समाचार

धनगढी - सोमबार धनगढीमा शोभायात्रा र दीप प्रज्वलन गरिएको छ । आज रामको जन्मभूमि अयोध्यामा निर्माण भएको नयाँ मन्दिरमा भगवान् रामको मूर्तिको प्राण-प्रतिष्ठा गरिएको दिनका अवसरमा धनगढीमा शोभायात्रा र दीप प्रज्वलन गरिएको हो । विश्व हिन्दु परिषद् नेपाल धनगढी नगर समितीको आयोजनामा आज सोमबार अपराह्न ३ बजेर ३० मिनेमा धनगढीको ट्राफिक चौराहबाट धनगढीको एलएन चोक हुँदै पार्कमोडसम्म शोभायात्रा गरिएको हो भने साझ ५ बजे पार्कमोडमा दीप प्रज्वलन गरिएको छ । भारतको अयोध्यामा भएको उक्त नयाँ मूर्तिको प्राण प्रतिष्ठालाई धनगढीको रामजानकी मन्दिर, लक्ष्मीनारायण मन्दिर, मानवसेवा आश्रम र ब्रह्मकुमारी इश्वरिय विश्वविद्यालयबाट आज दिउँसो १२ बजेर ३० मिनेटमा ठुलो पर्दामा देखाइएको छ ।  भगवान् राम भारतमा मात्रै नभई विश्वभरिका हिन्दू सनातनीहरूका आस्थाको केन्द्रविन्दु रहेको समितिका अध्यक्ष महेन्द्रराज पन्तले बताएका छन्...

धनगढी - चलचित्र पत्रकार संघ सुदूरपश्चिमले कलाकारसँग बृहत् अन्तरक्रिया गर्ने भएको छ । आज सोमबार बसेको संघको पहिलो पूर्ण बैठकमा उक्त अन्तरक्रिया कार्यक्रम गर्ने निर्णय पारित भएको हो । सोमबार धनगढीको एसटीएस सिनेमामा चलचित्र पत्रकार संघ सुदूरपश्चिम प्रदेशको पहिलो पूर्ण बैठक सम्पन्न भएको हो । संघका अध्यक्ष पुष्पराज जोशीको अध्यक्षतामा बसेको पहिलो पूर्ण बैठकले अन्तरक्रिया कार्यक्रम गर्ने, खाता खोल्ने र धन्यवाद सम्बन्धमा गरि ३ वटा प्रस्तावमाथि छलफल गरेको छ ।  बैठकमा अन्तरक्रिया कार्यक्रम गर्ने प्रस्तावमाथि छलफल गर्दा सुदूरपश्चिम प्रदेश भित्रको कला, साहित्य, संगीत र सुदूरपश्चिम भित्र रहेका छायांकन क्षेत्रको पहिचान गरि पर्यटकको केन्द्रविन्दु बनाउने उद्देश्यले फागुन पहिलो हप्ता भित्र बृहत कलाकारसँग संवाद कार्यक्रमको आयोजना गरिने संघका अध्यक्ष पुष्पराज जोशीले बताएका छन् । चलचित्र प...

काठमाडौं - राष्ट्रिय सभा निर्वाचनको लागि आज राति १२ बजेदेखि मौन अवधि सुरु हुँदैछ । निर्वाचन आयोगले विज्ञप्ति जारी गर्दै मध्यरातिदेखि प्रचार प्रसार निषेध गरिएको जानकारी दिएको हो । यो अवधि मतदान सम्पन्न नभएसम्मका लागि जारी रहनेछ । मौन अवधिमा राजनीतिकदलका पदाधिकारी, उम्मेदवार, दलका भातृ सङ्‍गठन तथा आचारसंहिता पालना गर्नुपर्ने अन्य व्यक्ति, संस्था वा निकायले निर्वाचन प्रचारप्रसारलगायत कुनै पनि प्रकारका छलफल, अन्तरक्रिया, सभा सम्मेलन, कार्यशाला गोष्ठी आदि गर्न पाइने छैन । यस्तै,  कुनै पनि विधि, प्रक्रिया वा माध्यमबाट मत माग्न र निर्वाचन प्रचारप्रसार गर्न नहुने,  सामाजिक सञ्‍जाल, अनलाइन, छापा वा अन्य कुनै माध्यमबाट राजनीतिक दल वा उम्मेदवारको पक्ष वा विपक्षमा कुनै सन्देश, सूचना वा प्रचारप्रसारका सामग्री पोष्ट वा शेयर गर्न वा गराउन नहुने आयोगले बताएको छ । राष्ट्रिय सभा सदस्यक...

