हाम्रो बारेमा

काठमाडौं - अभिनेत्री दिपाशा बीसीको शवलाई शनिबार पशुपति आर्यघाटमा अन्त्येष्टी गरिएको छ । उनको शवमा चलचित्र कलाकार संघको झण्डा ओढाएर सम्मान व्यक्त गरियो । उनलाई श्रद्धाञ्जली दिन आर्यघाटमा चलचित्र कलाकार संघका अध्यक्ष मोहन निरौलासहित कलाकारहरु निर्मल शर्मा, सविन श्रेष्ठ, दीपाश्री निरौला र लोकदोहोरी क्षेत्रका व्यक्ति उपस्थित थिए । फिल्म र म्युजिक भिडियोमा अभिनय गरेकी बीसीको बिहीवार नर्भिक अस्पतालमा उपचारका क्रममा निधन भएको थियो । उनले ‘बिरानो माया, चाल, झेली, दुलाहा रानी’ लगायतका फिल्ममा अभिनय गरेकी थिइन् । उनको डेब्यु फिल्म ‘दुलही रानी’ २०६८ मा रिलिज भएको थियो । उनले ‘तीज चाड नारीको, अच्छा लेकिन, नानी माई, सानी माया, तिमी नभए’ लगायतका दर्जनौं म्युजिक भिडियोमा काम गरेकी थिइन् ।...

धनगढी - धनगढी–अत्तरिया ६ लेन सडकको रेलिङ भाँच्ने बसलाई जरिबाना गरिएको छ । ट्राफिक प्रहरीसँगको सहकार्यमा धनगढी उपमहानगरपालिकाले ना ७ ख ५८७४ नम्बरको बसलाई जरिबाना गरेको हो । धनगढी उपमहानगरपालिकाका नगर प्रमुख गोपाल हमालको सचिवालयका अनुसार गत जेठ ११ गते बसले धनगढीको चौराह नजिक सडकको रेलिङ भाचेको थियो । जिल्ला प्रहरी कार्यालय, कैलालीको नियन्त्रणमा रहेको गाडी रेलिङ मर्मत गर्न सर्तमा छोडिएको थियो । तर, पाँच महिनासम्म भाँचिएको रेलिङ मर्मत नभएपछि ट्राफिक प्रहरीको सहयोगमा जरिबाना तिराइएको हो । धनगढी बसपार्कबाट सोमवार ट्राफिक प्रहरीको सहकार्यमा नगर प्रहरीले बस फेरि नियन्त्रणमा लिएका थिए । बस धनीले रेलिङ मर्मतका लागि ५५ हजार धरौटी बुझाएपछि बस छोडिएको छ । १५ दिन भित्रमा बस धनीले रेलिङ मर्मत नगरेमा उपमहानगरपालिकाले ५५ हजार रुपैयाँबाट रेलिङ मर्मत गर्ने जनाइएको छ ।...

धनगढी - दाङमा गोली लागेर एक जना सशस्त्र प्रहरी जवानको मृत्यु भएको छ । मृत्यु हुनेमा घोराही उपमहानगरपालिका-७ हर्नियाका जुगारु चौधरी रहेका छन्। चौधरीको हत्या आरोपमा प्रहरीले घोराही–५ बरलाबोटका ५५ बर्षीय शेरबहादुर केसीलाई भरूवा बन्दुकसहित शनिबार प्रकाउ गरिएको जिल्ला प्रहरी प्रमुख डीएसपी जनक मल्लले बताए। बिहीबार स्थानीय जनसेवा सामुदायिक वनमा पात टिप्न गएको बेला सिकार खेल्न गएका सिकारीले चलाएको गोलीको छर्राले जवान चौधरीको छातीमा लागेर मृत्यु भएको डीएसपी मल्लले बताए। मृतक चौधरी सशस्त्र प्रहरी बल नेपाल नं. २८ गण हेडक्वार्टर तौलिहवा कपिलवस्तुमा गणमा कार्यरत थिए।...

