कैलाली

धनगढी — कैलालीको गोदावरी नगरपालिका–१२, गौडी निवासी शंकर आउजी केही दिनदेखि हराइरहेका छन् । मानसिक असन्तुलनको समस्या रहेका आउजीलाई अत्तरिया स्थित उग्रतारा सुधार केन्द्रमा राखिएको थियो। सुधारपछि चार महिना अघि उनलाई घर ल्याइएको थियो। परिवारका अनुसार चैत २९ गते राति ११:४५ बजे उनी घरबाट निस्किएपछि सम्पर्कविहीन भएका हुन्। आफन्त तथा इष्टमित्रले सम्भावित सबै ठाउँमा खोजी गरे पनि उनी फेला परेका छैनन्। उनलाई चैत ३१ गते कैलालीस्थित नेपाल–भारत सीमा क्षेत्र गौरीफन्टामा देखिएको जानकारी प्राप्त भएको छ। त्यहाँ रहेका व्यक्तिहरूका अनुसार आउजीले “म मुम्बई जाँदैछु” भनेका थिए। शंकर आउजीको खोजी कार्यमा सहयोग गर्न सबैलाई अपिल गरिएको छ। यदि कसैले देख्नु वा भेट्नु भएमा नजिकको प्रहरी चौकीमा जानकारी गराई दिन वा निम्न नम्बरहरूमा सम्पर्क गर्न अनुरोध छ: सम्पर्क: नेपाल: +९७७ ९८४८४५१५३२ / ९८४८७६७३२९ भारत (Wha...

धनगढी— एसईई परीक्षाका क्रममा धनगढीको पञ्चोदय माध्यमिक विद्यालय परीक्षा केन्द्रमा एक किशोरीमाथि यौन दुर्व्यवहार भएको आरोपमा प्रहरीमा उजुरी परेको छ। पीडित किशोरीले चिट चेकजाँचको नाममा परीक्षा केन्द्रमा खटिएका एक शिक्षकले आफू र अन्य केही छात्राहरूको संवेदनशील अंगमा अनुचित रूपमा छोएको आरोप लगाउँदै प्रहरी प्रधान कार्यालयमा अनलाइनमार्फत उजुरी गरेकी हुन्। बुधबार मात्र उक्त उजुरी कैलाली जिल्ला प्रहरी कार्यालयमा पुगेको छ। उजुरी प्राप्त भएपछि प्रहरीले घटनाबारे प्रारम्भिक अनुसन्धान सुरु गरेको जनाएको छ। प्रहरीका अनुसार, उजुरीमा उल्लेखित शिक्षकसहित परीक्षा केन्द्रमा खटिएका अन्य कर्मचारीहरूसँग सोधपुछको तयारी भइरहेको छ। घटनालाई गम्भीर रूपमा लिएर आवश्यक कानुनी प्रक्रिया अघि बढाउने तयारीमा प्रहरीले जोड दिएको छ।...

धनगढी— धनगढी उपमहानगरपालिका–१७ पथरीमा आफैंले पालेको राँगाले आक्रमण गर्दा १५ वर्षीया किशोरी गम्भीर घाइते भएकी छन्। प्रहरीका अनुसार ज्वती चौधरी नामकी ती किशोरीलाई घरमै पालेको राँगाले हानेपछि उनको संवेदनशील अङ्गसहित शरीरका विभिन्न भागमा गम्भीर चोट लागेको हो। जिल्ला प्रहरी कार्यालय कैलालीका प्रवक्ता, प्रहरी नायब उपरीक्षक (डीएसपी) कबिन्द्रसिंह बोहराले किशोरीको अवस्था गम्भीर रहेको र उनलाई निसर्ग अस्पतालको आईसीयूमा राखेर उपचार भइरहेको जानकारी दिए।...

