बझाङमा जबरजस्ती करणी गरेको आरोपमा एक युवक पक्राउ परेका छन्। जिल्लाको जयपृथ्वी नगरपालिका–१० चैनपुरस्थित प्रकाश बोहराको घरमा यही असोज २६ गते राति करिब ८ बजे तलकोट गाउँपालिका–२ ढुङगाना गाउँका २० वर्षीय राजेश ऐडीले मष्टा गाउँपालिका–२ की १४ वर्षीया किशोरीमाथि जबरजस्ती करणी गरेको आरोप लागेको हो।
पीडित किशोरीका दाइले असोज २९ गते साँझ करिब ४ः५० बजे प्रहरीमा जाहेरी दर्ता गरेका थिए। त्यसपछि प्रहरी नायब निरीक्षक अशोक खड्काको नेतृत्वमा खटिएको टोलीले घटनास्थल पुगेर प्रारम्भिक अनुसन्धान सुरु गरेको थियाे ।
पीडित किशोरीलाई स्वास्थ्य परीक्षणका लागि जिल्ला अस्पताल बझाङ पठाइएको र आरोपी राजेश ऐडीलाई सदरमुकाम चैनपुरबाट पक्राउ गरिएको प्रहरीले जनाएको छ। हाल उनलाई अदालतबाट म्याद थप गरी हिरासतमा राखी थप अनुसन्धान जारी रहेको जिल्ला प्रहरी कार्यालय बझाङले जानकारी दिएको छ।
