बाजुराकी ७० वर्षीया वृद्धा २५ वर्षपछि भारतमा फेला
धनगढी- बाजुराकी एक वृद्धा २५ वर्षपछि भारतमा फेला परेकी छन्।जिल्लाको बुढीगंगा नगरपालिकाकी ती वृद्धा भारतको उत्तराखण्ड राज्यअन्तर्गत पिथौरागढमा फेला परेकी हुन् ।
बुढीगंगा -३ स्थायी ठेगाना बताउने उनले आफ्नो नाम शान्ति भनेकी छन्। पिथौरागढस्थित वान स्टप सेन्टरको आश्रयस्थलमा उनी फेला परेको केआईएन (किन) इन्डियाका प्रमुख नवीन जोशीले जानकारी दिनुभयो । लामो समयसम्म सडकमा बिताएकी ती महिलालाई भारतीय प्रहरीले उद्धार गरेर आश्रयस्थल पुर्याएको थियो।
भारतीय प्रहरीले उनको परिवार पत्ता लगाउन विभिन्न संघसंस्था तथा त्यस क्षेत्रमा काम गर्ने निकायलाई जानकारी गराएको भए पनि लामो समयदेखि पत्ता लाग्न सकेको थिएन। परिवारले लामो समयदेखि खोजी गर्दै आएको भए पनि फेला पार्न नसकेपछि माया मारिसकेका थिए। जोशीका अनुसार, फेला परेकी महिला सुरुमा त्यहाँ पुग्दा ती महिलाले केही समय सडकमा नै बिताएको तथा भारतीय प्रहरीको सहयोगमा ...
