गणतन्त्रको विकल्प राजतन्त्र होइन : एमाले सचिव लेखराज भट्ट
धनगढी– नेकपा एमालेका सचिव तथा सुदूरपश्चिम इन्चार्ज लेखराज भट्टले गणतन्त्र र लोकतन्त्रको विकल्प राजतन्त्र हुन नसक्ने बताएका छन्। सोमबार अत्तरियामा आयोजित नेपाल शिक्षक संगठनको १४औं कैलाली जिल्ला अधिवेशनलाई सम्बोधन गर्दै भट्टले चिहानमा गइसकेको राजतन्त्र पुनः जीवित हुन नसक्ने धारणा व्यक्त गरे।
‘लोकतन्त्र–गणतन्त्रको विकल्प राजतन्त्र होइन, बरु राजतन्त्रको विकल्प पुनः गणतन्त्र नै हो,’ उनले भने। भट्टले वर्तमान व्यवस्थामा कमजोरी भए सुधार गर्नुपर्ने बताए।
उनले राजनीतिक परिवर्तनमा शिक्षकहरूको भूमिका महत्वपूर्ण रहेको स्मरण गराउँदै शिक्षक संगठनको इतिहास गौरवपूर्ण रहेको उल्लेख गरे। ‘लोकतन्त्र, गणतन्त्र र संघीयता ल्याउँदा शिक्षकहरूको योगदान स्मरणीय छ,’ उनले भने।
साथै, हाल जारी शिक्षक आन्दोलनको समाधान संवाद र छलफलबाटै खोजिनुपर्ने उनको धारणा थियो।...
