काठमाण्डौ- भारतमा जारी इन्डियन प्रिमियर लिग ९आईपीएल० क्रिकेटमा मुम्बई इण्डियन्स र रोयल च्यालेन्जर्स बैङ्गलुरुले जित निकालेका छन्।
मुम्बईको १२ रनको जित
अरुण जेटली स्टेडियममा दिल्ली क्यापिटल्सलाई मुम्बईले १२ रनले हराएको हो। मुम्बईले पहिलो ब्याटिङ गर्दै २० ओभरमा ५ विकेट गुमाएर २०५ रन बनायो।
तिलक वर्माले ५९, रायन रिक्लट्नले ४१ र सूर्य कुमार यादवले ४० रन बनाए।
दिल्लीका विपराज निगम र कुलदीप यादवले दुई(दुई विकेट लिए।
जवाफी ब्याटिङमा दिल्लीले १९ ओभरमै सबै विकेट गुमाएर १९३ रन मात्र बनाउन सक्यो। करुण नायरले सर्वाधिक ८९ रन बनाए भने अभिषेक पोरेलले ३३ रन जोडे।
मुम्बईका करन शर्माले ३ विकेट र मिचेल सान्टनरले २ विकेट लिए।
५ खेलबाट ८ अङ्क जोडेको दिल्ली दोस्रो स्थानमा झरेको छ भने मुम्बई ६ खेलमा ४ अङ्कसहित सातौं स्थानमा उक्लिएको छ।
बैङ्गलुरुको एकतर्फी जित
हिजोको पहिलो खेलमा रोयल च्यालेन्जर्स बैङ्गलुरुले राजस्थान रोयल्सलाई ९ विकेटले हरायो।
१७४ रनको लक्ष्य पछ्याएको बैङ्गलुरुले १७ ओभर ३ बलमै १ विकेट गुमाएर १७५ रन बनायो।
फिल साल्टले ६५ रन बनाए भने विराट कोहलीले अविजित ६३ रन जोडे।
त्यसअघि, राजस्थानले पहिलो ब्याटिङ गर्दै २० ओभरमा ४ विकेट गुमाएर १७३ रन बनाएको थियो।
ओपनर यशस्वी जैशवालले ७५ रन, रियान परागले ३० र धुर्व जिरेलले ३५ रन बनाए।
बैङ्गलुरुका चार बलर—भुवनेश्वर कुमार, यश दयाल, जोश हेजलउड र कुर्णाल पाण्ड्याले समान एक–एक विकेट लिए।
६ खेलमा ८ अङ्क जोड्दै बैङ्गलुरु तेस्रो स्थानमा उक्लिएको छ। समान खेल खेलेको राजस्थान ४ अङ्कसहित सातौं स्थानमा छ।
आजको खेल
आईपीएल अन्तर्गत आज लखनउ सुपर जायन्ट्स र चेन्नई सुपर किङ्स आमनेसामने हुँदैछन्।
