समाचार

धनगढी - धनगढीको वडा नम्बर ३ मा सिकल सेल सम्बन्धी स्वास्थ्य शिविर गरिएको छ । नेपाल काङ्ग्रेस धनगढी वडा नम्बर ३ को आयोजनामा आज शनिबार उक्त शिविर आयोजना गरिएको हो । माया मेट्रो हस्पिटलको सहकार्यमा गरिएको उक्त कार्यक्रममा १६९ जनाले सेवा लिएको नेपाली काङ्ग्रेस धनगढी वडा नम्बर ३ का सभापति गजेन्द्र सिंहले बताएका छन् । नेपाली काङ्ग्रेस धनगढी नगर सभापति यज्ञराज उपाध्यायको प्रमुख आतिथ्यतामा सम्पन्न भएको उक्त कार्यक्रममा नेपाली काङ्ग्रेस धनगढी वडा नम्बर ३ का सभापती गजेन्द्र सिंहको अध्यक्षता रहेकोे थियो । यस्तै, नेपाल विद्यार्थी संघका कैलाली जिल्ला अध्यक्ष मनिष कुंवरको विशिष्ट आतिथ्यता रहेको थियो ।...

कञ्चनपुर - कञ्चनपुरमा लागूऔषधसहित ४ जना पक्राउ परेका छन् । बेलौरी नगरपालिका-८ कलकत्ताबाट २.०२ ग्राम लागूऔषधसहित बेल्डाडी गाउँपालिका-३ बैवाह बस्ने १९ वर्षीय सुदिप चौधरीलाई शुक्रवार साँझ प्रहरीले पक्राउ गरेको हो ।  चौधरीलाई ईलाका प्रहरी कार्यालय बेलौरीबाट खटिएको प्रहरी टोलीले लागूऔषधसहित फेला पारी पक्राउ गरेको बताइएको छ । यस्तै भीमदत्त नगरपालिका-१३ भाईरल रोडबाट ४० ग्राम लागूऔषधसहित भीमदत्त नगरपालिका-१२ र १३ बस्ने ३ जना किशोरलाई शुक्रवार साँझ प्रहरीले पक्राउ गरेको छ ।  प्रहरी चौकी झोलुङ्गे, कञ्चनपुरबाट खटिएको प्रहरी टोलीले लागूऔषधसहित उनीहरुको साथबाट खुकुरी १ थानसमेत फेला पारी तीनै जनालाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको छ । ...

दमक -  झापामा सीमा क्षेत्रमा सशस्त्र र स्थानीयबीच झडप हुँदा सात घाइते भएका छन् । झापाको पुर्वी नाका मेचीनगरमा सीमा क्षेत्रमा खटिएको सशस्त्र प्रहरी र नेपाल–भारत सामान ओेसारपसार गर्ने स्थानीयबीच झडप हुँदा एक सशस्त्र प्रहरी सहित ७ जना घाइते भएपछि तनाव सिर्जना भएको हो ।  सशस्त्र प्रहरीका सवारी चालकको अवस्था गम्भिर रहेको प्रहरीले जनाएको छ । शुक्रबार बेलुका नेपाल–भारत सीमा पिलर ९०–२–९०–३ नजिकै भारतबाट अवैध रुपमा सामान ल्याउदै गर्दा सशस्त्र प्रहरीले सामान नियण्त्रणमा लिन खोज्दा झडप भएको प्रहरी स्रोतको भनाई छ । प्रहरीमाथि स्थानीयले आक्रमण गरेपछि त्यसको प्रतिकारमा घटना भएको बताइन्छ । सशस्त्र प्रहरीले धारिलो हतियार प्रहार गरेको खुलेको छ । उपचारका लागि अस्पतालमा भर्ना भएका अधिकांश घाइतेहरुको शरिरमा धारिलो हतियारको चोट लागेको बीएण्डसी अस्पतालका चिकित्सकहरुले बताएका छन् । घाइतेहरु...

धनगढी - कैलालीमा बिहीवार विभिन्न मुद्धामा फरार रहेका छ जना पक्राउ परको छन् । बिहीवार तीन जना लागूऔषध मुद्धाका, दुई जना वन मुद्धा र एक जना कुटपिट मुद्धाका गरी छ जना दोषी पक्राउ परेका छन। वन मुद्धामा दोषी ठहरीयका घोडाघोडी नगरपालिका–८ का ३८ वर्षीय प्रेमलाल चौधरी, कैलारी गाउँपालिका–६ का ४५ वर्षीय गुलिराम चौधरी र कुटपिट मुद्धाका लम्कीचुहा नगरपालिका–९ का ६९ वर्षीय पदमबहादुर विष्ट पक्राउ परेका छन् । प्रेमलाललाई ७० हजार २२०, गुलिरामलाई १७ हजार ५१० र विष्टलाई दुई हजार जरिवाना तोकिएको थियो ।  यस्तै लागूऔषध मुद्धामा दोषी ठहरीयका धनगढी उपमहानगरपालिका–१३ का २२ वर्षीय सुरज राना, धनगढी–१३ का २२ वर्षीय रबि राना र एक नाबालक पक्राउ परेका छन् । सुरज, रबि र उक्त बालक तीनै जनलाई  एक महिना २४ दिन कैद सजाय तोकिएको थियो। सजाय तोकेको दिनबाट फरार रहेका ६ जनालाई शुक्रवार पक्राउ गरिअदालत बुझाएको...

