Breaking News 1

दार्चुला- जिल्लाको शैल्यशिखर नगरपालिका–७ मा रहेको भैरवनाथ आधारभूत विद्यालयको पठनपाठन हावाहुरीले उडाएको छाना दुई वर्षसम्म मर्मत नहुँदा गम्भीर रूपले प्रभावित बनेको छ। विद्यालय भवनको छाना, ढोका र झ्याल विहीन अवस्थाले बालबालिकालाई सुरक्षित र सहज वातावरणमा पढ्न नदिएको स्थानीयको गुनासो छ। दुई वर्ष अगाडि हावाहुरीले विद्यालयको छाना उडाएपछि हालसम्म मर्मत सम्भार हुन नसकेको हो। सम्बन्धित निकायबाट आवश्यक बजेट विनियोजन नहुँदा समस्या झनै चुलिएको विद्यालय प्रशासनले जनाएको छ। कक्षा कोठामा डेस्क–बेञ्चको समेत अभाव हुँदा बालबालिकाहरू कार्पेटमा बसेर पढ्न बाध्य छन्। “विद्यालयमा न त बस्ने कुर्सी छ, न छाना, न त ढोका नै। बच्चाहरू असुरक्षित र कष्टकर अवस्थामा पढिरहेका छन्,” एक अभिभावकले भने। विद्यालय २०६८ सालमा स्थापना भएको हो। हाल विद्यालयमा कक्षा ३ सम्म पढाइ हुँदै आएको छ। कागजमा विद्यार्थी संख्या ३४ जना रहे...