समाचार

बझाङमा जबरजस्ती करणी गरेको आरोपमा एक युवक पक्राउ परेका छन्। जिल्लाको जयपृथ्वी नगरपालिका–१० चैनपुरस्थित प्रकाश बोहराको घरमा यही असोज २६ गते राति करिब ८ बजे तलकोट गाउँपालिका–२ ढुङगाना गाउँका २० वर्षीय राजेश ऐडीले मष्टा गाउँपालिका–२ की १४ वर्षीया किशोरीमाथि जबरजस्ती करणी गरेको आरोप लागेको हो। पीडित किशोरीका दाइले असोज २९ गते साँझ करिब ४ः५० बजे प्रहरीमा जाहेरी दर्ता गरेका थिए। त्यसपछि प्रहरी नायब निरीक्षक अशोक खड्काको नेतृत्वमा खटिएको टोलीले घटनास्थल पुगेर प्रारम्भिक अनुसन्धान सुरु गरेको थियाे । पीडित किशोरीलाई स्वास्थ्य परीक्षणका लागि जिल्ला अस्पताल बझाङ पठाइएको र आरोपी राजेश ऐडीलाई सदरमुकाम चैनपुरबाट पक्राउ गरिएको प्रहरीले जनाएको छ। हाल उनलाई अदालतबाट म्याद थप गरी हिरासतमा राखी थप अनुसन्धान जारी रहेको जिल्ला प्रहरी कार्यालय बझाङले जानकारी दिएको छ।...

बझाङ- जिल्लाको मष्टा गाउँपालिकाको कार्यालयमा जेन–जी समूहले अनिश्चितकालीन तालाबन्दी गरेको छ। मष्टा गाउँपालिका–१ का जेन–जी समूहका सदस्यहरूले मंगलबार कार्यालयमा तालाबन्दी गरेका हुन्। समूहका संयोजक हिमाल खड्काका अनुसार गाउँपालिकासँग राखिएका मागहरूको सुनुवाइ नहुँदा तालाबन्दी गर्न बाध्य भएको हो। उनका भनाइमा, मष्टा–१ का स्थानीय समस्याहरू समाधान गर्न पटक–पटक गाउँपालिकामा गए पनि सम्बन्धित निकायले वेवास्ता गरेकाले अन्ततः तालाबन्दी गरिएको हो। खड्काले मागहरू पूरा नभएसम्म तालाबन्दी जारी रहने चेतावनी दिएका छन्। समूहले वडामा खानेपानी र सडक सुधार, पातलगडामा पुल निर्माण, विद्युत् आपूर्तिको सुनिश्चितता, सहकारीमार्फत हिनामिना भएको रकम फिर्ता गरी दोषीमाथि कारबाही गर्नुपर्ने तथा गाउँपालिकाका जनप्रतिनिधि र कर्मचारीको सम्पत्ति शुद्धीकरण गर्नुपर्ने माग राखेको जनाएको छ। यस्तै थलारा गाउँपालिकामा गत मंगलबार...

बझाङमा केन्द्रविन्दु भएर भूकम्प गएको छ। गएराति १ बजेर ८ मिनेटमा भूकम्प गएको हो । जिल्लाको दातोला केन्द्रबिन्दु भएर ४ दशमलव ९ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । मध्यरात भूकम्प जाँदा स्थानीयबासीमा त्रास फैलिएको थियो। भूकम्पको धक्का छिमेकी जिल्लाहरुमा समेत महसुस गरिएको छ। भूकम्पका कारण क्षति भए नभएका अहिलेसम्म कुनै बिवरण आउन सकेको छैन ।...