धनगढी - कैलालीमा एयरगन फेला परेको छ । आइतवार १ थान सानो एयरगन व्यवारिसे अवस्थामा फेला परेको हो । आइतवार राति ९ः३० बजेको समयमा भजनी नगरपालिका वडा नम्बर २ कटानपुर स्थित वनदेवी सामुदायिक वन भित्र एयरगन फेला परेको प्रहरीले जनाएको छ ।  सुदूरपश्चिम प्रदेश प्रहरी कार्यालय धनगढीबाट खटिएको (आरआइटी) प्रहरी टोलीले सानो एयरगन (नपट्कीने) हतियार व्यवारिसे अवस्थामा फेला पारी बरामद गरेको जनाएको छ ।  उक्त एयरगन ईलाका प्रहरी कार्यालय भजनीमा राखि थप अनुसन्धान भईरहेको प्रहरीले जनाएको छ ।...

धनगढी - कैलालीबाट चार लाख बढीका सामान बरामद गरिएको छ।  जिल्लाको विभिन्न स्थानबाट एकै दिन ४ लाख ४१ हजार २ सय ३० मूल्य बराबरको सामान आईतवार प्रहरीले बरामद गरेको हो। धनगढी उपमहानगरपालिका-२ पुरानो सब्जीमण्डीबाट अबैध रुपमा भारतबाट भन्सार छलि गरि ल्याएका अन्दाजी ५ हजार बराबरको प्याज, धनगढी-३ त्रिनगर ब्यारेल नजिकबाट अन्दाजी ८५ हजार २ सय ३० मूल्य बराबरको चिनी, पास्ता, माछा, नरिवल, जिरा, मिठाई, बिष्कुट, ललिपप, मटर दाना लगायतका सामान बरामद गरिएको छ। यस्तै धनगढी–७ राम भगवत चोकबाट अन्दाजी २५ हजार मूल्य बराबरको प्याज र भजनी नगरपालिका–२ पल्टिपुरबाट अन्दाजी ३ लाख २६ हजार मूल्य बराबरको साडी, धोती, थान कपडा, मोटरसाईकल १ थान लगायतका सामान बरामद गरिएको प्रदेश प्रहरी कार्यालय धनगढीले जनाएको छ। ...

धनगढी - धनगढीको चौराहबाट आज दिउँसो शोभायात्रा गरिने भएको छ । आज रामको जन्मभूमि अयोध्यामा निर्माण भएको नयाँ मन्दिरमा भगवान् रामको नयाँ मूर्तिको प्राण-प्रतिष्ठा गरिने दिनका अवसरमा धनगढीमा शोभायात्रा गरिने भएको हो । धनगढीमा आज दिउँसो माघ ८ गते विश्व हिन्दु परिषद् नेपाल धनगढी नगर समितीको आयोजनामा उक्त शोभायात्रा गरिने भएको हो । आज सोमबार, माघ ८ गते अपराह्न ३ बजेर ३० मिनेमा धनगढीको ट्राफिक चौराहबाट धनगढीको एलएन चोक हुँदै पार्कमोडसम्म शोभायात्रा गरिने छ भने आज साझ सम्पूर्ण मन्दिरहरुमा दीप प्रज्वलन गरिने र सबैले आफ्नो घरमा पनि दियो बत्ती बालेर, भजन कृतन गरेर यस पुण्यको काममा सहभागी भइदिन समितिका अध्यक्ष महेन्द्रराज पन्तले आग्रह गरेका छन् । भारतको अयोध्यामा भइरहेकोे उक्त नयाँ मूर्तिको प्राण-प्रतिष्ठालाई धनगढीको रामजानकी मन्दिर, लक्ष्मीनारायण मन्दिर, मानवसेवा आश्रम र ब्रम्हकुमारी इश्वरि...

