कन्चनपुर

कञ्चनपुर– जिल्लाको शुक्लाफाँटा नगरपालिकाले युवालाई स्थानीय स्तरमै स्वरोजगारतर्फ आकर्षित गर्न ‘एक वडा, एक उद्यम’ कार्यक्रम सुरु गरेको छ। युवा विदेश पलायन हुनबाट रोक्नु र नगरभित्रै रोजगारी सिर्जना गर्नु यस कार्यक्रमको मुख्य उद्देश्य रहेको छ। चालु आर्थिक वर्षका लागि कार्यक्रमका लागि ६० लाख रुपैयाँ बजेट विनियोजन गरिएको छ। नगरपालिकाका प्रत्येक वडामा स्थानीय स्रोत र सम्भावनालाई ध्यानमा राख्दै घरेलु तथा लघु उद्योग स्थापना गरिने योजना रहेको छ। उद्यम विकास शाखाका प्रमुख धनबहादुर चौधरीका अनुसार, यस कार्यक्रमअन्तर्गत युवालाई आवश्यक तालिम प्रदान गरी दक्ष बनाइनेछ र व्यावसायिक क्षेत्रमा संलग्न गराइनेछ। आवश्यक पूँजीको व्यवस्था गर्न बैंक तथा वित्तीय संस्थासँग समन्वय गरिनेछ। चौधरीले वडाबाट उद्योग छनोट भएपछि त्यस आधारमा कार्यक्रम अघि बढाइने जानकारी दिए। यसरी स्थापना हुने उद्योगमा मागअनुसार अनुदान र...

कञ्चनपुर- सुदूरपश्चिमका पहाडी जिल्लामा बसाइँसराइका कारण गाउँहरू क्रमशः रित्तिँदै छन् भने तराईमा जनसङ्ख्या तीव्र गतिमा बढिरहेको छ। नौ जिल्लामध्ये कुल जनसङ्ख्याको २० प्रतिशत कञ्चनपुरमा मात्र रहेको छ। नेपालको २०७८ सालको जनगणनाअनुसार सुदूरपश्चिममा २६ लाख ९४ हजार ७८३ जनसङ्ख्या छ। यसमध्ये महिलाको संख्या १४ लाख २१ हजार ९९७ र पुरुषको संख्या १२ लाख ७२ हजार ७८६ छ। पुरुष रोजगारीका लागि भारत तथा तेस्रो देश जाने प्रवृत्ति बढी भएकाले यहाँ महिलाको जनसङ्ख्या (५२.७७ प्रतिशत) पुरुषको तुलनामा बढी देखिएको हो। प्रदेशका नौ जिल्लामध्ये अछाम, बैतडी, डोटी, बझाङ र डडेल्धुरामा जनसङ्ख्या घट्दो छ। हिमाली जिल्ला दार्चुलाको वृद्धिदर स्थिर छ। तथ्याङ्क समन्वय कार्यालय धनगढीका प्रमुख गोविन्द न्यौपानेका अनुसार पहाडी र हिमाली भेगबाट तराई–मधेशतर्फ बसाइँसराइ बढेकाले जनसङ्ख्या वितरणमा असन्तुलन देखिएको हो। अन्नको भण्डार...

कञ्चनपुर- कञ्चनपुरमा ३९ वटा छाउगोठ भत्काइएको छ। जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सागर बोहराका अनुसार बेदकोट नगरपालिका–१० मा २३ र कृष्णपुर नगरपालिका–१ मा १६ वटा छाउगोठ भत्काइएको हो। उनका अनुसार बेदकोट र कृष्णपुर नगरपालिकाको निगाली र भेन्टी बजार क्षेत्रमा स्थानीय जनप्रतिनिधि, सङ्घसंस्था, प्रहरी र स्थानीय बासिन्दाको उपस्थितिमा छाउगोठ भत्काइएका हुन्। गत असारमा कृष्णपुर–१ निगालीकी २८ वर्षीया कमला दमाइको छाउगोठमा सुतिरहेको अवस्थामा सर्पदंशबाट मृत्यु भएपछि जिल्ला प्रशासन कार्यालयले सबै स्थानीय तहलाई छाउगोठ भत्काउन निर्देशन दिएको थियो। त्यसपछि पालिकाहरूमा जनप्रतिनिधि र प्रहरीले संयुक्त रूपमा अभियान थालेका हुन्। बेदकोट नगरपालिका–१० का अध्यक्ष रतनसिंह विष्टले वडा ४ र १० मा २३ वटा छाउगोठ भत्काएको बताए। “पुनः छाउगोठ नबनियोस् भन्ने चिन्ता छ, त्यसैले सम्बन्धित परि...

