धनगढी– बैतडीमा लेनदेनको विषयमा गाउँले दाजुभाइ विच विवादपछि गोली चल्दा एक जना गम्भीर घाइते भएका छन् । लेनदेनको विषयमा विवादपछि गोली चल्दा दोगडाकेदार गाउँपालिका-८ का २५ वर्षीय सुरेन्द्र बिष्ट गम्भीर घाइते भएका हुन् ।
सुरेन्द्रमाथि गाउँकै दाजु नाता पर्ने अन्दाजी ४५ वर्षका कर्ण बिष्टले शनिबार राती करिब साढे ९ बजेको समयमा गोली प्रहार गरेका हुन् ।
गोली प्रहारबाट सुरेन्द्रको पेटमा गम्भीर चोट लागेको जिल्ला प्रहरी लार्यालय बैतडीका प्रहरी निरीक्षक बल्देव बडूले बताए ।
घाइते सुरेन्द्रलाई उपचारको लागि जिल्ला अस्पताल पठाइएको छ। गोली प्रहार गर्ने कर्ण फरार रहेका छन्।
प्रहरीको टोली अझै घटनास्थल नपुगेको र विस्तृत विवरण आउन बाँकी रहेको जिल्ला प्रहरी कार्यालय बैतडीले जनाएको छ।
