दार्चुलामा मतदाता नामावलीमा नाम दर्ता गर्नेको संख्या बढ्दै, झन्डै १ हजार ३ सय मतदाता थपिए

दार्चुला- दार्चुलामा मतदाता नामावली दर्ता गर्नेहरुको संख्या बढ्दै गएको छ । नामावली दर्ता गर्ने समय सकिनैं लाग्दा जिल्ला निर्वाचन कार्यालयमा नाम दर्ता गर्न आउनेहरूको संख्या बढ्दै गएको हो ।
फागुन २१ गतेको लागि निर्धारित प्रतिनिधि सभा निर्वाचन लक्षित भइरहेको अध्यावधिक कार्यमा बुधबार सम्म करिब १ हजार ३ सय मतदाता थपिएको जिल्ला निर्वाचन कार्यालय दार्चुलाका सूचना अधिकारी चित्रप्रकाश जोशीले बताए ।
जोशीका अनुसार गत असोज १० देखि बुधरबार कार्यालय समय सम्म ७ सय ९ पुरुष र ५ सय ७९ महिला गरि १ हजार २ सय ८८ जना नयाँ मतदाता थपिएका छन् । त्यस्तै १६ जना अन्य जिल्लाका नागरिकले पनि जिल्ला निर्वाचन कार्यालय दार्चुलाबाट मतदाता नामावलीमा नाम दर्ता गराएका छन् ।
यस अघि कार्तिक ३० गते सम्म अद्यावधिक गर्ने समय तोकिएकोमा नाम दर्ता गराउनेको संख्यालाई लक्षित गरि आयोगले मंसिर ५ गते भोली सम्म समय थपेको थियो ।