Breaking News 1

बझाङ- बझाङको थलारा गाउँपालिका- २ मा ट्याक्टर दुर्घटना भएको छ । केदारस्यूँ गाउँपालिकाको झोताबाट सामान बोकेर रायल हुँदै कफलकाँडा तर्फ गइरहेको सु.प.प्र ०१००२ त ५७२४ नम्बरको ट्याक्टर थलारा २ कफलफाँडा नजिक पारमुल भन्ने ठाउँमा अनियन्त्रित भएर आज साँझ दुर्घटना भएको हो । दुर्घटनामा थलारा गाउँपालिका- २ कफलकाँडाका स्थानीय कौमले खाती र जसे खातीको मृत्युु भएको स्थानीयले जानकारी दिएका छन् । त्यस्तै चालक खुशीराम चौधरी गम्भीर घाइते भएका छन् । ट्याक्टर सडकभन्दा झण्डै एक किलोमिटर तल खसेको वडाध्यक्ष रविन्द्र बहादुर खातीले जानकारी दिए । उनका अनुसार गम्भीर घाइते चालक कैलालीका चौधरीलाई उपचारका लागि जिल्ला अस्पताल सिमखेत पठाउने तयारी भइरहेको छ ।...

बझाङ- बझाङको केदारस्युँ गाउँपालिका ५ पाउटाकी एकल महिला कल्पना बोहरालाई आर्थिक रकम र न्यानो बलाङ्केट हस्तान्तरण गरिएको छ । आज वडा कार्यालयमा एक कार्यक्रमका बिच बोहरालाई भवानी एकता समाज ब्याङ्लोरले आर्थिक रकम र वडा कार्यालयले न्यानो बलाङ्केट हस्तान्तरण गरेको हो । कल्पनाका श्रीमान मोहन बोहराको गत जेठ ४ गते भीरबाट लडेर मृत्यु भएको थियो । श्रीमान गुमाएको वियोगमा रहेकी कल्पनाको आलो घाउमा मलमपट्टी स्वरुप भवानी एकता समाज ब्याङ्लोका संयोजक गणेश बोहरा लगायतका पदाधिकारीहरुले २८ हजार ५ रुपैया नगद हस्तान्तरण गरेका हुन । त्यस्तै वडा कार्यालयले बढ्दो चिसोलाई ध्यानमा राख्दैै न्यानो बलाङ्केट हस्तान्तरण गरेको वडाध्यक्ष मोहन ठगुन्नाले जानकारी दिए । यस अघि पनि वडा कार्यालय मार्फत कल्पनालाई खाद्यान्न सामाग्री सहयोग गरिएको थियो । आर्थिक रुपमा कमजोर रहेकी कल्पनालाई अहिले छोरीहरुको पालनपोषणमा समस्या निम्तिए...