उत्तमकुमार थापा- बझाङ
बझाङको खप्तडछान्ना गाउँपालिका ६ मा रहेको मष्टा मन्दिर (माणु) पुनःनिर्माणका लागि सर्वेक्षण गरिएको छ ।
खप्तडछान्ना बडाकाेटकाे डाँडा माणुमा रहेको मष्टा मन्दिर (माणु) काे निर्माण कार्यकालागि जिल्लाबाट गएको इन्जिनियर र प्राविधिकहरुकाे टाेलीले सर्वेक्षण गरेको हाे ।
मष्टा मन्दिर विगत अढाइ सय बर्ष पहिला निर्माण भएको स्थानीय तथा छबिसपाथिभेरा गाउँपालिकाका लेखापाल मुकेश थापाले बताए । जीर्ण अवस्थामा रहेको मष्टा माणु निर्माणका लागि स्थानीय सरकार, प्रदेश सरकार र संघ सरकारसम्म धाउँदा पनि कसैको ध्यान नभएपछि स्थानीयहरुकाे बैठकबाट भेटि स्वरुप उठेकाे पैसाले मन्दिर निर्माण गर्ने निर्णय भएर पुनःनिर्माणको कार्य अघि बढाइएको हो ।
पाचागाई बयानीकाे मुख्य मानिएकाे मष्टा माणु भेटि स्वरुप उठेकाे करिव २७ लाख बढी रुपैयाँमा निर्माण हुन लागेको शिक्षक नन्द थापाले जानकार दिए । मन्दिरको सर्वेक्षण प्राविधिक हेमराज थापा सहितको टोलीले गरेको हो । डाडा माणुमा पुननिर्माण हुन लागेको स्थानमा स्थानीय बुद्धिजीवी पत्रकार शिक्षक धामी सहितको उपस्थिति रहेकाे थियाे ।
मन्दिर निर्माणमा सहयाेग मुख्य भुमिका लेखापाल थापाको रहेको छ ,,भने विभिन्न देश तथा विदेशमा रहेका देउता प्रति आस्थावानहरूले सहयोग गरेका छन् ।
यस्तै स्थानीयले मन्दिर निर्माणका लागि देउता प्रति आस्थावान सबैमा सहयाेग गर्न आग्रह गरेका छन ।
