कञ्चनपुर, बैशाख १० – केन्द्रीय लागुऔषध नियन्त्रण ब्युरो शाखा कार्यालय धनगढीबाट खटिएको विशेष प्रहरी टोलीले कञ्चनपुरको कृष्णपुर नगरपालिका–२, बाणीस्थित एक होटलबाट २ किलो ३१५ ग्राम चरेशसहित एक जनालाई पक्राउ गरेको छ।
प्राप्त विशेष सूचनाको आधारमा प्रहरीले कृष्णपुर नगरपालिका–२ मा रहेको ‘होटल डिलाशैनी’ मा खानतलासी गरेको थियो। सो होटल ५० वर्षीय पदम कार्कीले सञ्चालन गर्दै आएका थिए। प्रहरीले होटलको कोठाभित्र लुकाइछिपाइ राखिएको अवस्थामा लागुऔषध चरेश फेला पारेर बरामद गरेको हो।
बरामद गरिएको चरेशसहित कार्कीलाई नियन्त्रणमा लिई थप अनुसन्धानका लागि ईलाका प्रहरी कार्यालय झलारी, कञ्चनपुरमा बुझाइएको केन्द्रीय लागुऔषध नियन्त्रण ब्युरो धनगढी शाखाले जनाएको छ।
