बझाङ

बझाङ- सदरमुकाम चैनपुर पछि ठूला व्यापारीक केन्द्र हुन् तमैल, झोता, देउरा, बागथला बजार । यी बजारहरूमा सरसामान किनमेल गर्ने मानिस तथा गाडीमा यात्रा गर्ने यात्रुहरूको भिडभाड हुने गरेको छ । तर विडम्बना केछ भने यी नै बजारहरूमा एउटा सार्वजनिक शौचालय समेत छैनन् । अहिले सिंगो देश नै खुल्ला दिसामुक्त घोषणा गरिसकिएको छ । मुख्य बजार क्षेत्रमा एउटा पनि सार्वजनिक शौचालय नहुँनु लज्जाको विषय बनेको छ । सार्वजनिक शौचालय स्वास्थ्य संरक्षण, पर्यावरणीय स्वच्छता, सामाजिक सभ्यता,लैङ्गिक समानता र पर्यटन प्रवर्द्धनका लागि अत्यावश्यक मानिन्छ । तर केदारस्यूँ गाउँपालिकाको मुटु समेत मानिने झोता र देउरा बजारमा सार्वजनिक शौचालय नहुँदा गाउँबाट बजार आएकाहरुलाई समस्या हुने गरेको छ । बजार क्षेत्रमा सार्वजनिक शौचालय नहुँदा गाउँबाट सरकारी कामकाज तथा किनमेल गर्न तथा सामान खरिद विक्रि गर्न आउनेहरुले शौंच गर्न खुल्ला स्थान वा क...

बझाङ- बझाङमा कारागारबाट फरार भएका कैदीलाई प्रहरीले नियन्त्रणमा लिन खोज्दा भीरबाट हाम फालेको पाइएको छ । भदौ २३ र २४ गते देशव्यापी रुपमा जेन-जी समुहले गरेको आन्दोलनका क्रममा कारागारबाट भागेका २ जना कैदीलाई बित्थडचिर गाउँपालिकाको स्याँडीबाट प्रहरीले नियन्त्रणमा लिन खोज्दा भीरबाट हाम फालेका हुन् । कर्तव्य ज्यान सम्बन्धि मुद्दामा सजाय भोगिरहेका जाजरकोट, भेरी नगरपालिका-४ का उदिप भनिने रोहन सुनार र चन्द्रबहादुर पुनलाई प्रहरीले नियन्त्रणमा लिनखोज्दा २५ गते राति ११ बजेको समयमा हाम फालेको जिल्ला प्रहरी कार्यालयका सूचना अधिकारी प्रहरी निरीक्षक लोकेन्द्र सिंह ठगुन्नाले जानकारी दिए । उनका अनुसार हामफालेका सुनार भीरबाट करिब तीन सय मिटर तल खसेका थिए। सुनारको ढाड र घाँटीमा गम्भीर चोट लागेको छ। उनी अहिले सेती प्रादेशिक अस्पतालमा उपचाररत छन । उनको शल्यक्रिया गर्नुपर्ने अवस्था रहेको र स्वास्थ्य अवस्था ग...

बझाङ- बझाङको खप्तडछान्ना गाउँपालिकाले पनि जेन-जी आन्दोलनमा ज्यान गुमाएका परिवारलाई आर्थिक सहयोग गर्नेभएको छ । भदौ २३ र २४ गतेको देशव्यापी रुपमा जेन-जी पुस्ताले गरेको आन्दोलनमा ज्यान गुमाएका बझाङका दुई जनाको परिवारलाई पालिकाले एक–एक लाख रुपैयाँ सहयोग गर्ने घोषणा गरेको हो। जेन-जी पुस्ताले राजनीतिक दलहरूको असफलता, नेतृत्वप्रति अविश्वास, भ्रष्टाचारका बिरुद्ध गरेको आन्दोलनमा ज्यान गुमाएका खप्तडछान्ना गाउँपालिकाका सुवास बोहरा र दुर्गाथलि गाउँपालिकाका भीम धामीको ज्यान गएको थियोे । पालिकाले देशव्यापी जेन-जी आन्दोलन नेपालको राजनितिक इतिहासमा एक युगान्तकारी परिवर्तनकारी विद्रोहका रूपमा स्थापित भएको बताउँदै पालिकाले मृतक बोहरा र धामीको परिवारलाई राहत स्वरुप उक्त रकम दिने निर्णय गरेको अध्यक्ष उत्तम बहादुर रोकायाले बताए । पालिकाले ऐतिहासिक आन्दोलनका क्रममा वीरगती प्राप्त गर्नु भएका सहिद प्रत...