धनगढी - जाजरकोटमा भूकम्पपछि घरबासविहीन भएका प्रभावित खुला चौरमा त्रिपाल र खाद्यान्न कुरिरहेका छन् । जिल्ला विपद् व्यवस्थापन समितिले भूकम्पपीडितलाई पुग्ने गरी राहत सामग्री पठाएको दाबी गरे पनि सबै भूकम्पपीडितले पाउन सकेका छैनन् । कसैले एउटा त्रिपाल नपाएको अवस्थामा कसैलाई दुई/दुई पटकसम्म दिएको पाइएको भेरी नगरपालिका–३ का रामकली थापाले गुनासो गर्नुभएको छ । चिसो बढ्न थालेको छ । त्रिपालविना खुला चौरमा बसिरहेका पीडितलाई रुघाखोकी र ज्वरोले सताउन थालेको नलगाड नगरपालिका–८ का रामप्रसाद खत्रीले बताउनुभयो । प्रभावकारीरुपमा अनुगमन तथा निरीक्षण नगरेको र आफूहरु थप पीडित भएको प्रभावितको गुनासो छ । भूकम्पका कारण नलगाड–८ का सबै घरमा क्षति पुगेको छ । आज बिहान परेको पानीले प्रभावितलाई थप समस्या भएको छ । भूकम्पले चिराचिरा पारेको घर ठूलो पानी परे भत्कने चिन्ता पनि थपिएको छ । गएको शुक्रवार राति जाजरकोट...

धनगढी - शुक्लाफाँटा राष्ट्रिय निकुञ्ज घुमघाम गर्ने आन्तरिक पर्यटकको सङ्ख्यामा बृद्धि भएको छ । चाडपर्वको अवसर पारेर आन्तरिक पर्यटक शुक्लाफाँटा राष्ट्रिय निकुञ्ज पुगिरहेकाले अवलोकन गर्नेको सङ्ख्यामा बढोत्तरी भएको हो । आन्तरिक पर्यटकमा पनि सबैभन्दा बढी सुदूरपश्चिम प्रदेशकै व्यक्ति रहेको निकुञ्ज कार्यालयले जानकारी दिएको छ । विगत वर्षको तुलनामा यो बेला शुक्लाफाँटा घुमघाम गर्ने पर्यटकको बढोत्तरी भएको निकुञ्जका सूचना अधिकारी एवम् सहायक संरक्षण अधिकृत मनोज ऐरले बताए । उनले दैनिक सय, डेढ सयको हाराहारीमा पर्यटकले निकुञ्ज अवलोकन गरिरहेको उल्लेख गर्नुभयो । “अरु बेलाको तुलनामा अहिले शुक्लाफाँटा घुम्न आउने पर्यटकको भिडभाड छ” ऐरले भन्नुभयो, “जसमा ९० देखि ९५ प्रतिशत आन्तरिक र थोरै बाह्य पर्यटक रहेका छन् ।” चाडपर्वको बेला पारिवारिक घुमघाम र विद्यार्थीको भ्रमण गन्तव्य शुक्लाफाँटा बनेको जनाइएको छ । ...

धनगढी: कैलालीमा जिप दुर्घटना हुँदा चार जना घाइते भएका छन्। जिल्लाको मोहन्याल गाउँपालिका–४ को बजेडीमा डोकेबजारबाट खिमडीतर्फ गइरहेको भे १ ज ६१६३ नम्बरको जिप शुक्रबार साँझ दुर्घटना हुँदा चालकसहित पाँच जना घाइते भएको प्रहरीले जनाएको छ। सुदूरपश्चिम प्रदेश ट्राफिक प्रहरी कार्यालय अत्तरियाका अनुसार घाइते हुनेमा डोटीको बडिकेदार गाउँपालिका–३ की ५० वर्षीया सरिता बुढा, बडिकेदार गाउँपालिका–३ का ३३ वर्षीय मनिस रोक्का, मोहन्याल गाउँपालिका–४ की ३३ वर्षीया धनसरा मास्के र ३९ वर्षीया कमला पुनमगर रहेका छन्। चालक २५ वर्षीय रामबहादुर बिकलाई प्रहरीले नियन्त्रणमा लिएको छ। जिपको ब्रेक फेल भएर दुर्घटना भएको प्रहरीले जनाएको छ।  ...

