बझाङ

धनगढी- बझाङको छबिसपाथिभेरा गाउँपालिका-७ का स्थानीयलाई साबुन बनाउने तालिम प्रदान गरिँदैछ । घरेलु तथा साना उद्योग कार्यालय चैनपुर बझाङ र वडा कार्यालयको संयुक्त साझेदारीमा स्थानीयलाई ७ दिने साबुन बनाउने तालिम प्रदान गर्न थालिएको हो । घरेलु तथा साना उद्योग कार्यालयका प्रमुख मानबहादुर धामी र वडाध्यक्ष बिजय बहादुर धामीले यहीँ चैत २४ गते संयुक्त रूपमा तालिमको उद्घाटन गरेको वडा कार्यालयले जनाएको छ । उद्घाटन समारोहमा वडा सचिव धनशेर बहादुर बुढाले तालिमको महत्वबारे प्रकाश पार्दै यस्ता सीपमूलक कार्यक्रमले स्थानीय स्तरमा रोजगारी सिर्जना र आर्थिक सशक्तिकरणमा टेवा पुग्ने विश्वास व्यक्त गरे । त्यस्तै वडाध्यक्ष धामीले तालिमको लक्ष्य स्थानीय स्रोत र कच्चा पदार्थको उपयोग गर्दै साबुन उत्पादनलाई प्रोत्साहन गर्नु रहेको बताए । उनलेे यस्ता सीपमूलक तालिमले नागरिकलाई आत्मनिर्भर बनाउँदै साना उद्योगमार्फत आम...

बझाङ -  बझाङमा चैत्र १९ गतेदेखि बेपत्ता भएका थलारा गाउँपालिका–५ तल्लो दुवालीका ५८ वर्षीय लालबहादुर सिंहको शव ५ दिनपछि सेती नदीमा बग्दै गरेको अवस्थामा फेला परेको छ। आज दिउँसो केदारस्यूँ गाउँपालिका–९ झोता झुलुङ्गे पुल तलतिर स्थानीयले नदीमा बगिरहेको अवस्थामा उनको शव देखेका हुन्। सिंह चैत्र १९ गते बिहान घरबाट निस्केका थिए। साँझसम्म घर नफर्किएपछि परिवारले खोजी सुरु गरेको थियो। घटनाबारे इलाका प्रहरी कार्यालय खोलीमा जानकारी गराइएपछि प्रहरीसहित स्थानीयले खोजी कार्य अघि बढाएका थिए। खोजीकै क्रममा गुगलमार्फत उनको मोबाइल लोकेसन ट्र्याक गरिएको थियो। सोही आधारमा खोज्दै जाँदा थलारा गाउँपालिका–६ गड्डाला स्थित सेती नदी किनारमा उनको मोबाइल, कपडा र चप्पल फेला परेको थियो। वैदेशिक रोजगारीका लागि बेला–बेला भारत जाने गरेका सिंह भारततर्फ गएको हुन सक्ने आशंका गरिएको थियो। तर, उनका सामान नदी किनारमै भेटिएपछि नद...

बझाङ- बझाङको बुंगल नगरपालिका–४, बिजगडा बजारमा ट्याक्टरले अटोलाई ठक्कर दिँदा चार जना घाइते भएका छन्। दहवगरबाट कफलसेरीतर्फ जाँदै गरेको सु.प.प्र ०१००२ त ३९५८ नम्बरको ट्याक्टर बिजगडा चौराहामा ब्रेक फेल भई विपरीत दिशाबाट आइरहेको सु.प.प्र ०१००१ ह ६५९७ नम्बरको अटोमा ठोक्किएको हो। ट्याक्टर अर्जुन धामीले चलाएका थिए भने अटो चालक ३६ वर्षीय जनक धामी रहेका छन्। दुर्घटनामा अटो चालकसहित चार जना घाइते भएका छन्। घाइते हुनेहरूमा बुंगल नगरपालिका- ६ निवासी अटो चालक जनक धामी रहेका छन्, जसको टाउको, मुख र खुट्टामा गम्भीर चोट लागेको छ। त्यस्तै रञ्जला धामीको हातमा, गीता धामीको टाउकोमा सामान्य चोट लागेको छ भने राम धामीको खुट्टामा सामान्य चोट लागेको अस्थायी प्रहरी बिट बिजगडाले जनाएको छ। घाइतेहरूको खिरातडी स्वास्थ्य चौकीमा उपचार भइरहेको छ। दुर्घटनाका कारण चौराहामा रहेको राम धामीले सञ्चालन गरेको होटलमा समेत क्षति ...

