धनगढी— धनगढी उपमहानगरपालिका–१७ पथरीमा आफैंले पालेको राँगाले आक्रमण गर्दा १५ वर्षीया किशोरी गम्भीर घाइते भएकी छन्।
प्रहरीका अनुसार ज्वती चौधरी नामकी ती किशोरीलाई घरमै पालेको राँगाले हानेपछि उनको संवेदनशील अङ्गसहित शरीरका विभिन्न भागमा गम्भीर चोट लागेको हो।
जिल्ला प्रहरी कार्यालय कैलालीका प्रवक्ता, प्रहरी नायब उपरीक्षक (डीएसपी) कबिन्द्रसिंह बोहराले किशोरीको अवस्था गम्भीर रहेको र उनलाई निसर्ग अस्पतालको आईसीयूमा राखेर उपचार भइरहेको जानकारी दिए।