आफूले प्रेम गरेकोमान्छेबाट नैप्रेम प्रस्ताव आउँदात्यो भन्दा बढीखुशीको क्षणके नै प हुन सक्छ रएक सर्को मायाका निम्तिपर्खिरहेको प्रेमिको लागितरयो कस्तो बिचित्रकोप्रेम प्रस्ताव तिम्रोएकाएक नजिक आएरटक्क अडियौ अनिकेही नबोलीएक कागजको टुक्राथमाइ दियौ मेरो हातमाजहाँ लेखिएको थियोम तिमिलाइ निकै प्रेम गर्थे गर्छु र गरिरहनेछुमैले यति पढेर नभ्याउदैफेरि मेरो हातमा थमाइ दियौरातो र सेतो गुलाफरातो गुलाफ प्रेमको मिलनको प्रतीक  होर सेतो गुलाफल बिछोडको प्रतीक होयस्तै सुनेकी थिए कतैगुलाफ हातमा थमाएरतिमी एक शब्द नबोलीमुसुक्क मुस्कुराएर गयौसुनन यो पत्र तिमिसम्मपुगेछ भने जवाफ देउ हैम त्यही चौतारीमा अझैझिनो आश बोकेर बसेकी छुम अब  पर्खु कि फर्कु? लेखक तथा सर्जक :- कृष्टी जोशी...

धनगढी - कैलालीमा रातिको ९ बजेपछि नाचगान तथा देउसीभैलो खेल्न नपाइने भएको छ । जिल्ला प्रशासन कार्यालय कैलालीले सार्बजनिक सूचना जारी गर्दै सुरक्षालाई ध्यानमा राखी रातिको ९ बजेपछि नाचगान तथा देउसी भैलो खेल्नमा रोक लगाएको हो । साथै तिहारको समयमा बिस्पोटक पदार्थहरु समेत बिक्री वितरण तथा प्रयोग नगर्न जिल्ला प्रशासन कार्यालय कैलालीले अनुरोध गरेको छ । प्रशासनले देउसीभैलोमा दक्षिणाको लागि रकम तोकी दक्षिणा दिन दबाब नदिन र देउसीभैलो लगायतका कुनै पनि कार्यक्रम गर्दा सार्वजनिक यातायात र जनजीवनलाई असर पर्ने कुनै पनि गतिविधि नगर्न अनुरोध गरेको छ ।...

कैलाली: जिल्ला प्रहरी कार्यालयमा बयान दिने क्रममा बेहोस भएर कुर्सीबाट ढलेर मृत्यु भएको भनिएका ३१ वर्षीय कृष्ण सेट्टीको ‘हत्या’ गरिएको भन्दै आफन्तले छानबिनको माग गरेका छन्। स्वास्थ्य अवस्थामा कुनै समस्या नरहेका खाइलाग्दो ज्यान भएका युवक कृष्णको प्रहरी हिरासतमा बिहिबार बिहान अचानक मृत्यु भएको थियो। युवकको ‘हत्या’ भएको आरोप लगाउँदै घटनाको छानबिन गरी सत्यतथ्य कुरा बाहिर ल्याउने माग राखी आफन्तले शवको पोष्टमार्टम समेत गर्न दिएका छैनन्। ‘स्वास्थ्य अवस्थामा कुनै समस्या नभएका मेरा भाइको हत्या गरिएको हो, छानबिन गरेर सत्यतथ्य कुरा बाहिर ल्याउनुपर्छ भनेर हाम्रो माग हो’ मृतकका दाजु गणेश सेट्टीले भने,‘भाइको हत्या भएको घटना पत्ता लगाउनुपर्छ भनेर हामीले शवको पोष्टमार्टम पनि गर्न दिएका छैनौँ।’ बुधवार साँझ मात्र कम्मल दिन हिरासतमा गएका वेला भाइको स्वास्थ्य अवस्था ठिक रहेको उनको भनाइ छ। ‘हट्टाकट्टा ज्य...

डडेल्धुरा - डडेल्धुरामा राति १० बजेसम्म मात्र देउसीभैलो खेल्न पाइने भएको छ। जिल्ला प्रशासन कार्यालय डडेल्धुराले राति १० बजेपछि देउसीभैलो नखेल्न सूचना जारी गरेको छ। त्यस्तै, जिल्ला प्रशासन कार्यालयले जारी गरेको सुचनामा पटाका, अतिशवाजी जस्ता विस्फोटक पदार्थ ओसारपसार, विक्री वितरण तथा प्रयोग नगर्न भनिएको छ। वातावरणलाई असर पार्ने कृत्रिम फूलमाला प्रयोग नगर्न, जुवा, तास र खडगडे जस्ता क्रियाकलाप नगर्न नगराउन पनि सूचनामा उल्लेख गरिएको छ।...