कैलाली

कैलालीमा अपराधको पहिलो तह मानिने सार्वजनिक अपराधका घटनामा वृद्धि भएको छ। अन्य अपराधको तुलनामा सार्वजनिक अपराधका घटना निक्कै बढी हुने गरेको देखिएको छ। अपराधको पहिलो तह मानिने यस्ता कसुरका प्रकृति धेरै हुने भएकाले जुनसुकै स्थानमा पनि घट्न सक्छ। यस्ता अपराधको बेवास्ता गरी रोक्नतर्फ लागिएन भने गम्भीर प्रकृतिको घटना निम्तिने खतरा हुने प्रहरीको चेतावनी छ। प्रहरीको तथ्याङ्कले समेत सार्वजनिक अपराधका घटना बढी देखिनु गम्भीर प्रकृतिका अपराध बढाउन सक्ने सङ्केत हो। सार्वजनिक शान्ति सुरक्षामा खलल पुर्‍याउनु नै सार्वजनिक अपराध भएको प्रहरीले जनाएको छ। पहिलो तहको अपराध हुने भएकाले यसमा उसलाई सुध्रनका लागि गरिने सजायको रुपमा मुद्दा अघि बढ्ने गरेको छ। कैलालीमा आर्थिक वर्ष २०७७/७८ मा सार्वजनिक अपराधका २५६ मुद्दा प्रहरीमा दर्ता भएका छन्। यो संख्या आर्थिक वर्ष २०७८/७९ मा बढेर ३६४ मुद्दा प्रहरीम...