दार्चुला

दार्चुला– नौगाड गाउँपालिका वडा नम्बर १ नागु क्षेत्रका बासिन्दाले सडक निर्माणको माग सम्बोधन नभएसम्म फागुन २१ गतेको चुनाव बहिष्कार गर्ने आफ्नो निर्णय यथावत रहने बताएका छन् । स्थानीयबासीलाई फकाउन माघ २४ गते नागु पुगेको प्रमुख जिल्ला अधिकारी अनिल पौडेल नेतृत्वको सरकारी टोली पनि रित्तै फर्किएको छ । सरकारी टोलीले नागुमा नागरिकता र राष्ट्रिय परिचयपत्र वितरण, स्वास्थ्य र पशु उपचार सेवा लगायतका कार्यक्रम सञ्चालन गरेर दुई दिनसम्म स्थानीयबासीसँग छलफल गरेपनि सार्थकता पाउन सकेन । स्थानीयबासीले विकास निर्माणको लागि लिखित प्रतिबद्धता मागेका यो कुरा आफ्नो तर्फबाट सम्भव नभएका प्रमुख जिल्ला अधिकारी पौडेलले बताउनुभयो । नागु विकास संघर्ष समितिका संयोजक करनसिंह डडालले दल्लेख–नागु सडक निर्माण नभएसम्म कुनै पनि चुनावमा सहभागी नहुने निष्कर्षमा आफूहरू पुगेको बताउनुभयो । चुनाव बहिष्कारको घोषणापछि सरकारले नागु ...

धनगढी- दार्चुलाको अपिहिमाल गाउँपालिकामा जेष्ठ नागरिक दिवा खाजा तथा सत्संग कार्यक्रम सम्पन्न भएको छ। अपिहिमाल गाउँपालिका र सामाजिक विकास कार्यालय दार्चुलाको आर्थिक सहयोग तथा जेष्ठ नागरिक समाज अपिहिमालको आयोजनामा जेष्ठ नागरिक दिवा खाजा तथा सत्संग कार्यक्रम सम्पन्न भएको हो । जेष्ठ नागरिकहरूको सम्मान, स्वास्थ्य तथा मानसिक सशक्तीकरणलाई लक्षित गर्दै आयोजना गरिएको उक्त कार्यक्रममा सहभागी जेष्ठ नागरिकहरूलाई दिवा खाजा तथा फलफूल वितरण गरिएको गाउँपालिका अध्यक्ष भगतसिंह ठेकर बोहराले जानकारी दिए। कार्यक्रममा जेष्ठ नागरिकहरूबीच सत्संग, अनुभव आदान-प्रदान तथा आपसी सद्भाव बढाउने गतिविधि समेत सञ्चालन गरिएको अध्यक्ष बोहराको भनाइ छ। कार्यक्रममा अपिहिमाल गाउँपालिकाका जनप्रतिनिधि, सामाजिक विकास कार्यालयका प्रतिनिधि, जेष्ठ नागरिक समाजका पदाधिकारी तथा स्थानीयको उपस्थिति रहेको थियो। यस्ता कार्यक्रमले जेष्...

दार्चुला– दार्चुला र भारतीय सीमा नाका आसपास भूकम्पको धक्का महसुस गरिएको छ। राष्ट्रिय भूकम्प मापन तथा अनुसन्धान केन्द्रका अनुसार, बिहीबार (कात्तिक २०) राति १० बजेर ४० मिनेट जाँदा दार्चुलाको तावाघाट क्षेत्र केन्द्रबिन्दु भएर ४ दशमलव १ म्याग्निच्युडको भूकम्प आएको हो। भूकम्पको धक्का स्थानीयवासीले स्पष्ट रूपमा महसुस गरेका थिए। हालसम्म क्षति सम्बन्धी विवरण भने प्राप्त भएको छैन।...

