समाचार

ललितपुर – किशोरावस्थाको स्वास्थ्य तथा महिनावारी व्यवस्थापन सम्बन्धी तीन दिने प्रशिक्षक प्रशिक्षण कार्यक्रम आइतबार सम्पन्न भएको छ। स्वास्थ्य शिक्षा, चेतना तथा अधिकार, नेपाल (हियर नेपाल) को आर्थिक सहयोगमा तथा बागमती प्रदेश स्वास्थ्य तालिम केन्द्रको सहकार्यमा आयोजित उक्त प्रशिक्षणमा ललितपुरका २५ जना स्कूल नर्सहरूको सहभागिता रहेको थियो। कार्यक्रमको उद्घाटन सत्रमा समाज कल्याण परिषद (SWC) का प्रतिनिधिहरूको उपस्थिति रहेको थियो। SWC सदस्य सचिवले किशोर स्वास्थ्य र प्रजनन स्वास्थ्य प्रवर्द्धनका लागि हियर नेपालले सञ्चालन गरेको कार्यक्रम दिगो विकास लक्ष्य (SDG) हरूसँग सम्बन्धित रहेको बताए। विशेष गरी, SDG 3 (स्वास्थ्य र कल्याण) तथा SDG 5 (लैंगिक समानता) मा जोड दिँदै उनले किशोर-किशोरीहरूलाई गुणस्तरीय स्वास्थ्य सेवा उपलब्ध गराउने, यौन तथा प्रजनन स्वास्थ्य शिक्षाको अभिवृद्धि गर्ने र सुरक्षित महिनावारी ...