धनगढी- कैलालीमा नहरमा डुबेर एक बालिका बेपत्ता भएकी छन् । जिल्लाको लम्कीचुहा नगरपालिका–३ बल्चौर बस्ने दिर्घ बादीकी ९ वर्षीया छोरी खुसी बादी बेपत्ता भएकी प्रहरीले जनाएको छ। उनि बल्चौर स्थित रानीजमरा कुलरिया सिचाई आयोजनाको नहरमा नुहाउने क्रममा डुबेर बेपत्ता भएकी जनाइएको छ। उनको खोजी कार्य गरिरहेको प्रहरीले जनाएको छ।...

धनगढी– छ अर्ब ५८ करोड रुपैयाँ खर्चिएर तयार गरिएको कैलालीको गेटा मेडिकल कलेज अझै सञ्चालनमा आउन सकेको छैन। सरकारी बेवास्ता, नीतिगत अन्योल र राजनीतिक दाउपेचका कारण कलेज अन्योलमा परेको हो। २०७३ सालमा सुरु गरिएको कलेजको संरचना ५१ हेक्टरमा फैलिएको छ, जसमा ६ सय शय्याको अस्पताल र ४२ वटा अन्य भवन तयार अवस्थामा छन्। एमबिबिएस पढाइको लागि आवश्यक फर्निसिङसमेत पूरा भइसकेको छ। तर, अहिलेसम्म तीन जना प्रमुख फेरिइसकेका छन् र ६३ जना करार तथा ज्यालादारी कर्मचारी पुसदेखि तलबविहीन अवस्थामा काम गरिरहेका छन्। अस्थायी दरबन्दी स्वीकृत नहुनु र मन्त्रालयबीचको समन्वय अभावले सेवा विस्तार गर्न नसकिएको हो। २०८० असारमा सरकारले १०० शय्याको अस्पताल सञ्चालन गर्ने निर्णय गरे पनि स्वास्थ्य मन्त्रालयले ५० शय्याको मात्र अस्थायी स्वीकृति दिएको छ। अस्पताल भने स्वास्थ्य मन्त्रालय मातहत सञ्चालनमा आइसकेको छ, तर अन्य संरचना अ...

धनगढी- कैलालीमा ७ वर्षीया बालिकामाथि विद्यालयमै जबरजस्तीकरणी भएको छ । टीकापुर नगरपालिका–४ मा रहेको राम जानकी इंग्लिस बोर्डिङ स्कुलमा ७ वर्षीया बालिकामाथि जबरजस्तीकरणी भएको हो । बलिकामाथि जबरजस्तीकरणी गरेको आरोपमा सोही विद्यालयमा ९ कक्षामा अध्ययनरत किशोरलाई प्रहरीले पक्राउ गरेको छ । इलाका प्रहरी कार्यालय टीकापुरका प्रमुख प्रहरी नायब उपरीक्षक (डीएसपी) नवीनराजा बुढाथोकीले बालिकामाथि बलात्कार गरेको आरोपमा १४ वर्षीय किशोरलाई पक्राउ गरिएको जानकारी दिए । उनका अनुसार पीडित बालिकाकी आमाले दिएको किटानी जाहेरीका आधारमा किशोरलाई ११ चैतमा पक्राउ गरिएको हो । घटना भने ६ चैतको भएको प्रहरीले जनाएको छ । बालिकाको यौनीबाट रगत बग्न थालेपछि उनीमाथि जबरजस्तीकरणी भएको खुलेको थियो । पीडित बालिकाका अभिभावकका अनुसार यौनीबाट रगत बगेपछि उपचारका लागि अस्पताल लगिएको थियो । चिकित्सकले चेकजाँचका क्रममा उनीमाथि बलात्कार ...

