मृत्यु भएको हो । पुर्चौडी नगरपालिका- १० बिजयपुर महरा गाउँ घर भएका २३ वर्षीय जगदीश महराको गाडीको ठक्करबाट  मृत्यु भएको पारिवारिक स्रोतले जनाएको छ । आइतबार उनलाई  गाडीले ठक्कर दिएको थियो । गाडीको ठक्करबाट गम्भीर घाइते भएका महराको उपचारको क्रममा मृत्यु भएको स्थानीय भान बहादुर महराले जानकारी दिए ।...

धनगढी - केएमसीका विद्यार्थीले मानवसेवा आश्रम कैलालीलाई सहयोग गरेका छन् । कैलाली बहुमुखी क्याम्पसमा बिएड चौथो वर्षमा अध्ययनरत  विद्यार्थीले शैक्षिक भ्रमणमा बचेकाे रकम मानवसेवा आश्रममा सहयोग गरेका हुन् । विद्यार्थीहरुले  शैक्षिक भ्रमणमा बचेकाे १० हजार रुपैयाँ सहयोग गरेको आश्रमले जनाएको छ ।

सर्जक, लवदेव धामी (लव) झ्याउरे लयमा : देश, आमा र छोरा हे मेरी आमा के पायौ छोरा बनाउन विदेशी। को जान्थ्यो विदेश मेरो यो देशमै भविष्य भएसी।। न पैसा मेरो न भयो शक्ति पाउन रोजगारी। विदा देउ भन्छ यो तिम्रो छोरो ति आँशु नझारी।। पुगेछु भने के गरी खाडी फेर्नेछु त्यो चोलो। एक दिन आउँछ संसार सबै भन्छनि छ गोलो।। कोहीले बेच्ने कोहीले किन्ने नेपाल आमालाई। अकालमै मरे बचाउन खातिर ति मेरा दाजुभाइ।। मारेकै थिए हटाउन राजा हे आमा वीर छोरा। ल्याएर पनि यो गणतन्त्र भाषण त छन् कोरा।। सत्तामा पुग्न मर्ने र मार्ने आमाको काख खाली। के चाहियो अब भन ए बाबु गणतन्त्रलाई फाली।। चल्दैन बन्दुक देशैका रक्षक मार्दा त कसैले, गोली नै खाए यी मेरा छोरा बोल्दा त अहिले।। न राम्रो शासन न छोरा रह्यो न मलाई जोगायौँ । भन ए दलाल भ्रष्टाचारी को बाट के पायौ ।। हुँदैन शान्ति नगए सम्म ब...

धनगढी - डडेल्धुरामा एक पुरुष मृत फेला परेका छन् ।  जिल्लाको अमरगढी नगरपालिका- ८ मा एकजना पुरुष मृत अवस्थामा फेला परेका हुन् । मृत फेला पर्नेमा बैतडीको दशरथचन्द नगरपालिका-३ का ३५ वर्षीय नरेश नाथ रहेको जिल्ला प्रहरी कार्यालय डडेल्धुराका  प्रवक्ता प्रहरी निरीक्षक कुसुम नायकले जानकारी दिए । नायकका अनुसार बुधबार बिहान ८ बजे प्रहरी घटनास्थलमा पुगेको र अहिले सोधपुछका लागि मृतक नाथकी श्रीमतीलाई नियन्त्रणमा लिइएको छ । नाथ लामो समयदेखि श्रीमतीसँग डडेल्धुरा बस्दै आएका थिए । उनकी श्रीमती मानसिक सन्तुलन ठिक नभएको बताइएको छ । मृतक नाथको शव डडेल्धुरा अस्पतालको शव ग्रहमा राखिएको छ । ...

बैतडी - बैतडीमा जीप दुर्घटना भएको छ । जिल्लाकाे पञ्चेश्वर गाउँपालिका–४ को आम्चौराबाट मेलौलीतर्फ आउदै गरेको ना २ च ४५५१ नम्बरको जीप गाउँपालिकाको कार्यालय नजिक दुर्घटना भएको हो । दुर्घटनामा परी ३ जना घाइते भएका छन् । उनिहरुको उद्धार भइरहेको स्थानीय एवम् पञ्चेश्वर गाउँपालिकाका पोषण स्वयंसेवक नारायणराम सार्कीले जानकारी दिए । उकालोसहितको मोडमा टर्निङ नपुगेर दुर्घटना हुन पुगको बताइएको छ । जीप माथिल्लो मोडबाट तल्लो सडकमा खस्न पुगेको हो । प्रहरीको टोली घटनासथलतर्फ गइरहेको जिल्ला प्रहरी कार्यालय बैतडीले जनाएको छ ।...