धनगढी- बैतडीका एकजना वडाध्यक्ष वडावासी जनताको विद्युत महसुल तिर्दै आएका छन् ।
जिल्लाको पाटन नगरपालिका–९ का वडा अध्यक्ष कालुसिंह भाटले आफ्नो वडावासी जनताको सबै विद्युत महसुल तिर्दै आएका हुन् ।
वडाध्यक्ष भाट विगत २ वर्षदेखि आफ्नो मासिक पारिश्रमिकबाट वडाका ३ सय ग्राहकको विद्युत महसुल तिर्दै आइरहेका छन्।
वडाअध्यक्षमा निर्वाचित भए लगत्तै उनले वडाबासीको विद्यूत महसुल तिरिदिने घोषणा गरेका थिए । २०७९ साउनदेखी ०८१ पुष मसान्त सम्मको विद्युत महसुल तिरेको रसिद घर–घरमै पु¥याउने गरी टोल–टोलमा वितरण गरिरहेका छन् ।
वडावासीलाई जानकारी दिन र प्रत्यक्ष भेटघाट गर्नका लागि उनी स्वयं प्रत्येक टोलमा पुगेर रसिद हस्तान्तरण गरिरहेका छन्।
