बझाङ

बझाङ- सरकारले सेवा प्रवाहमा सहज ल्याउन बझाङको देउरामा इलाका प्रशासन कार्यालय स्थापना गर्ने भएको छ। सोमबार बसेको मन्त्रिपरिषद बैठकले बझाङको देउरा सहित २३ जिल्लामा इलाका प्रशासन कार्यालय स्थापना सम्बन्धि प्रस्ताव मन्त्रिपरिषदको प्रशासन समितिमा पठाएको छ। प्रशासन समितिले आवश्यक छलफल गरि कार्यान्वयनका लागि अगाडि बढाउने छ। बझाङको देउरामा इलाका प्रशासन कार्यालय स्थापना हुने भन्ने खबर आएपछि केही समय अघि झोताबासीले झोतामा इलाका प्रशासक कार्यालय हुनुपर्ने माग राखेका थिए । नापी पालपोत कार्यालय झोता भएको र इलाका प्रशासन कार्यालय पनि झोतामै हुनुपर्ने मागसहित जिल्ला प्रशासन कार्यालय समेत पुगेका थिए । केहीले व्यक्तिले भने भूगोलका हिसाबले सबैलाई पायक पर्ने देउरा भएकाले देउरामा नै इलाका प्रशासन कार्यालय हुनुपर्ने माग गर्दै आएका थिए । अन्ततः सरकारले इलाका प्रशासन कार्यालय देउरामै स्थापना गर्ने निश्चित गरेक...

बझाङ- बझाङको केदारस्यूँ गाउँपालिका सम्मानित भएको छ। आर्थिक वर्ष २०८०/०८१ मा संस्थागत क्षमता स्वमूल्याङ्कनमा प्रथम स्थान हासिल गरेको भन्दै पालिका सम्मानित भएको हो । आइतबारदेखि सुरु भएको नवौं जिल्ला सभा तथा आर्थिक वर्ष २०८१ -०८२ को वार्षिक समिक्षा गोष्ठी मार्फत सोमबार ७९ दशमलव ७५ अंकसहित जिल्लामै संस्थागत क्षमता स्वमूल्याङ्कनमा पहिलो स्थान हासिल गरेको केदारस्यूँ गाउँपालिकालाई सम्मान गरिएको छ । पालिकाका निमित्त प्रमुख प्रशासकीय अधिकृत केशवराज भट्टलाई प्रमाणपत्र प्रदान गर्दै जिल्ला समन्वय समिति प्रमुख नरबहादुर बोहरा प्रतिनिधि सभा सदस्य तथा पूर्व मन्त्री भानुभक्त जोशीले अझ जनमुखी, पारदर्शी र प्रभावकारी काम गर्न सुझाव दिनुभयो । यस्तै छबिसपाथिभेरा गाउँपालिका पनि सम्मानित भएको छ । स्थानीय तह विक्तीय सुशासन जोखिम मुल्याङ्कन जिल्लामै प्रथम स्थान हासिल गरेको भन्दै सोही कार्यक्रम मार्फत सम्मान गर...

बझाङ- बझाङको केदारस्यूँ गाउँपालिका–४ सैन्स्सुस्थित जगन्नाथ माध्यमिक विद्यालयमा च्याउ खेती कार्यक्रमको सुरुवात गरिएको छ । सोमबारदेखि औपचारिक रूपमा पढ्दै कमाउँदै’ कार्यक्रमअन्तर्गत च्याउ खेती कार्यक्रमको सुरुवात गरिएको हो। यस अभियानलाई विद्यालय व्यवस्थापन समिति अध्यक्ष समेत रहेका युवा नेता भरत बहादुर मल्लको विशेष पहलमा अघि बढाइएको हो। विद्यालयले कक्षा ११ र १२ मा अध्यनरत विद्यार्थीलाई आत्मनिर्भर बनाउन र व्यावहारिक सीप प्रदान गर्ने उद्देश्यका साथ च्याउ खेतीलाई प्राथमिकता दिएको विव्यस अध्यक्ष मल्लले कामना टुडेसँग बताए । केही समय अघि विद्यालय व्यवस्थापन समिति अध्यक्षको जिम्मेवारी पाएका मल्लले पालिकामै पहिलोपटक विद्यालय स्तरमा च्याउ खेती कार्यक्रमको सुरुवात गरेका हुन् । पालिकामा अहिलेसम्म कुनै पनि विद्यालय व्यवस्थापन समितिले विद्यार्थीलाई आत्मनिर्भर तर्फ जोड्नका लागि काम गरेको देखिएको छैन,...