धनगढी- दार्चुलाको अपिहिमाल गाउँपालिका पर्यटन विकासमा देशभरका स्थानीय तहमध्ये उत्कृष्ट भएको भन्दै नेपाल सरकारले राष्ट्रियस्तरमा सम्मान गरेको छ। बिश्व पर्यटन दिवशको अवसरमा संस्कृति पर्यटन तथा नागरिक उड्डयन मन्त्रालयले पर्यटन क्षेत्रमा योगदान पुगाउने विभिन्न क्षेत्रमा रहेका ब्यक्ति तथा संघ संस्थाहरुलाई प्रोत्साहन स्वरुप सम्मानित गर्ने गरेकोमा यो बर्ष देशभरका स्थानीय तहहरुमध्ये अपिहिमाल गाँउपालिकाले उत्कृष्ट पालिकाको सम्मान पाएको हो । गाँउपालिका अध्यक्ष भगत सिंह ठेकरे बोहराले पर्यटन विकासमा उत्कृष्ट पालिकाको सम्मानपत्र मन्त्रालयमै पुगेर मन्त्रालयका सचिव हरि प्रसाद मैलानीबाट ग्रहण गरेका छन् । पर्यटन दिवसका अवसरमा गत सेप्टेम्बर २७ मा गाँउपालिका उत्कृष्ट घोषित भएपनि सहभागी हुन नसकिएकाले आज आफुले मन्त्रालयमै पुगेर सम्मानपत्र ग्रहण गरेको अध्यक्ष बोहराले बताए । गाउँपालिकाले पछिल्ला तीन वर्ष...

दार्चुलामा वडातहबाटै अनलाइन प्रणालीमार्फत नागरिकताको सिफारिस दिने व्यवस्था सुरू गरिएको छ। जिल्ला प्रशासन कार्यालयका अनुसार जिल्लाका ९ स्थानीय तहका ६१ वडामध्ये हालसम्म ३३ वडाबाट यो प्रणाली सञ्चालनमा आएको छ। प्रमुख जिल्ला अधिकारी अनिल पौडेलका अनुसार नौगाड गाउँपालिकाका सबै ६ वडाबाट, मालिकार्जुनका ८ मध्ये ७, महाकाली र शैल्यशिखर नगरपालिकाका ९,९ वडामध्ये ५,५ वडाबाट अनलाइन सिफारिस सेवा सुरू गरिएको हो। त्यस्तै, दुहुँ गाउँपालिकाका ५ मध्ये २, लेखमका ६ मध्ये ३, व्यासका ६ मध्ये १ र मार्मा तथा अपीहिमाल गाउँपालिकाका समान २,२ वडाबाट सेवा उपलब्ध भएको छ। प्रजिअ पौडेलका अनुसार अनलाइन प्रणाली सुरू भएपछि कागजात अभावका कारण सेवाग्राही खाली हात फर्किनुपर्ने समस्या हटेको छ। यसले अभिलेखीकरण र सेवा प्रवाह दुवैमा सहजता ल्याएको प्रशासनले जनाएको छ।...

दार्चुला- दार्चुलामा चरेससहित एक व्यक्ति पक्राउ परेका छन्। जिल्लाको दुहु गाउँपालिका–६ झोलुङ्गे पुलबाट सोही स्थानका ५६ वर्षीय हर्कबहादुर बमलाई प्रहरीले नियन्त्रणमा लिएको हो। उनको साथबाट शनिवार करिब ४८० ग्राम चरेस बरामद भएको जिल्ला प्रहरी कार्यालय, दार्चुलाले जानकारी दिएको छ । घटनाबारे थप अनुसन्धान भइरहेको प्रहरीले जनाएको छ।...

