चाडपर्वमा मर्यादित ढंगले पर्व मनाउन कैलाली प्रशासनको आग्रह
धनगढी- जिल्लाअधिकार कार्यालय कैलालीले चाडपर्वको अवसरमा शान्ति–सुरक्षा कायम राख्दै मर्यादित ढंगले पर्व मनाउन सर्वसाधारणलाई आग्रह गरेको छ।
कार्यालयले आइतबार सार्वजनिक सूचना जारी गर्दै मादक पदार्थ सेवन गरी सार्वजनिक स्थलमा होहल्ला तथा झगडा नगर्न, अत्यावश्यक वस्तुमा कृत्रिम अभाव सिर्जना नगर्न, कालोबजारी र अनधिकृत मूल्यवृद्धि नगर्न, म्याद नाघेका वस्तुको बिक्री–वितरण नगर्न चेतावनी दिएको छ।
त्यस्तै, सवारीसाधनमा तोकिएको क्षमताभन्दा बढी यात्रु नराख्न, मादक पदार्थ सेवन गरी सवारीसाधन नचलाउन, तोकिएको भन्दा बढी भाडा असुल नगर्न र ट्राफिक नियमको पालना गर्न समेत प्रशासनले अनुरोध गरेको छ।...
