बझाङ- १२ वटा स्थानीय तह रहेको बझाङमा केदारस्यूँ गाउँपालिका संस्थागत क्षमता स्वमूल्याङ्कन प्रथम भएको छ।
आर्थिक वर्ष २०८०/०८१ मा ७९ दशमलव ७५ अंकसहित केदारस्यूँ गाउँपालिका संस्थागत क्षमता स्वमूल्याङ्कन प्रथम भएको हो ।
स्थानीय तहहरूको गुणस्तरपछि यहीँ भाद्र ६ गते सङ्घीय मामिला तथा सामान्य प्रशासन मन्त्रालयले सार्वजनिक गरेको स्थानीय तह संस्थागत क्षमता स्वमूल्याङ्कनको नतिजामा सार्वजनिक गरेको थियोे ।
सो नतिजामा अनुसार मष्टा गाउँपालिका ७६ दशमलव ७६ अंकसहित दोस्रो भएको छ । त्यसैगरी जयपृथ्वी नगरपालिका ७२ दशमलव ५० अंकसहित तृतीय स्थानमा छ ।
त्यस्तै थलारा गाउँपालिका ७१ दशमलव ५०, बित्थडचिर गाउँपालिका ७० दशमलव ००, खप्तडछान्ना गाउँपालिका ६८ दशमलव ७५, तालकोट गाउँपालिका ६७ दशमलव ५०, छबिसपाथिभरा गाउँपालिका ६७ दशमलव २५, साइपाल गाउँपालिका ६४ दशमलव ००, दुर्गाथलि गाउँपालिका ६४ दशमलव ००, सुर्मा गाउँपालिका ६२ दशमलव ०० र बुङ्गल नगरपालिका ५७ दशमलव ५० अंक प्राप्त गरेको छ ।
मन्त्रालयले संस्थागत क्षमता स्वमूल्याङ्कनमार्फत स्थानीय तहहरूको कार्यसम्पादन, सेवा प्रवाह, सुशासन र प्रशासनिक दक्षताको स्तर मापन गर्दै आएको छ।