दार्चुला- करिब तीन दशकदेखि बन्द रहेको गोकुलेश्वर विमानस्थल पुनर्निर्माणको काम बजेट अभावका कारण अलपत्र परेको छ। शैल्यशिखर नगरपालिका–९, गोकुलेश्वरमा रहेको विमानस्थलमा चार वर्षअघि केएस कन्स्ट्रक्सन प्रालि धनगढीले फिलिङ र ग्याबिनको काम सुरु गरे पनि त्यसपछि बजेट नआएपछि निर्माण कार्य अलपत्र परेको हो। २०४६ सालमा सञ्चालनमा आएको विमानस्थल २०५० सालदेखि बन्द छ। २०६० सालदेखि कार्यालय सहयोगीका भरमा छाडिएको विमानस्थल अहिले जीर्ण भइसकेको छ। भवन भग्नावशेषमा परिणत भएको छ भने धावनमार्ग (रनवे) खेलमैदान र गौचरनमा रूपान्तरण भएको छ। आर्थिक वर्ष २०७७/७८ मा अर्थ मन्त्रालयले पुनर्निर्माणका लागि ५० करोड ४९ लाख ४९ हजार बजेट सुनिश्चित गरे पनि पछिल्ला वर्षमा निकासा नहुँदा कार्य प्रगति न्यून भएको शैल्यशिखर नगरपालिकाका प्रमुख विजयसिंह धामीले बताए। हवाई सेवा सञ्चालन भए दार्चुलासहित बैतडी र बझाङका नागरिकले सुव...

दार्चुला– दार्चुलाको शैल्यशिखर नगरपालिका–९ स्थित महालक्ष्मी विकास बैंकका चार जना कर्मचारी पक्राउ परेका छन्। ठूलो रकम अपचलन गरेको अभियोगमा शाखा प्रबन्धक सागर शाही, निर्मला साउद, धनञ्जय पन्त र अम्बादत्त पन्त पक्राउ परेका हुन् । महालक्ष्मी विकास बैंकले दिएको उजुरीको आधारमा जिल्ला प्रहरी कार्यालय दार्चुलाले उनीहरुलाई पक्राउ गरेको प्रहरी निरीक्षक तथा प्रवक्ता छत्र रावतले जानकारी दिए। अदालतबाट सात दिनको म्याद थप गरी उनीहरूमाथि अनुसन्धान भइरहेको छ। चारै जनाको मिलेमतोमा दुई करोड ८४ लाख ७६ हजार नौ सय २ रुपैयाँ अपचलन भएको प्रारम्भिक अनुसन्धानबाट खुलेको प्रहरीले जनाएको छ। बैंकको केन्द्रीय कार्यालयको टोली गत बिहीवार गोकुलेश्वर पुगेपछि भएको अनुसन्धानमा उनीहरूले नेपालमा प्रतिबन्धित अनलाइन जुवा प्लेटफर्म “वान एक्स बेट” मा बैंकको रकम लगानी गरेको पाइएको हो। बैंकको मूल खातामा मौज्दात रकम देखाएर गैर...

दार्चुला- दार्चुलाका नौ वटै स्थानीय तहमा कार्यरत एक हजार २८९ जना करार सेवाका कर्मचारीहरूको सम्झौता नवीकरण नहुँदा जनसेवामा असर परेको छ। अपिहिमाल गाउँपालिकाबाहेक अन्य कुनै पनि पालिकाले नयाँ आर्थिक वर्षमा कर्मचारी नियुक्ति नवीकरण गरेका छैनन्। करार नवीकरण नहुँदा विशेष गरी स्वास्थ्य सेवा प्रभावित भएको स्थानीय तहहरूले जनाएका छन्। केही पालिकामा भने सम्झौता नविकरण नभए पनि करार कर्मचारी अझै काम गरिरहेका छन्। सुदूरपश्चिम प्रदेश सरकारले चालु आवदेखि करार वा ज्यालादारी कर्मचारी नियुक्तिका लागि स्वीकृत दरबन्दी रिक्त भए मात्र प्रदेश सरकारबाट सहमति लिएर नियुक्ति गर्न सकिने व्यवस्था गरेको छ। प्रदेश स्थानीय सेवा (गठन तथा सञ्चालन) ऐन, २०८१ को दफा १५ (उपदफा ९३००) अनुसार करार वा ज्यालादारी नियुक्तिका लागि प्रदेश सरकारसँग स्वीकृति लिनुपर्ने कानुनी प्रावधानले पालिकाहरूमा अन्योल उत्पन्न भएको हो। अपिहिमाल...