Day: २०८० माघ २४, बुधबार २३:०४

कालीकोट - कालीकोटको पलाँता गाउँपालिका –८ का एक पुरुष श्रीमतीको हत्या आरोपमा पक्राउ परेका छन् ।  श्रीमतीको निधन भएको भनिएको सात दिनपछि उनी पक्राउ परेका हुन् ।  श्रीमती माइतीघर गएको खबर गरेका राजेन्द्र रोकायाले माघ १७ गते राति हत्या गरेर शवलाई भिरमा खसालेको आंशकामा प्रहरीले उनलाई पक्राउ गरेको छ ।  जिल्ला प्रहरी कार्यालय कालीकोटका सूचना अधिकारी प्रहरी निरीक्षक पोषण थापाका अनुसार रोकायाले श्रीमती माइत गएको गाउँका साथीभाइलाई खबर गरेका थिए ।  तीनदेखि चार दिनपछि माइतीमा गए–नगएको खबर गर्दा माइती पक्षले नआएको खबर सुनाएपछि श्रीमान राजेन्द्र रोकायाप्रति शंका गरिएको थियो । पछि खोज्दैजाँदा वडा ८ को देउगैडा भन्ने भिरमा रोकायाको २९ वर्षीया उर्मिला रोकायाको शव भेटिएको थियो ।  अनुसन्धानको क्रममा उहाँको भिरबाट लडेर नभई उनकै श्रीमान रोकायाले कुटपिट गरी हत्या गरेको र पछ...

अछाम : अछाममा आगलागी हुँदा दुई बालबालीकाको जलेर मृत्यु भएको छ । मेल्लेख गाउँपालिका–३ दार्वाका जयबहादुर बुढाका ३ वर्षीय छोरा अंङ्कीत बुडा र झङ्करे बुढाकी नातीनी ६ वर्षीया निरुता बुढाको आगोमा परि मृत्यु भएको हो ।  खरले छाएको ढुङ्गा र काठको गोठमा बुधवार आगलागी भएको हो । उक्त आगलागीबाट दुबै बालबालिकाको मृत्यु भएको जिल्ला प्रहरी कार्यालय अछामले जनाएको छ ।  आगलागीबाट गोठ जलेर नष्ट भएको छ भने घटनाको बारेमा प्रहरीले थप अनुसन्धान भइरहेको जनाएको छ। ...

धनगढी - गायिका इब्सुल सञ्ज्याल उत्कृष्ट युवा पुरस्कारबाट सम्मानित भएकि छन् ।  कालिकोटको पचलझरना-६ घर भएकी इब्सुललाई राष्ट्रिय युवा सेवा कोषले नगद १० हजार सहित उत्कृष्ट युवा पुरस्कारबाट सम्मानित गरेको हो । गायन क्षेत्रमा मिठो कला, गला, आवाज र स्वरको माध्यमबाट हाँशीहाँसी दर्शक तथा श्रोतालाई मनोरन्जन दिदै हृदयस्पर्सी तथा मार्मिक गीतहरुको माध्यमबाट भाषा कला, तथा साहित्यको श्रीवृद्धि गर्न सफल भएको उनलाई सम्मानित गरिएको राष्ट्रिय युवा सेवा कोषका अध्यक्ष प्रदीपमान बैद्यले बताएका छन् । लोकदोहोरी गाएर पछिल्लो समय सबैतिर चर्चा कमाएकि ईब्सुल मोडलिङ मार्फत चार वर्षदेखि साँगितिक क्षेत्रमा जमेकी छन् । ...

कैलाली - बनेको सडकको अढाई किलोमिटर कालोपत्रे गर्ने ठेक्का सम्झौताको तीन पटक म्याद थपिसक्दा पनि काम भने ३५ प्रतिशत मात्र भएको छ ।  निर्माण कम्पनीले लगातार काम नगर्दा सडक किनारमा बनाइएको नालीसमेत अहिले टुटफुट भएर भताभुङ्ग अवस्थामा छ ।  यो कुरो हो सुदूरपश्चिम प्रदेश गौरवकै आयोजनाको रूपमा अगाडि बढेको कैलालीको चौकीडाँडा–फल्टुडे सडक जिरो पाइन्टदेखि मालाखेती सेतो पुलसम्म कालोपत्रे गर्न कालिका कन्स्ट्रक्सनले लिएको निर्माण ठेक्का, एडिबीको ऋण सहयोगमा क्षेत्रीय सहरी विकास कार्यालयमार्फत गोदावरीमा निर्माण गरिने ६ वटा सडकमा सो चौकीडाँडा–फल्टुडे सडकको जिरो पाइन्ट खण्ड निर्माणका लागि तीन पटक म्याद थपिसकिएको छ ।  सम्झौतामा एक वर्षभित्रै काम सम्पन्न गर्नेगरी २०७७ साउन २० गते ठेक्का लगाइएको थियो । सो सडक अगाडि बढाउने क्रममा मालाखेती सेतो पुलदेखि प्रदेश सरकार अन्तर्गतको भौतिक पूर्वाधा...