बझाङको केदारस्यूँ गाउँपालिकामा चैते धानको परीक्षण खेती सुरु गरिएको छ। चैते धान प्रवर्द्धन गर्न गाउँपालिकाको सहकार्य र कृषि ज्ञान केन्द्र बझाङको सहजीकरणमा वडा नम्बर- ४ सैन्स्यूँमा धान रोपिएको हो। जिल्लामा चैते धानको सम्भाव्यता अध्ययनका लागि सैन्स्यूँमा करिब ३ रोपनी क्षेत्रफलमा ‘हर्दिनाथ-१’ जातको धान रोपिएको कृषि ज्ञान केन्द्रले जनाएको छ। यो जात १२० देखि १२५ दिनभित्र पाक्ने भएकाले असार दोस्रो सातासम्म भित्र्याउन सकिने अनुमान गरिएको छ। बर्खे धानको तुलनामा चैते धानको उत्पादन बढी हुने सम्भावना रहेको कृषि ज्ञान केन्द्रका प्रमुख जनकबहादुर सिंहले बताए । पानी अभावका कारण बाँझो रहने जमिनको उपयोग गर्न र खाद्य सुरक्षामा टेवा पुर्‍याउन चैते धानको परीक्षण सुरु गरिएको सिंहको भनाइ छ । उनका अनुसार गहुँभन्दा पनि राम्रो उत्पादन दिने भएकाले जिल्लामा चैते धानलाई विकल्पका रूपमा प्रवर्द्धन गर्ने योजना बनाइ...

बझाङ- बझाङको मष्टा गाउँपालिकाले बेरोजगार युवालाई लक्षित गर्दै निःशुल्क सीपमूलक तालिम सञ्चालन गर्ने भएको छ। गाउँपालिकाको कार्यालयले सूचना जारी गर्दै पोखरा भ्याली प्राविधिक तालिम संस्था प्रा. लि (Pokhara Valley Technical Training Institute Pvt. Ltd.) सँगको सहकार्यमा विभिन्न विषयमा तालिम सञ्चालन गर्न लागिएको जनाएको हो। सूचनाअनुसार सिलाइ कटाइ, डकर्मी (प्लम्बर र फलाम बाँध्ने काम), इलेक्ट्रोनिक्स तथा मोबाइल मर्मत, तथा आधारभूत घरायसी विद्युत् जडान सम्बन्धी तालिम सञ्चालन गरिनेछ। तालिमको अवधि ४ देखि ६ महिनासम्म रहनेछ। तालिममा सहभागी हुन १७ देखि ४० वर्ष उमेर समूहका व्यक्तिहरू योग्य हुनेछन् भने शैक्षिक योग्यता सामान्य लेखपढदेखि कक्षा ८ उत्तीर्णसम्म तोकिएको छ। प्रत्येक तालिममा सीमित संख्यामा सहभागी लिइनेछ। इच्छुक व्यक्तिहरूले तोकिएको मितिभित्र गाउँपालिकाको रोजगार सेवा केन्द्रमा आवेदन दिनुपर्ने पालि...

बझाङ- जिल्ला प्रहरी कार्यालय बझाङमा डिउटिका लागि जाने क्रममा  एक जना प्रहरी हवल्दार गम्भीर घाईते भएका छन् । शुक्रबार साँझ करिब ८ बजे सदरमुकाम चैनपुरमा रहेकाे आफ्नाे घर बाट जिल्ला प्रहरी कार्यालयमा डिउटिमा जाने क्रममा प्रहरी हवल्दार खडक बाेहरा आफ्नो घरकाे बार्दलिबाट लड्दा गम्भीर घाइते  भएका हुन् । उनकाे टाउकाेमा गम्भीर चाेट लागेकाे जिल्ला अस्पताल कार्यालय बझाङका कार्यालय प्रमुख डाक्टर सन्दिप ओखेडाले जानकारी दिए । हवल्दार बाेहराकाे डडेल्धुरा दरबन्दी रहेकाे र उनि जि.प्र.का.बझाङमा काजमा  कार्यरत रहेकाे जिल्ला प्रहरी कार्यालय बझाङका प्रमुख प्रहरी नायब उपरीक्षक खगेन्द्र धमलाले बताए  । प्रहरि हवल्दार बोहराकाे घर मष्टा गा.पा.५ रहेकाे प्रहरीले जानकारी दिएकाे छ ।...