कैलाली, गोदावरी – युवा समाजसेवी तथा हेमा श्री फाउन्डेसन नेपालका कार्यबाहक अध्यक्ष हेमन्त बाजेको सहकार्य र महिला नेतृ रिता शाहीको पहलमा गोदावरी नगरपालिका–२, दामदरेस्थित बाह्रदेउ आधारभूत विद्यालयका ३५ जना बालबालिकालाई न्यानो लुगा वितरण गरिएको छ।
आर्थिक अवस्था अत्यन्त कमजोर भएका, विद्यालय जान नसक्ने, एकल घरपरिवारका छोराछोरी, जेहेन्दार तथा अनाथ बालबालिकालाई न्यानो लुगा र टोपी वितरण गरिएको हो।
कार्यक्रममा मालिका माध्यमिक विद्यालयका विभिन्न कक्षामा अध्ययनरत विद्यार्थीहरू, विद्यालय व्यवस्थापन समितिका ज्येष्ठ सदस्य रतिभान धामी, बाह्रदेउ आधारभूत विद्यालयका व्यवस्थापन समितिका सदस्य गौमती धामी, समाजसेवी तथा समन्वयकर्ता हेमन्त बाजे, पहलकर्ता रिता शाही, सुरज खडका, विद्यालयका प्रअ हर्क धामी, शिक्षक-शिक्षिका, अभिभावक, तथा विद्यार्थीहरूको उपस्थिति रहेको थियो।
समाजसेवी हेमन्त बाजेले चिसोबाट प्रभावित बालबालिकाको जीवनस्तर सुधार्न र शिक्षामा निरन्तरता दिन सहयोग पुग्ने उद्देश्यले कार्यक्रम आयोजना गरिएको बताए। बालबालिकाहरू प्राप्त सामाग्रीबाट उत्साहित भएको र यसले पढाइप्रति थप ऊर्जा प्रदान गर्ने विश्वास व्यक्त गरे।
न्यानो लुगा उपलब्ध गराउन अस्ट्रेलिया निवासी समाजसेवी माया बी. शेर्पाले सहयोग गरेका थिए। कार्यक्रमको सञ्चालन विद्यालयका प्रअ हर्क धामीले गरेका थिए।
