धनगढी — कैलालीको गोदावरी नगरपालिका–१२, गौडी निवासी शंकर आउजी केही दिनदेखि हराइरहेका छन् । मानसिक असन्तुलनको समस्या रहेका आउजीलाई अत्तरिया स्थित उग्रतारा सुधार केन्द्रमा राखिएको थियो। सुधारपछि चार महिना अघि उनलाई घर ल्याइएको थियो।
परिवारका अनुसार चैत २९ गते राति ११:४५ बजे उनी घरबाट निस्किएपछि सम्पर्कविहीन भएका हुन्। आफन्त तथा इष्टमित्रले सम्भावित सबै ठाउँमा खोजी गरे पनि उनी फेला परेका छैनन्।
उनलाई चैत ३१ गते कैलालीस्थित नेपाल–भारत सीमा क्षेत्र गौरीफन्टामा देखिएको जानकारी प्राप्त भएको छ। त्यहाँ रहेका व्यक्तिहरूका अनुसार आउजीले “म मुम्बई जाँदैछु” भनेका थिए।
शंकर आउजीको खोजी कार्यमा सहयोग गर्न सबैलाई अपिल गरिएको छ। यदि कसैले देख्नु वा भेट्नु भएमा नजिकको प्रहरी चौकीमा जानकारी गराई दिन वा निम्न नम्बरहरूमा सम्पर्क गर्न अनुरोध छ:
सम्पर्क:
नेपाल: +९७७ ९८४८४५१५३२ / ९८४८७६७३२९
भारत (WhatsApp सहित): +९१ ७७३८८४७७१६