कञ्चनपुरको कृष्णपुर नगरपालिका–७ कलुवापुरका निशान्त बुढाऐर आगामी राष्ट्रिय स्तरको पुरुष सौन्दर्य प्रतियोगिता "मिस्टर नेपाल २०२५" मा सहभागी भएका छन्। यस प्रतियोगितामा प्रतिस्पर्धीहरूले आफ्नो व्यक्तित्व, शारीरिक फिटनेस, बौद्धिक क्षमता र सामाजिक उत्तरदायित्व प्रस्तुत गर्नेछन्। यसको उद्देश्य प्रतिभाशाली र जिम्मेवार युवाको पहिचान गर्नुका साथै स्वास्थ्य, फिटनेस र अनुशासनको महत्व प्रचार गर्नु हो। प्रतियोगितामा सहभागीहरूले सामाजिक तथा सांस्कृतिक प्रतिनिधित्व गर्दै समाजमा सकारात्मक प्रभाव पार्ने विश्वास गरिन्छ। यसले नेपालमा पुरुष सौन्दर्य र फिटनेसप्रति नयाँ दृष्टिकोण ल्याएको छ। धेरै युवाले यसलाई स्वस्थ जीवनशैली, आत्मअनुशासन र नेतृत्व क्षमताको प्रतीकका रूपमा लिन थालेका छन्। यो प्रतियोगिता पुरुषहरूलाई आत्मविकास, सामाजिक संलग्नता र अन्तर्राष्ट्रिय स्तरमा अवसर खोज्ने प्रेरणाको स्रोत बन्ने अपेक्षा गरि...

कञ्चनपुर- प्रेस चौतारी नेपालका केन्द्रीय अध्यक्ष गणेश पाण्डेले नेकपा (एमाले) अध्यक्ष केपी शर्मा ओली राष्ट्रको आवश्यकता भएको बताएका छन्। शुक्रबार कञ्चनपुरमा आयोजित प्रेस चौतारी नेपाल सुदूरपश्चिम प्रदेश बैठकको उद्घाटन सत्रलाई सम्बोधन गर्दै अध्यक्ष पाण्डेले ओलीलाई वर्तमान समयका राजनीतिक, सामाजिक र राष्ट्रिय चुनौतीहरूको सामना गर्न सक्षम एक मात्र नेता भनेका हुन्। प्रशिक्षण कार्यक्रमलाई सम्बोधन गर्दै उनले भने, “अहिलेको चुनौतीको सामना गर्न दृढ, स्पष्ट र निडर नेतृत्व ओलीसँग मात्रै छ।” त्यस अवसरमा उनले प्रविधिमैत्री र न्यू मिडिया अनुकूल पत्रकारिता समयको आवश्यकता भएको उल्लेख गरे। पाण्डेले पत्रकारिता समाजको आवश्यकता र चाहनालाई सम्बोधन गर्न सक्नुपर्ने तथा विश्वाससहितको सूचना प्रवाह गर्ने हुनुपर्नेमा जोड दिए। “त्यो लक्ष्य प्राप्तिको यात्रामा हामी छौं, र यसको अगुवाइ प्रेस चौतारीले नै गर्नुपर...

कञ्चनपुर- महाकाली नदीमा पानीको बहाव उच्च बनेपछि कञ्चनपुरस्थित शारदा ब्यारेज पुलमा आज (बुधबार) दोस्रो दिन पनि चार पांग्रे सवारीसाधनको आवागमनमा रोक लगाइएको छ। इलाका प्रहरी कार्यालय गड्डाचौकीका अनुसार बुधबार बिहान ८ बजेसम्म महाकाली नदीको पानीको बहाव १ लाख ६८ हजार ५३७ क्युसेक मापन गरिएको छ। मंगलबारदेखि नदीमा लगातार पानीको बहाव बढ्दो अवस्थामा रहेको छ। सय वर्ष पुरानो शारदा ब्यारेज जीर्ण अवस्थाका कारण जोखिम न्यूनीकरणका लागि नदीमा पानीको बहाव १ लाख क्युसेक नाघ्नेबित्तिकै चार पांग्रे सवारीसाधनको आवागमनमा रोक लगाउने व्यवस्था गरिएको हो।...