समीर कठायत, बझाङ- राष्ट्रिय विभूति मानवतावादी राजा जयपृथ्वी बहादुर सिंहको १४९औं जन्मजयन्तीको अवसरमा छबिसपाथिभेरा गाउँपालिकाले आयोजना गरेको माध्यमिक विद्यालयस्तरीय भलिबल, नृत्य तथा हाजिरीजवाफ प्रतियोगिता सम्पन्न भएको छ। जयपृथ्वीनगर मेल्लेखस्थित सत्यवादी माध्यमिक विद्यालयमा सम्पन्न प्रतियोगितामा छात्र भलिबलतर्फ बान्निचौर साधारण तथा प्राविधिक माध्यमिक विद्यालय विजयी बन्दै प्रथम स्थान हासिल गरेको छ । द्वितीय सत्यवादी माध्यमिक विद्यालय जयपृथ्वीनगर मेल्लेख र शान्ति माध्यमिक विद्यालय चौघानपाटा तृतीय भएको छ । त्यस्तै छात्रा भलिबलतर्फ पनि बान्निचौर साधारण तथा प्राविधिक मा.वि.ले प्रथम स्थान हात पारेको छ भने सत्यवादी मा.वि. जयपृथ्वीनगर मेल्लेख दितीय र जनप्रिय मा.वि. बगरगाउँ तृतीय भए। हाजिरीजवाफ प्रतियोगितामा बाठपाली मा.वि. प्रथम, बान्निचौर मा.वि. दितीय र थलारा मा.वि. तृतीय स्थानमा रहे। नृत्य प्रति...

समीर कठायत,बझाङ- बझाङको छविसपाथिभेरा गाउँपालिका–२ जयपृथ्वी नगर मेल्लेखस्थित सत्यावादी माध्यमिक विद्यालयलाई शनिबार एक विशेष समारोहका बीच शैक्षिक तथा खेलकुद सामग्री हस्तान्तरण गरिएको छ। १४९ औँ जयपृथ्वी बहादुर सिंहको जन्मजयन्तीको अवसर पारेर राष्ट्रिय स्वतन्त्र पार्टी (रास्वपा) बझाङका जिल्ला सहसचिव तथा संगठन विभाग प्रमुख मुकेश बहादुर ऐडीले आफ्नी स्वर्गीय काकी रुमला ऐडी र भाई उदिप ऐडीको सम्झनामा सामग्री हस्तान्तरण गरेका हुन्। विद्यालयलाई ९–९ सेट पुरुष तथा महिला खेलकुद पोशाक, ३ वटा भलिबल, १ वटा भलिबल नेट र १ वटा पम्प प्रदान गरिएको विद्यालय प्रशासनले जनाएको छ। सामग्री हस्तान्तरणसँगै विद्यार्थीहरूलाई नियमित शैक्षिक गतिविधिसँगै खेलकुदमा पनि प्रोत्साहन मिल्ने विश्वास विद्यालयका शिक्षकहरूले व्यक्त गरेका छन्। कार्यक्रमका प्रमुख अतिथि पूर्वमन्त्री भानुभक्त जोशीले शिक्षा र खेलकुदलाई समानान्तर र...

बझाङ- बझाङको केदारस्यूँ गाउँपालिकाका दुई सामुदायिक विद्यालयलाई सुविधा सम्पन्न शौचालय हस्तान्तरण गरिएको छ। प्रगतिशील युवा समाज र वर्ल्ड भिजन इन्टरनेसनल नेपालको सहकार्यमा केदारस्यूँ गाउँपालिका–३ को केदार आधारभूत विद्यालय र वडा नं. ६ को भूमिदेव आधारभूत विद्यालयमा शौचालय निर्माण गरिएको हो। करिब १५ लाख रुपैयाँ लागतमा बनेका शौचालय मंगलबार एक कार्यक्रमबीच प्रगतिशील युवा समाजका अध्यक्ष रमेश केसीले गाउँपालिकाकी उपाध्यक्ष मनिषा धामीलाई हस्तान्तरण गरेका हुन्। शौचालय हस्तान्तरण कार्यक्रमको अवसरमा अध्यक्ष केसीले दुर्गम विद्यालयका बालबालिकाको स्वास्थ्य र सरसफाइलाई प्राथमिकतामा राखी सुविधा सम्पन्न संरचना निर्माण गरिएको बताए। उपाध्यक्ष धामीले शौचालय बनेपछि विद्यार्थीको स्वास्थ्य, उपस्थिती र अध्ययन वातावरणमा सकारात्मक प्रभाव पर्ने विश्वास व्यक्त गरिन्।...