बाजुरा - बाजुरामा भिरबाट लडेर एक महिलाको मृत्यु भएको छ।  खप्तड छेडेदह गाउँपालिका-५ की ६८ वर्षीया राजुदेवी नेपालीको मृत्यु भएको हो। गत शुक्रवार दिउँसो जंगलबाट स्याउला ल्याउने क्रममा भिरबाट लडेर राजुदेवी गम्भिर घाईते भएकी थिइन्।  उनको न्याय हेल्थ अस्पताल बयलपाटा अछाममा उपचारको क्रममा आईतवार राति मृत्यु भएको जिल्ला प्रहरी कार्यालय बाजुराले जनाएको छ।  घर नजिकै रहेको थानकोट जंगलबाट स्याउला ल्याउने क्रममा भिरबाट लडेर उनी गम्भिर घाईते भएकी थिइन्। ...

धनगढी - कैलालीमा पाटे बाघ मृत अवस्थामा फेला परेको छ ।  जानकी गाउँपालिका–९ स्थित अमरावती सामुदायिक वनमा पाटेबाघ मृत फेला परेको हो ।  बाघको घाँटी, खुट्टामा मोटरसाइकल तार, काँडे तार अड्केको देखिएकाले सिकारीले थापेको पासोमा परेर बाघको ज्यान गएको हुन सक्ने वडा अध्यक्ष खकेन्द्र भण्डारीले बताए ।  घटनास्थलमा छानबिनका लागि वनको टोली पुगेको छ । ...

दार्चुला - दार्चुलामा एक युवकले प्रहरीमाथि चक्कु प्रहार गरेका छन्। महाकाली नगरपालिका–१ दहका २५ वर्षीय उमेश कुँवरले आइतवार १२ बजेतिर ड्युटीमा खटिएका प्रहरी हवल्दार जयबहादुर खड्का र प्रहरी जवान डम्मरबहादुर ठगुन्नामाथि चक्कु प्रहार गरेका हुन्।  चक्कु प्रहारबाट प्रहरी जवान ठगुन्नाको आँखाको तल्लो भागमा गहिरो चोट लागेको जिल्ला प्रहरी कार्यालय दार्चुलाका प्रहरी नायव उपरीक्षक शिवबहादुर सिंहले बताएका छन्। उमेशले श्रीमती धनिशालाई कुटपिट गर्ने गरेको भन्दै धनिशाकी दिदिले प्रहरीमा निवेदन दिएकी थिइन्। जिल्ला प्रहरी कार्यालयमा निवेदन आएपछि उमेशलाई नियन्त्रणमा लिन सामुदायिक प्रहरी बाङ्गाबगरबाट गएको प्रहरी टोलिमाथि चक्कु प्रहार भएको प्रहरीले बताएको छ। चक्कु प्रहार गरेर कुँवर फरार भएका छन्।  उनको खोजी गर्न प्रहरी टोली परिचालन गरिएको छ। उमेश र धनिशाले भदौमा भागेर बिहे गरेका थिए।...

दार्चुला - दार्चुलामा रोचक विवाह सम्पन्न भएको छ ।  अपि हिमाल गाउँपालिका–६ मज्जे बस्ने राइसिंह धामी र बिन्दु धामीले ८० वर्षको उमेरमा सांस्कृतिक तथा सामाजिक वैधानिक विवाह सम्पन्न गरेका हुन् ।  पनाती पनातिनी समेत भइसकेका राइसिंह र बिन्दुले गाउँमै बुढेसकालमा धूमधामसँग बिहे गरे । शुक्रबार बिहे गरेका धामी दम्पतिको परिवारमा ३ छोरा बुहारी, ४ छोरी, ५ नाति, ४ नातिनी, ३ नातिने बुहारी, ४ पनाती र ३ पनातिनी गरी जम्मा ३१ जना सदस्य रहेको बेहुला बाजेका नाति नाता पर्ने भगतसिंह धामीले जानकारी दिए । बेहुला (दुलहा) राइसिंह धामीलाई ८० वर्ष र बेहुली (दुलही) बिन्दु धामीलाई ७० वर्ष उमेर पुगेको उनले बताए । दुवै जनाले सामाजिक सुरक्षा भत्ता बुझ्दै आएका छन् । दुलहा राइसिंहले दुलही बिन्दुलाई सिन्दुरपोते लगाउनुका साथै यज्ञ परिक्रमासहित सबै बिहेविधि पूरा गरेर घरभित्र सांस्कृतिक परम्पराअनुसार भित्राए ।...