बझाङ

बझाङ : नेपाल कम्युनिस्ट पार्टी (एमाले) निकट अखिल (अनेरास्ववियु) बझाङले जिल्ला कोषाध्यक्ष सुरेश जोशीलाई संगठनको मर्यादा विपरीत चन्दा संकलन गरेको आरोपमा कारबाही गरेको छ। उनलाई साधारण सदस्यसमेत नरहने गरी संगठनबाट निष्कासन गरिएको अनेरास्ववियु बझाङका अध्यक्ष रुपक धामीद्वारा जारी विज्ञप्तिमा उल्लेख छ। धामीका अनुसार जोशीको गतिविधिले संगठनको गरिमामा आँच पुगेको भन्दै उनलाई कारबाही गर्नु परेको हो। विज्ञप्तिमा भनिएको छ, **"जोशीले संगठनको अनुशासन तोड्दै अनधिकृत चन्दा संकलन गरेकाले उनलाई आजको मितिबाट निष्कासन गरिएको जानकारी गराइन्छ।"** जोशी एमाले केदारस्युँ गाउँपालिका–८ का वडा कमिटी अध्यक्षसमेत थिए। निष्कासनपछि उनले एमाले परित्याग गर्दै नेकपा (एकीकृत समाजवादी) प्रवेश गरेका छन्। पार्टी छोड्नुको कारणबारे उनले स्ववियु निर्वाचन नजिकिँदै गर्दा पार्टीकै नेतृत्वद्वारा उठाइएको ऋण नतिरेको विषयलाई प्रमुख...