बझाङ- बझाङको दुर्गाथलि गाउँपालिकाले जेन–जी आन्दोलनका क्रममा ज्यान गुमाएका परिवारलाई आर्थिक सहयोग गर्ने घोषणा गरेको छ । भदौ २३ र २४ गते जेन-जी पुस्ताले राजनीतिक दलहरूको असफलता, नेतृत्वप्रति अविश्वास, भ्रष्टाचारका बिरुद्ध गरेको आन्दोलनमा बझाङका दुई जनाले ज्यान गुमाएका थिए । उनीहरूको परिवारलाई पालिकाले एक–एक लाख रुपैयाँ सहयोग गर्ने घोषणा गरेको हो। गाउँपालिकाले आइतबार जारी विज्ञप्तिमा ऐतिहासिक आन्दोलनका क्रममा वीरगति प्राप्त शहीदप्रति हार्दिक श्रद्धाञ्जली अर्पण गर्दै शोकसन्तप्त परिवारप्रति समवेदना प्रकट गरेको छ। साथै आन्दोलनमा घाइते भएकाहरूको शीघ्र स्वास्थ्यलाभको शुभकामना पनि व्यक्त गरिएको छ। आन्दोलनका क्रममा ज्यान गुमाएका दुर्गाथलिका भीम धामी र खप्तडछान्नीका सुवास बोहराको उच्च बलिदानलाई स्मरण गर्दै गाउँपालिकाले उनीहरूको परिवारलाई राहतस्वरूप नगद एक–एक लाख रुपैयाँ उपलब्ध गराउने निर्णय गरेको ह...

बझाङ– जेन–जी आन्दोलनका क्रममा बझाङ जिल्ला कारागारबाट फरार भएका ६५ कैदीमध्ये २४ जना पक्राउ परिसकेका छन्। बाँकी फरार कैदीलाई तुरुन्त आत्मसमर्पण गर्न कारागार प्रशासनले आग्रह गरेको छ। प्रशासनले सार्वजनिक अपीलमार्फत कानूनी प्रक्रिया पालना गर्न, सम्पर्कमा आउन र फरार अवस्थामा रहिरहँदा थप कानूनी सजाय तथा भविष्यका अधिकारमा प्रतिकूल असर पर्न सक्ने चेतावनी दिएको छ। सम्पर्कमा आउने कैदीबन्दीको हकहित सुरक्षित गर्दै पुनर्स्थापना प्रक्रियामा सहयोग गर्ने प्रतिबद्धता जिल्ला कारागारले जनाएको छ। कारागारमा जम्मा ८५ जना रहेका थिए । २० जना कैदी भने आफुले गरेको गल्तीको सजाय भोग्नुपर्ने बताउँदै कारागारमै बसेका थिए ।...

