धनगढी – कैलालीको धनगढीमा रहेको बेहडाबाबा मन्दिरमा दुई करोड २५ लाख दीप प्रज्वलन गरिने भएको छ ।
धनगढी– १६ रामपुरमा रहेको बेहडाबाबा मन्दिरमा महाशिवरात्रीको दिन अर्थात् फागुन २५ गते २ करोड २५ लाख दीप प्रज्वलन गरिने भएको हो ।
शनिबार धनगढीमा पत्रकार सम्मेलन गर्दै आयोजक बेहडाबाबा फाउन्डेसनका अध्यक्ष पदमराज जोशीले सवा दुई करोड दीप प्रज्वलन गर्ने तयारी पूरा भएको बताएका हुन् ।
अध्यक्ष जोशीले भने, “एक जना भक्तले १ लाख २५ हजारका दरले दीप प्रज्वलन गर्ने व्यवस्था मिलाएका छौँ । महा शिवरात्रीका दिन अपहाराह्न ३ः३० देखी ४ः३० बजेको समयमा दीप प्रज्वलन गरिनेछ ।“
