उपत्यकामा १५ मध्ये १२ निर्वाचन क्षेत्रमा महिला निर्वाचन अधिकृत
उपत्यकाका १५ मध्ये १२ निर्वाचन क्षेत्रमा महिलालाई निर्वाचन अधिकृतका रूपमा खटाउने निर्णय भएको छ। २१ फागुनका लागि तय भएको प्रतिनिधिसभा निर्वाचनका लागि निर्वाचन आयोगले आइतबार मुख्य निर्वाचन अधिकृत र निर्वाचन अधिकृत खटाउने निर्णय गरेको हो। जसमा उपत्यकामा ठुलो संख्यामा महिला कर्मचारीलाई जिम्मेवारी दिइएको छ।
काठमाडौं नौ, ललितपुरमा दुई र भक्तपुरमा एक निर्वाचन क्षेत्रमा महिलालाई निर्वाचन अधिकृत तोकिएको छ।
काठमाडौंको क्षेत्र नम्बर १ मा काठमाडौं जिल्ला अदालतका न्यायाधीश चुरामान खड्कालाई मुख्य निर्वाचन अधिकृत तोकिएको छ। बाँकी नौ क्षेत्रमा महिला छन्। क्षेत्र नम्बर २ मा शान्ति न्यौपाने, ३ मा चमिला भट्टराई, ४ मा कृष्णा भण्डारी, ५ मा श्रद्धा रिजाल, ६ मा चपला पोखरेल, ७ मा सबिता शर्मा, ८ मा सम्झना खनाल, ९ मा मनुका घिमिरे र १० मा अमृताकुमारी शर्मा छन्।
त्यस्तै, ललितपुरको क्षेत्र नम्बर ३ ...