पाकिस्तान - दक्षिणपश्चिमी पाकिस्तानमा एक चुनावी उम्मेदवारको कार्यालय बाहिर बुधबार भएको विस्फोटमा परी कम्तीमा १२ जनाको मृत्यु हुनुका साथै २५ जना घाइते भएका छन् । क्वेटा सहरबाट करिब ५० किलोमिटर टाढा र अफगानिस्तानसँगको सीमाबाट करिब १०० किलोमिटर टाढा रहेको पिशिन जिल्लामा एक स्वतन्त्र उम्मेदवारको कार्यालय नजिकै आक्रमण भएको थियो । क्वेटाका एक प्रहरी अधिकारीले नाम नबताउने सर्तमा एएफपीसँग भने, “१२ जनाको मृत्यु भएको छ भने २५ जना घाइते भएका छन् ।” “प्रारम्भिक अनुसन्धानले मोटर साइकलमा राखिएको विस्फोटक पदार्थ विस्फोट भएको देखिएको छ,” उनले भने ।   प्रान्तका कार्यवाहक सूचनामन्त्री जान अचकजाईले मृतकको सङ्ख्या पुष्टि गर्दै भने, “यो विस्फोटमा १२ जनाको मृत्यु भएको छ र २५ भन्दा बढी घाइते भएका छन् ।”  निर्वाचनका लागि ५० लाखभन्दा बढी सुरक्षाकर्मी बुधबारदेखि तैनाथ हुन थालेका छन् भन...

धनगढी - कैलालीको गौरीगंगामा फागुन १९ गतेदेखि गौरीगंगा गोल्ड कप हुने भएको छ ।  आज पत्रकार सम्मेलनको आयोजना गर्दै गौरीगंगा११ स्पोर्टस क्लबले प्रतियोगिताको तयारी सुरु गरेको जनाएको छ । फागुन १९ गते देखी २८ गते सम्म हुने प्रतियोगिताको विजेताले ६ लाख सहित ट्रफि, मेडल पाउने छन् । त्यस्तै उपविजेताले ३ लाख ट्रफि, मेडल पाउने आयोजक जनाएको छ । उत्कृष्ट खेलाडीले ५० हजार, प्रत्येक विधाका उत्कृष्ट खेलाडीलाई १५/१५ हजार पाउने र प्रत्येक खेलका उत्कृष्ट खेलाडीले ५ हजार पाउने जनाइएको छ । प्रतियोगितामा सुदूरपश्चिम प्रदेशका १० टिमले सहभागिता जनाउने छन् । प्रतियोगिता गौरीगंगाको लिक्मा खेलमैदानमा आयोजना हुनेछ ।...

काठमाडौं - राष्ट्रिय स्वतन्त्र पार्टीका सभापति रवि लामिछानेले भ्रष्टाचारका फाइल खुल्नेबित्तिकै सर्वदलीय बैठक हुने गरेको बताएका छन् । बुधबार प्रतिनिधिसभाको बैठकमा सम्बोधन गर्दै भ्रष्टाचारको फाइल खुल्नेबित्तिकै हुने सर्वदलीय बैठक मुलुकको आवश्यकताका विषयमा हुनुपर्ने बताए । सभापति लामिछानेले राष्ट्रिय महत्वका ५ विषयमासर्वदलीय बैठक गर्न प्रस्ताव गर्दै ती बैठक नेताहरुको निवास बुढानीलकण्ठ, खुमलटार, बालकोट र बालुवाटारजस्ता ठाउँमा नभई दलित र मुसहर बस्तीमा गर्नुपर्ने बताए । उनले सर्वदलीय बैठक गर्ने प्रस्ताव गरेका विषय यी हुन् : १. आर्थिक शिथिलता, आम नैराष्य र युवा पलायनका लागि युवा केन्द्रित प्रोजेक्ट होपको विषय । २. सुशासन र भ्रष्टाचार नियन्त्रण । ३. रुग्ण भौतिक पूर्वाधार आयोजनाको व्यवस्थापन । ४. शिक्षा, स्वास्थ्य र सामाजिक सुरक्षाको संकट समाधान । ५. परराष्ट्र मामिला । यी...