बझाङ- बझाङमा सर्पको टोकाइबाट एक जना घाइते भएका छन् । केदारस्यूँ गाउँपालिका-९ झोताका अन्दाजी ५० वर्षीय प्रेम सार्की सर्पको टोकाइबाट घाइते भएका हुन् । गएराति घरमै सुतिरहेको समयमा सार्कीलाई सर्पले टोकेको स्थानीय तथा भैरव माध्यमिक विद्यालयका शिक्षक राजेन्द्र गिरीले जानकारी दिए । उनका अनुसार सार्कीलाई राति करिब तीन बजेको समयमा घरभित्र सुतिरहेको अवस्थामा सर्पले कानमा टोकेको थियोे । सर्पले टोकेलगत्तै उनलाई उपचारका लागि जिल्ला अस्पताल सिमखेत लिएको जनाइएको छ । जिल्लामा उपचार सम्भव नभएपछि अहिले उनलाई उपचारका लागि डडेल्धुरा रेफर गरिएको छ । स्थानीयले भने सर्पदंशको टोकाइबाट घाइतेको जिल्लामै उपचार नहुनु दु:खद पक्ष भएको बताए । जिल्ला अस्पतालले सर्पले टोकेर गम्भीर बनेका घाइते सार्कीलाई तत्काल आइसियु (ICU) कक्षामा राखेर उपचार गर्नुपर्ने देखिएको जनाएको छ । जिल्ला अस्पतालमा आइसियु सुविधा नहुँदा यहाँ आवश...

बझाङ- बझाङको तल्कोट गाउँपालिकामा ट्याक्टर दुर्घटना हुँदा एक जनाको मृत्यु भएको छ भने चार जना घाइते भएका छन्। आज बिहान करिब ४ बजे दाँतोला बाट खौला बजारतर्फ जाँदै गरेको सुप प्र ०१००२ त ४८३० नम्बरको ट्याक्टर वडा नम्बर ५ को भक्तपुर भन्ने स्थानमा दुर्घटनाग्रस्त भएको हो। दुर्घटनामा परि तल्कोट गाउँपालिका–४ उपरकोटका विकास सिंहको मृत्यु भएको जिल्ला प्रहरी कार्यालय बझाङका प्रहरी नायब उपरीक्षक (डीएसपी) खगेन्द्र धमालाले जानकारी दिनुभयो। घाइतेमध्ये तल्कोट–४ का ३० वर्षीय खगेन्द्र खत्री, भुपेन्द्र सिंह, अभिषेक सिंह र तल्कोट–५ का लोकेश मल्ल रहेका छन्। उनीहरूलाई जिल्ला अस्पतालमा उपचार भइरहेको छ। घाइतेमध्ये एकजनाको अवस्था गम्भीर रहेको प्रहरीले जनाएको छ। अनियन्त्रित भई सडकबाट करिब ५० मिटर तल खसेको उक्त ट्याक्टर दुर्घटनाबारे थप अनुसन्धान भइरहेको प्रहरीले जनाएको छ।...

धनगढी- बझाङको खप्तडछान्ना गाउँपालिका–७ गोर्खालीका २३ वर्षीय सुवास बोहराको सोमबार दिउँसो संसद भवन अगाडिको प्रदर्शनस्थल नजिकै गोली लागी मृत्यु भएको छ। बिरामी आमाको उपचार, बेपत्ता बुबाको खोजी र भाइहरूको उज्ज्वल भविष्य सुनिश्चित गर्ने सपना बोकेर राजधानी आएका सुवास जापान जाने तयारीमा थिए। तर, जापान उड्ने मिति कुर्दाकुर्दै उनी आन्दोलनकै क्रममा सधैंका लागि विदा भए। चार महिनादेखि बुबासँग सम्पर्क विच्छेद भएको थियो भने आमा भारतमा श्रम गर्दै उपचार गराइरहेकी थिइन्। सुवासले केही महिनाअघि प्लस–टु सकेर जापानी भाषा सिक्न काठमाडौं गएका थिए। आर्थिक अभावका कारण प्रस्थान मिति पर्खिरहेका उनी रकम जुटाउने संघर्षमै थिए। उनका आफन्त प्रदीप खड्काका अनुसार आर्थिक समस्या समाधान नहुँदा सुवास निकै निराश थिए। जापान उड्नुअघि नै आन्दोलनमा परेको गोलीले उनको जीवन अन्त्य गरिदियो। हाल सुवासको शव काठमाडौँ मेडिकल कलेज (केएमस...