बझाङ- बलात्कारपछि हत्या गरिएकी बझाङको मष्टा गाउँपालिकाकी बालिका सम्झना विकको परिवारलाई तत्काल क्षतिपूर्ति उपलब्ध गराउन माग गर्दै जिल्ला प्रशासन कार्यालय बझाङलमा ज्ञापनपत्र बुझाइएको छ। युवा संगठन नेपाल बझाङ जिल्ला कार्यसमितिले मंगलबार प्रमुख जिल्ला अधिकारी कैलाश बहादुर ठकुराठीलाई हत्या भएको ६ वर्ष वितिसक्दा समेत सम्झनाको परिवारले क्षतिपूर्ति नपाएको भन्दै तत्काल क्षतिपूर्ति उपलब्ध मागसहित ज्ञापनपत्र बुझाएको हो । २०७७ असोज ७ गते सम्झनाकै गाउँका एक किशोरले गोठ हिँडेकी बालिका सम्झनालाई गाउँबाट १५ मिनेट टाढा रहेको सिमथला भन्ने जंगलबाट नियन्त्रणमा लिएर बलात्कारपछि हत्या गरेका थिए । घटनापछि दोषीलाई कारबाही र पीडितलाई क्षतिपूर्तिको मागसहित जिल्लामा सात दिनसम्म आक्रोशित स्थानीय आन्दोलित भएका थिए । २०७७ असोज १४ गते आन्दोलनरत स्थानीय तथा प्रमुख जिल्ला अधिकारीबीच १० लाख क्षतिपूर्ति दिने र ...

बझाङ- बझाङको केदारस्यूँ गाउँपालिकाले सोमबार शोक विदा दिएको छ। गाउँपालिकाले आफ्ना कर्मचारी गणेश बहादुर रावलको असामयिक निधनप्रति शोक प्रकट गर्दै भाद्र २ गते सोमबार एक दिनका लागि शोक विदा दिने निर्णय गरेको हो। केदारस्यू गाउँपालिका–२ महरगाउँका स्थानीय र वडा नम्बर १ मा कार्यालय सहयोगी पदमा कार्यरत रावलको साउन ३१ गते सवारी दुर्घटनामा परि उपचारका क्रममा निधन भएको थियो। उनको निधनले गाउँपालिकामा अपूरणीय क्षति पुगेको भन्दै सोमबार पालिका मातहतका सबै कार्यालय बन्द रहने जनाइएको छ। गाउँपालिकाका कार्यवाहक अध्यक्ष मनिषा धामी र प्रमुख प्रशासकीय अधिकृत केशव राज भट्टले संयुक्त विज्ञप्ति जारी गर्दै दिवंगत आत्माको चिरशान्तिको कामना गर्दै शोकसन्तप्त परिवारप्रति गहिरो समवेदना व्यक्त गरेका छन्।...

बझाङ- बझाङको दुर्गम साईपाल गाउँपालिका–२ राईढुङ्गीमा गत साउन २३ गते भएको झडपमा एक जनाको ज्यान गयो । जडीबुटी संकलनका लागि राईढुङ्गी पुगेका जाजरकोट भेरी नगरपालिका–६ का २२ वर्षीय महेन्द्रराज भण्डारीको ढुङ्गा प्रहारबाट ज्यान गएको हो। घटना अत्यन्त दुर्गम तथा नेटवर्क नलाग्ने क्षेत्रमा भएकाले प्रहरीलाई साउन २४ गते मात्र जानकारी प्राप्त भएको थियो। सूचना पाएपछि जिल्ला प्रहरी कार्यालय बझाङबाट खटिएको टोलीले सदरमुकामबाट घटना स्थल पुग्न तीन दिनको कठिन यात्रा गरेको थियो। शव उद्धार गरी सदरमुकाम ल्याउन कुल ६ दिन लागेको जिल्ला प्रहरी कार्यालय प्रमुख डिएसपी खगेन्द्र धमलाले जानकारी दिए। उद्धार गरिएको शव मृतकका आफन्तलाई बुझाइएको छ। कठिन परिस्थितिमा उद्धार कार्य सम्पन्न गर्ने प्रहरीलाई जिल्ला प्रहरी कार्यालयले पुरस्कारसहित सम्मान गरेको छ। ढुङ्गा प्रहार गर्ने जाजरकोटका २३ वर्षीय चन्द्रबहादुर पुन प्रहरी निय...