धनगढी - कैलाली बहुमुखी क्याम्पसमा अनशनरत विद्यार्थी र क्याम्पस प्रशासन बीच सहमती भएको छ ।  संघर्ष समिति र क्याम्पस प्रशासन बीच विद्यार्थीले भोग्दै आएका विभिन्न समस्याहरूका सन्दर्भमा वार्ता गरी आज सहमती भएको हो । क्याम्पस प्रशासनमा भएको सहमतिसँगै रिले अनशन कार्यक्रम स्थगन गरेको अनशनको नेतृत्व गरेका विद्यार्थी तेजजङ् मल्लले बताए । यस्तो छ ८ बुँदे सहमती पत्र...

दार्चुला - दार्चुलाको व्यास गाउँपालिका–४ सुन्सेराको डोकटमा सशस्त्र प्रहरीको बोर्डर आउट पोष्ट (बीओपी) भवन शिलान्यास गरिएको छ ।  २०८० वैशाख २५ गते सुन्सेरामा स्थापना भएको बीओपीको भवन निर्माणका लागि बिहीबार शिलान्यास गरिएको सशस्त्र प्रहरी बल नेपाल ४४ नम्बर गण हेडक्वाटर दार्चुलाका सूचना अधिकारी एवम् सशस्त्र प्रहरी नायब उपरीक्षक लिलीबहादुर चन्दले बताए । भवन निर्माणका लागि सरस्वती रिठगडे जेभीसँग एक करोड ५९ लाखमा ठेक्का सम्झौता भएको बताइएको छ । सशस्त्र प्रहरी बल बैजनाथ बाहिनी नम्बर ७ का सशस्त्र प्रहरी वरिष्ठ उपरीक्षक (एसएसपी) रमेशकुमार पाण्डेले भवन शिलान्यास गरेका हुन् ।...

दाङ - लुम्बिनी प्रदेशको हिउँदे अधिवेशन आजदेखि सुरु हुनेभएको छ ।  आज दिउँसो ३ बजे प्रदेशसभा बैठक बस्ने प्रस्तावित कार्यसूचि रहेको प्रदेशसभा सचिव दुर्लभकुमार पुनले जानकारी दिए । उनका अनुसार आजको बैठकमा सभामुखले  प्रदेशसभाको अधिवेशन आह्वानसम्बन्धीे, मौजुदा मन्त्रिपरिषद्मा नियुक्ति र कार्यविभाजन सम्बन्धीे र विधेयक प्रमाणीकरणसम्बन्धी पत्र पढेर सुनाउने कार्यसूची छ ।  यस्तै दलको तर्फबाट प्रदेशसभा सदस्यले शुभकामना व्यक्त गर्ने कार्यसूचि पनि रहेको छ । यस्तै यही फागुन १९ गते प्रदेशसभामा प्रधानमन्त्री पुष्पकमल दाहाल ‘प्रचण्ड’ले सम्बोधन गर्ने कार्यक्रम तय भएको जनाइएको छ । ...

धनगढी – वाफ महिला च्याम्पियनसिपको फाइनल खेलमा नेपाल जोर्डनसँग पराजित भएको छ ।  साउदी अरबको जेद्दामा रहेको प्रिन्स अब्दुल्लाह अल फैजल स्पोर्ट्स सिटी स्टेडियममा गएराति सम्पन्न फाइनल खेलमा नेपाल जोर्डनसँग पेनाल्टीमा ५–३ गोलले पराजित भएको हो । योसँगै जोर्डन छैटौँ पटक उपाधि जित्न सफल भएको छ । नेपाल पहिलो सहभागितामै उपविजेता बनेको हो । खेलको मध्यान्तरसम्म नेपालले १–० गोलको अग्रता बनाएको थियो । नेपालका लागि सविता राना मगरले खेलको २९ औँ मिनेटमा गोल गरेकी थिइन् । त्यस्तै खेलको ७४औँ मिनेटमा जोर्डनकी लाना फेरासले गोल गर्दै खेललाई एक एक गोलको बराबरीमा ल्याइन् । त्यसपछि खेलको ८९औँ मिनेटमा जोर्डनले खेलमा दोस्रो गोल गर्‍याे । जोर्डनका लागि साराह अबु साबाहले गोल गरिन् । खेलको दोस्रो हाफको अत्तिरिक्त समयमा पेनाल्टीमा नेपालकी गीता रानाले गोल गरेपछि खेल २–२ को बराबरीमा पुगेको थियो । त्यसपछि खेल पेना...