धनगढी - चर्चित गायिका समिक्षा अधिकारी प्रेम दिवसको दिन धनगढी आउने भएकी छन्।  धनगढीमा फागुन २ गते प्रेम दिवस अवसरमा आयोजित विशेष कार्यक्रमका लागि उनी धनगढी आउन लागेकी हुन् । प्याट टिम क्लेक्सनको आयोजनामा धनगढीमा रहेको फ्लाटलयाण्ड फुटसलमा हुने उक्त कार्यक्रममा चर्चित गायिका समिक्षा अधिकारी र उमेश मुस्कान आउने भएका छन् ।  उक्त कार्यक्रममा तीन सयको टिकटमा एक जना र पाँच सयको टिकटमा जोडीहरूलाई प्रवेश रहेको आयोजकले जनाएको छ । राष्ट्रिय कलाकार र स्थानीय कलाकारहरूको विशेष प्रस्तुति रहने समेत आयोजकले जनाएको छ । कार्यक्रम फागुन २ गते बेलुका ४ बजे सुरु हुने र कार्यक्रमबाट फाइदा रकमको २० प्रतिशत पशु संरक्षणको लागि खर्च गरिने समेत आयोजकले जनाएको छ ।...

धनगढी - लुम्बिनी र सुदूरपश्चिम प्रदेशसहित पहाडी केही ठाउँको मौसम आंशिक बदली रहेको छ ।  अरु बाँकी क्षेत्रको मौसम आज सफा नै रहेको जल तथा मौसम पूर्वानुमान महाशाखाले जनाएको छ । आज काठमाण्डौ उपत्यकामा हिजोभन्दा चिसोे छ । आज बिहान पाैने ९ बजे काठमाण्डौ उपत्यकाको न्यूनतम तापक्रम ३ डिग्री सेल्सियस मापन गरिएको छ ।  हिजो न्यूनतम तापक्रम ३ दशमलव ५ डिग्री सेल्सियस रहेको थियो । आज काठमाण्डौको अधिकतम तापक्रम १८ देखि २० डिग्री सेल्सियससम्म पुग्न सक्ने महाशाखाको अनुमान छ । यस्तै, आज पनि तराईका केही ठाउँमा बिहान पातलो हुस्सु र कुहिरो लागेकाे छ । तर घाम लागेपछि बिस्तारै हट्ने महाशाखाले जनाएको छ ।...

धनगढी - धनगढीमा प्रेमपत्र प्रतियोगिता हुने भएको छ । फागुन २ गतेका दिन भ्यालेन्टाइन दिवसको अवसरमा प्रेमपत्र प्रतियोगिता हुने भएको हो । मङ्गलवार पत्रकार सम्मेलन गर्दै सुदूर चौतारीले प्रेमपत्र प्रतियोगिता गर्ने जानकारी गराएको हो । आयोजक सुदूर चौतारीले प्रेमपत्रमा प्रेमपात्रका रूपमा प्रेमी-प्रेमिकाका साथै जन्मदिन आमाबुबा, देश, प्रकृति सम्बद्ध विषय खोलानाला, चराचुरुङ्गी, बोटबिरुवा, डाँडाकाँडा, आफ्नो गाउँठाउँ, मौलिक संस्कृति, परम्परा आदि राख्न सकिने बताएको छ ।  प्रेमपत्र बढीमा एक हजार शब्दको हुनुपर्ने, पत्र टाइपिङ वा हस्तलिखित हुनुपर्ने बताइएको छ । प्रेमपत्र लेखेर इमेल वा ह्वाट्सप मार्फत पठाउन सकिनेछ । आयोजकका अनुसार प्रेमपत्र premchand2075@gmail.com र ह्वाट्सप नम्बर ९८४८९८३८८० मा पठाउन सकिनेछ । प्रतियोगितामा भाग लिन चाहने व्यक्तिले माघ २९ गतेभित्र आयोजकलाई इमेल वा ह्वाट्सप मार्फत ...

कैलाली - एमबीबीएस अध्ययनका लागि चिकित्सा शिक्षा आयोगको प्रवेश परीक्षामा उत्तीर्ण भएका कैलालीका राहुल नेपालीको सम्पूर्ण शुल्क सुदूरपश्चिम प्रदेशको सामाजिक विकास मन्त्रालयले तिरिदिने भएको छ ।  यस विषयमा चिकित्सा शिक्षा आयोगलाई भर्नामा सहजीकरण गरिदिन मन्त्रालयले पत्र लेखेको हो ।  चिकित्सा शिक्षा आयोगले लिएको भर्ना हुन पाउने परीक्षामा सफल भएका राहुललाई युनिभर्सल कलेज अफ मेडिकल साइन्स एन्ड टिचिङ हस्पिटल भैरहवामा भर्ना पाउने सूचीमा राखेको थियो ।  सो टिचिङ हस्पिटलले भर्नाको म्याद पुस २६ गतेदेखि माघ ४ गतेसम्म तोकेको थियो । उक्त टिचिङ हस्पिटलले एमबीबीएसको अध्ययनका लागि ४६ लाख लाग्ने कूल शुल्कमा १५ लाख भर्ना हुने समयमा नै बुझाउनु पर्ने भनेपछि राहुलले पैसाको जोहो गर्न नसकेर भर्ना नै छुटेको थियो । विपन्न परिवारका राहुलका परिवारको आर्थिक अवस्था कमजोर भएकाले आफैँले जोहो गरेर भ...