देउरा- बझाङमा पश्चिम सेती जलविद्युत परियोजना अन्तर्गत पश्चिम सेती सरोकार समाजको बैठक बसेको छ । केदारस्यूँ गाउँपालिका-१ देउरमा मंगलबार वातावरणीय प्रभाव मुल्यांकन सम्बन्धि रिपोर्ट संकलन लगायतका बिषयमा छलफल गर्न बैठक बसेको हो । समाजका अध्यक्ष इन्द्रबहादुर भण्डारीको अध्यक्षतामा बसेको बैठकले तथ्यांक संकलन, सेयर वितरण र सार्वजनिक सुनुवाइ सम्बन्धि छलफल गरेको जनाइएको छ। भारतीय कम्पनी एनएचपीसी इन्डिया लिमिटेडले निर्माण गर्ने पश्चिम सेती जलविद्युत परियोजनाको वातावरणीय अध्ययन गरि डिपिआर(DPR) निर्माणका लागि आयोजनाबाट प्रभावित क्षेत्रको तथ्यांक संकलन गरिने भएको छ । उक्त क्षेत्रमा रहेका आर्थिक,भौतिक, सांस्कृतिक, धार्मिक, जल, वातावरणफ जंगल,बाटोघाटो,बिरुवा, जग्गाजमिन गरि सबै पक्षको तथ्यांक संकलन गर्नुपर्ने निर्णय बैठकले गरेको छ । प्रभावित क्षेत्रमा केदारस्यूँ गाउँपालिका वडा नं १, २ थलारा गाउँपालिका ...

धनगढी- कैलालीको धनगढीमा बझाङी भाषा, संस्कृति तथा पर्यटन सम्बन्धी प्रथम सम्मेलन हुनेभएको छ। "भाषा, संस्कृति र पर्यटन हाम्रो पहिचान–संरक्षण र विकास हाम्रो अभियान" भन्ने नाराका साथ बझाङी भाषा, संस्कृति तथा पर्यटन सम्बन्धी प्रथम सम्मेल- २०८२ धनगढीमा हुने भएको हो । उक्त सम्मेलन सुर्मादेवी बझाङी समाज धनगढीको आयोजनामा, बझाङी समाज काठमाडौंको तत्त्वावधानमा तथा बझाङी समाज अत्तरिया र अन्य सरोकारवालाहरूको सहकार्य र समन्वयमा उक्त सम्मेलन कार्तिक १ गते सनिवार आयोजना गर्न लागिएको जनाइएको छ । सम्मेलनमा बझाङी समुदायको मौलिक भाषा, संस्कृति र पर्यटनका सम्भावना विषयमा कार्यपत्र प्रस्तुतिका साथै विविध सांस्कृतिक प्रस्तुति, नृत्य र झाँकी प्रदर्शन हुने बताइएको छ। आयोजक समितिका अनुसार, यस सम्मेलनले बझाङी समुदायको पहिचान, भाषा संरक्षण, सांस्कृतिक उत्थान र पर्यटन प्रवर्द्धनमा नयाँ आयाम थप्नेछ, भने बझाङी पहिचानला...

बझाङ- बझाङको दुर्गाथलि गाउँपालिकाका उपाध्यक्ष जनक बहादुर दौल्याल सहितको टोली सवार सरकारी स्कारपियो दुर्घटना भएको छ । जिल्लाको बागथला बुङ्गल सडक खण्ड अन्तर्गत केदारस्यूँ गाउँपालिका–४ रतागडा खोलामा सोमबार राति उपाध्यक्षसहितको टोली सवार सरकारी स्कारपियो जिप दुर्घटना भएको हो । बुङ्गल नगरपालिकाको झापा स्थित कन्या माध्यमिक विद्यालयमा आयोजित प्रथम भीम-सुवास बि.सि.एस् सुपरकप क्रिकेट प्रतियोगिता हरेर फर्किने क्रममा गाउँपालिकाको सु.प.प्र.०१–००१ झ ३७८ नम्बरको सरकारी स्कारपियो दुर्घटनामा परेको जिल्ला प्रहरी कार्यालय बझाङले जनाएको छ । पालिका गाडी चालक दुर्गाथलि-१ का कुबेर बिष्टले चलाएको स्कारपियो अनियन्त्रित भई सडकबाट करिब ५–६ मिटर तल खसेको जनाइएको छ । जिपमा चालकसहित ६ जना सवार रहेका थिए। उक्त गाडीमा उपाध्यक्ष दौल्याल, वडा नं ७ का वडाध्यक्ष सुरज बहादुर दौल्याल, जयपृथ्वी नगरपालिकाका- ९ का हंश ...