कैलाली- कैलालीको गेटा अस्पतालमा अबदेखि मुटु रोगको उपचार सेवा पनि सुरु गरिएको छ। सहिद गंगालाल हृदय केन्द्रमा कार्यरत रहेका मुटु रोग विशेषज्ञ डा. अजय भट्ट सरुवा भई गेटा अस्पताल आएपछि यो सेवा सुरु भएको हो। अस्पतालका सूचना अधिकारी नैनसिंह कार्कीका अनुसार, डा. भट्टलाई स्वास्थ्य तथा जनसंख्या मन्त्रालयले छात्रवृत्ति करार सेवाअन्तर्गत गेटा अस्पताल पठाएको हो। मंगलबारदेखि डा. भट्टले ओपिडी सेवा सुरु गरेका छन्। हाल अस्पतालमा दैनिकजसो १० जना जति मुटु सम्बन्धी बिरामी आउने गरेका छन्। डा. भट्टका अनुसार, अस्पतालमा अत्याधुनिक इसिजी र इलेक्ट्रोकार्डियोग्राम (इको) मेसिन उपलब्ध छ, जसले परीक्षणलाई सहज बनाएको छ। “गंगालालमा प्रयोग हुने तहकै इको मेसिन यहाँ उपलब्ध छ,” डा. भट्टले बताए, “छिट्टै हल्टर र टिमिएटी परीक्षण सेवा पनि सञ्चालनमा ल्याउने तयारी भइरहेको छ।” त्यस्तै, निकट भविष्यमै क्याथ ल्याब सेवा सुर...

धनगढी- कैलालीको कैलारी गाउँपालिका–५, बैजपुरमा निर्माण भएको १५ शय्याको अस्पताल बजेट अभावका कारण सञ्चालनमा आउन सकेको छैन। संघीय सरकारको नीति अनुसार भव्य भवन तयार भए पनि जनशक्ति, उपकरण र व्यवस्थापनका लागि आवश्यक बजेट नहुँदा अस्पताल सञ्चालनमा समस्या भएको हो। गाउँपालिकाका सूचना अधिकारी यगम कलेलका अनुसार, अस्पतालको संरचना निर्माण सम्पन्न भए पनि सञ्चालनका लागि बजेट नहुँदा चुनौती बढेको छ। नेपाल सरकारको नीति अनुसार सबै पालिकामा १५ शय्याको अस्पताल बनाउने योजनाअन्तर्गत २०७० असार २९ गते सम्झौता गरी निर्माण सुरु गरिएको थियो। १८ करोड ५२ लाख रुपैयाँ लागतमा रोयल कन्स्ट्रक्सन जेभीले अस्पताल भवन निर्माण गरेको हो। तर गाउँपालिकाले अझै तीन करोड चार लाख रुपैयाँ भुक्तानी गर्न नसकेको हुँदा निर्माण कम्पनीले अस्पताल हस्तान्तरण गरेको छैन। स्वास्थ्य शाखा प्रमुख नरेश चौधरीका अनुसार, भवन तयार भइसक्दा पनि बजेटक...

धनगढी- कैलालीका एक युवकले चिसापानी–कुइने सडक निर्माणमा भइरहेको ढिलाइको विरोधमा चिसापानी पुलमै अनशन सुरु गरेका छन्। स्थानीय नेत्र भण्डारीले पुलमाथि सुतेर शान्तिपूर्ण अनशन थालेका हुन्। सडक निर्माणका लागि दुई वर्षअघि ठेक्का सम्झौता भए पनि अझैसम्म काम सुरु हुन सकेको छैन। मन्त्रिपरिषद्ले रुख कटानका लागि आवश्यक निर्णय गरिसके पनि वन विभागले आदेश नदिँदा निर्माण प्रक्रिया अघि बढ्न नसकेको हो। २०७९ साउन ३ गते सम्झौता भएको यो ७.२ किलोमिटर लामो सडक कालोपत्रे गर्ने काम दिव्यज्योती–शाही जेभीले १२ करोड ८० लाख रुपैयाँमा पाएको थियो। तर, सडक खण्डमा रहेका ४७२ वटा रुख हटाउने अनुमति नआउँदा निर्माण थालिएको छैन। साइट इन्जिनियर चित्र चौलागाईका अनुसार, वन विभागको अनुमति पाएलगत्तै काम सुरु गर्न सकिनेछ। अनशनकारी भण्डारीले भने, “सरकारको विकास निर्माणमा सघाउने उद्देश्यले अनशन थालेको हुँ। रुख कटानको आदेश आयो भन...