कञ्चनपुर- नेपाल–भारतबीच महाकाली सन्धि सम्झौता भएको तीन दशक बितिसक्दा पनि सन्धिअनुसार दोधारा–चाँदनी नहर निर्माण अझै अन्योलमै रहेको छ। नेपालले नहरका लागि आवश्यक जग्गा अधिग्रहण गरी तयारी गरे पनि भारतीय पक्षले निर्माण गर्नुपर्ने १,१०० मिटर मूल नहर अहिलेसम्म निर्माण नगर्दा सन्धि कार्यान्वयनमा ढिलाइ भएको हो। महाकाली सन्धिअनुसार भारतले कञ्चनपुरको दोधारा–चाँदनी क्षेत्रमा सिँचाइका लागि शारदा नहरमार्फत ३५० क्युसेक पानी उपलब्ध गराउनुपर्ने प्रावधान छ। वि.सं. २०५२ माघ २९ गते तत्कालीन प्रधानमन्त्री शेरबहादुर देउवा र भारतीय प्रधानमन्त्री नरसिंह रावले हस्ताक्षर गरेको उक्त सन्धि अझै कार्यान्वयनमा आउन सकेको छैन। महाकाली सिँचाइ आयोजना तेस्रो चरणका निर्देशक डा. योगेन्द्र मिश्रका अनुसार, नेपालले नहर निर्माणका लागि मुआब्जा वितरण गरेर जग्गा अधिग्रहण गरिसकेको छ। तर, भारतले निर्माण गर्नुपर्ने सीमावर्ती १,१००...

महेन्द्रनगर- रानाथारु समुदायको प्रमुख पर्व तीजको अवसरमा कञ्चनपुरका पाँच स्थानीय तहले आइतबार (साउन ११ गते) सार्वजनिक बिदा दिने भएका छन्। बिदा दिने पालिकाहरूमा कृष्णपुर, पुनर्वास, बेलौरी नगरपालिका तथा लालझाडी र बेलडाँडी गाउँपालिका रहेका छन्। बेलौरी नगरपालिकाका कार्यवाहक प्रमुख जोगराम चौधरीका अनुसार पालिकाले हरेक समुदायका पर्वलाई सम्मान गर्दै रानाथारु समुदायको सांस्कृतिक महत्वलाई ध्यानमा राखी बिदा दिने निर्णय गरेको हो। उनले धार्मिक तथा सांस्कृतिक चाडपर्वले सामाजिक एकता बलियो बनाउने भन्दै खर्चिलो बनाउनेभन्दा पनि आर्थिक मितव्ययिता अपनाउन आग्रह गर लालझाडी गाउँपालिकाले भने रानाथारु महिलाको तीज पर्व र थारु समुदायको गुरही पर्वको अवसरमा साउन ११ र १३ गते दुई दिन सार्वजनिक बिदा दिएको जनाएको छ। गाउँपालिका अध्यक्ष निर्मल रानाका अनुसार यी पर्व समुदायको मौलिक सांस्कृतिक पहिचानसँग जोडिएका छन्। रानाथ...

कञ्चनपुर- शुक्लाफाँटा नगरपालिका–११ स्थित बनहरा पुलमुनि २८ सुकुम्बासी परिवार दुई दशकदेखि अस्थायी टहरामा बसोबास गर्दै आएका छन्। डडेल्धुराको आलितालबाट विस्थापित दलबहादुर बोहरा सन् २०६२ सालदेखि बनहरा पुलको छेउमा पाल टाँगेर बस्न थालेका हुन्। “सम्पत्तिका नाममा केही छैन, कहिले काम पाइन्छ, कहिले पाइँदैन,” उनले भने। उनका अनुसार वर्षायाममा बाढी, सर्प र जङ्गली जनावरको त्रास बढ्ने गरेको छ। बाढीबाट जोगिनका लागि उनीहरू राजमार्गको थोरै अग्लो भूभागमा टहरा बनाएर बसेका छन्। राजमार्ग छेउमै बस्दै आएका अर्का स्थानीय लक्ष्मण विष्ट भन्छन्, “संघीयदेखि स्थानीय तहका पदाधिकारी ओहोरदोहोर गर्छन्, तर कसैले हाम्रो पीडा बुझ्दैनन्।” उनीहरू बारम्बार स्थानीय तहमा सुरक्षित बासको माग गरे पनि सुनुवाइ नभएको गुनासो गर्छन्। सुकुम्बासी प्रेमबहादुर साउदले भारतमा १३ वर्ष मजदुरी गरेर फर्किएपछि पनि यहाँ काम नपाएको बताए। “अब त...