बझाङ- बझाङको जयपृथ्वी नगरपालिका १० भोपुरमा रहेको जयपृथ्वी बहुमुखी क्याम्पसको स्वतन्त्र विद्यार्थी युनियन ( स्ववियु ) सभापतिका लागि तिलकचन्द्र बोहराले उम्मेदवारी दिएका छन् । विद्यार्थी राजनितिबाट उदाएका बोहरा सुदुरपश्चिम विश्वविद्यालय अन्तर्गत आशन्न चैत्र २७ गते हुने स्ववियु चुनावमा अनेरास्ववियुका तर्फबाट सभापतिमा उम्मेदवारी दिएका हुन ।
उनी अहिले अनेरास्ववियुको जिल्ला कमिटी सदस्य र अनेरास्ववियु जयपृथ्वी बहुमुखी क्याम्पस कमिटी अध्यक्ष समेत हुन् । लामो समयदेखी विधार्थी राजनितिमा होमिएका बोहराले विधार्थीहरुका हकहित र नमुना क्याम्पस बनाउने हेतुले सभापति पदमा उम्मेदवारी दिएका हुन । अहिले जयपृथ्वी बहुमुखी क्याम्पसमा उनको चर्चा चलिरहेको छ । यदि म स्ववियु सभापति भयो भने विद्यार्थीहरूका लागि पढ्दै कमाउदै अभियान सञ्चालन गर्ने , विपन्न आर्थिक अवस्था कमजोर भएका विद्यार्थीहरुका लागि छात्रावास र छात्रवृत्तिको व्यवस्था गर्ने , क्याम्पसको शैक्षिक गुणस्तर सुधारका लागि पहल गर्ने एजेन्डा अघि सारेका छन् । उनलेे बोलेका र गर्छु भनेका कामहरु पुरा गर्ने समेत प्रतिबद्धता व्यक्त गरे । क्याम्पसमा चुनाव लड्नका लागि अनेरास्ववियु बाट सभापति पदमा उम्मेदवारका रुपमा बोहरालाई अघि सारिएको हो ।
