Advertisement
धनगढी । सुदूरपश्चिम प्रदेश सरकारको चालु आर्थिक बर्षको बजेट आज सोमबार आउने भएको छ ।
चालू आर्थिक वर्ष २०८१/०८२ सुरु भएको दुई महिनापछि आज सरकारको बजेट प्रदेश सभामा पेस हुने कार्यसूची रहेको छ ।
आज दिउँसो ३ बजे बस्ने प्रदेश सभा बैठकमा प्रदेश सरकारको बजेट कार्यक्रम पेस हुने प्रदेश सभा सचिवालयले जनाएको छ ।
अघिल्लो सरकारले असार १ गते पेस गरेको बजेट छलफल नै नभएर अलपत्र परेको थियो । तत्कालीन मुख्यमन्त्री दीर्घ बहादुर सोडारी नेतृत्वको सरकारले ३१ अर्ब ६२ करोडको बजेट प्रदेश सभामा पेश गरेको थियो ।
सोडारी नेतृत्वको सरकारले ल्याएको बजेट पारित नभएर निस्क्रिय भएपछि दुई महिनादेखि सुदूरपश्चिम प्रदेश बजेटबिहीनताको अवस्थामा छ ।
वर्तमान सरकारले राजस्व संकलन गर्न अध्यादेश ल्याए पनि खर्च गर्ने विनियोजन विधेयक नहुँदा खर्च गर्न सकेको छैन ।
प्रदेश सरकारले आज प्रदेश सभामा पेश गर्ने बजेट करिव ३० अर्ब हाराहारीमा हुने आर्थिक मामिला मन्त्रालयका सचिव झलकराम अधिकारीले जानकारी दिए ।
सचिव अधिकारीले अघिल्लो सरकारले अनुमानका आधारमा बजेट ल्याएको भए पनि अहिले वास्तविकका आधारमा बजेट आउने बताए ।
कामनाटुडे निष्पक्ष पत्रकारिताको दृढ पहरेदार हो, जसले समाचार, विचार, मनोरञ्जन, खेलकुद, विश्व, प्रविधि र जीवनका विविध आयाम उजागर गर्छ। मर्यादित समाज र समृद्धिको यात्रामा अघि बढ्दै हामि आवाजविहीनहरूको बुलन्द स्वर बनिरहेका छौँ । यदि तपाईंसँग भ्रष्टाचार वा अनियमितताको कुनै प्रमाण छ भने, हामीलाई पठाउनुहोस्। सत्य उजागर गर्न कटिबद्ध कामनाटुडे तपाईंको गोपनीयता सुरक्षित राख्नेछ। सचेत नागरिक बनौं, अन्यायविरुद्ध उभिऔं!
केन्द्रिय कार्यालयः सुदूरपश्चिम प्रदेश धनगढी कैलाली
फोन नम्बर – ०९१-५९०९३३