धनगढी - धनगढीको केएमसीमा स्नातकोत्तर तह प्रथम सेमेस्टरमा अध्ययनरत विद्यार्थीका लागि स्वागत तथा अभिमुखिकरण कार्यक्रम गरिएको छ । बिहीबार कैलाली बहुमुखी क्याम्पसमा अध्ययनरत स्नातकोत्तर तह तेस्रो सेमेस्टरका विद्यार्थीको आयोजनामा उक्त कार्यक्रम गरिएको हो । स्नातकोत्तर तेस्रो सेमेस्टरमा अध्ययनरत विद्यार्थीद्वारा आयोजित उक्त कार्यक्रममा क्याम्पसका सहायक प्रमुख लोक बिष्टको प्रमुख आतिथ्यता रहेको थियो । भबिस्यमा तपाईं कहाँबाट पढेकोभन्दा पनि तपाईंको क्षमताको मूल्यांकन गरिने भएकाले हामीले छलफल अन्तरक्रिया, समिक्षा गरेर हामी सबैले अगाडि बढ्नुपर्ने क्याम्पसका सह-प्राध्यापक तथा सुदूरपश्चिम विश्वविद्यालयका प्राध्यापक संघका केन्द्रीय सभापति राजेन्द्रवीर चन्दले बताए । क्याम्पसको लामो इतिहासले यसको आफ्नै गरिमा रहेको र उत्कृष्ट शिक्षा प्रदान गर्दै आइरहेको उनले बताए । आजको युगमा विद्यार्थीले संसारभ...

धनगढी - धनगढीको केएमसीमा खड्ग पछेरा मेमोरियल इन्टर फ्याकल्टी क्रीकेट टुनामेन्ट २०८० सम्पन्न भएको छ । कैलाली बहुमुखी क्याम्पसका पूर्व उप-प्राध्यापक स्वर्गीय खड्क पछेराको स्मृतिमा बीबीएस चौथो वर्षमा अध्ययनरत विद्यार्थीको आयोजनामा उक्त प्रतियोगिता सम्पन्न भएको हो । गत फागुन १४ गतेबाट सञ्चालन भएको उक्त प्रतियोगिता क्याम्पस भित्रका विभिन्न संकायमा अध्ययनरत विद्यार्थीहरुका जम्मा १२ टिमको सहभागिता रहेको थियाे । प्रतियोगितामा बीएसडब्लुले प्रथम स्थान ओगट्न सफल भएको छ भने बीबीएस चौथो वर्ष तथा आयोजक टिम प्रतियोगितामा दोस्रो भएको छ । प्रतियोगिताको प्रथम स्थान हासिल गरेको बीएसडब्लुले प्रमाणपत्रसहित नगद सात हजार प्राप्त गरेको छ भने दोस्रो स्थान हात पारेको आयोजक टिमले प्रमाणपत्रसहित नगद तीन हजार प्राप्त गरेको छ । प्रथम स्वर्गीय खड्ग पछेरा कप सफलता पूर्वक सम्पन्न भएको उपलक्ष्यमा सम्पूर्ण...

धनगढी - धनगढीको ऐश्वर्य विद्या निकेतनको ४७औं वार्षिकोत्सव तथा अभिभावक दिवसका अवशरमा युवा जुनियर रेडक्रस सर्कलद्वारा रक्तदान कार्यक्रमको आयोजना गरिएको छ ।  उक्त कार्यक्रममा कक्षा ११ र १२मा अध्ययनरत विद्यार्थीहरु तथा शिक्षक कर्मचारीहरुले रक्तदान गरेका छन् । विद्यालय तहमा समय समयमा आयोजना गरिने यस्ता कार्यक्रमहरुले यूवा विद्यार्थीहरुमा रक्तदान सम्बन्धी जनचेतना जगाउनुका साथै सामाजिक भावना समेत जगाउने कुरा रेडक्रसकर्मी सोनिका बखरीयाले बताइन् ।  सप्ताहव्यापी खेलकुद कार्यक्रम समापनसंगै आयोजना गरिने अभिभावक दिवशको पूर्व सन्ध्यामा  रक्तदान आयोजना गरेर ऐश्वर्य युवा जुनियर सर्कलले सामाजिक उत्तरदायित्व निर्वाह गरेको भन्दै विद्यालयका प्राचार्य प्रेमनिधि ओझाले युवाहरुको प्रशंसा गरेका छन् । युवा रेडक्रस सर्कलका सभापती कमल खड्काको अध्यक्षतामा सम्पन्न उक्त कार्यक्रममा जम्मा २१ जनाले र...