कैलाली – केपी ओली कप टी–२० क्रिकेटमा कर्णाली प्रदेशले पहिलो जित निकालेको छ ।
आजको पहिलो खेलमा कर्णाली प्रदेशले मदन भण्डारी स्पोर्ट्स एकेडेमी ‘रातो’ लाई ४ विकेटले हरायो ।
टस जितेर पहिला ब्याटिङ गरेको मदन भण्डारी स्पोर्ट्स एकेडेमी ‘रातो’ ले निर्धारित २० ओभरमा ६ विकेट गुमाएर १ सय ९ रन बनाएको थियो ।
जितका लागि १ सय १० रनको लक्ष्य पछ्याएको कर्णालीले १८ ओभर एक बलमा ६ विकेट गुमाउँदै भेट्टायो ।
हिजो भएको खेलमा बाग्मतीले कर्णालीलाई ९० रनले र अस्ति भएको खेलमा मदन भण्डारी स्पोर्ट्स एकेडेमी ‘रातो’ लाई १ सय ९ रनले हराएको थियो । बाग्मती समूह ‘ए’ का दुवै खेल जित्दै सेमिफाइनलमा पुगिसकेको छ।
त्यस्तै, आज हुने दोस्रो खेलमा सशस्त्र प्रहरीको एपीएफ क्लब र लुम्बिनी प्रदेशबीच दिउँसो एक बजे खेल हुनेछ । हिजो भएको खेलमा एपीएफलाई हराउँदै गण्डकीले विजयी शुरुवात गरेको छ । केपी ओली कप पोखरा रङ्गशालामा भइरहेको छ ।
