धनगढी- नेपाल कम्युनिष्ट पार्टी (माओवादी ) बझाङले प्रतिनिधिसभा निर्वाचनका लागि उम्मेदवार सिफारिस गरेको छ। फागुन २१ गते हुने प्रतिनिधिसभा निर्वाचनमा पार्टीले प्रत्यक्ष तर्फ भरत मल्ललाई उम्मेदवारका रूपमा सिफारिस गरेको हो।
शनिबार बझाङको बुङ्गल नगरपालिकाको बिजगडामा सम्पन्न विशेष बैठकले मल्ललाई एकल उम्मेदवारका रूपमा सिफारिस गर्ने निर्णय गरेको पार्टीले जनाएको छ। बैठकमा आगामी निर्वाचनलाई प्रभावकारी ढंगले अघि बढाउने विषयमा समेत छलफल भएको बताइएको छ।

