ताजा अपडेट

बझाङ- बझाङको केदारस्यूँ गाउँपालिका–४ स्थित श्री जगन्नाथ माध्यमिक विद्यालय सैन्स्यूँमा नयाँ विद्यालय व्यवस्थापन समिति (वि.व्य.स) गठन गरिएको छ। आज सम्पन्न अभिभावक भेलाबाट भरत बहादुर मल्लको अध्यक्षतामा नयाँ समिति चयन गरिएको हो। विद्यालयको व्यवस्थापनलाई थप प्रभावकारी बनाउन आयोजित अभिभावक भेलाले सर्वसम्मत निर्णयमार्फत मल्ललाई विद्यालय व्यवस्थापन समिति अध्यक्ष पदमा चयन गरेको हो। अध्यक्षमा चयन भएपछि मल्लले धन्यवाद ज्ञापन गर्दै भने, “मेरो समाजसेवाको पाटोलाई मूल्याङ्कन गर्दै श्री जगन्नाथ माविको अध्यक्ष पदमा विश्वासका साथ सर्वसम्मत चयन गर्नु भएकोमा सम्पूर्ण बौद्धिक वर्ग, समाजसेवी, अभिभावक तथा आफन्तजनप्रति आभार व्यक्त गर्दछु। तपाईंहरूको विश्वास नटुटाउने पूर्ण प्रतिबद्धता व्यक्त गर्दछु।” नयाँ विद्यालय व्यवस्थापन समिति गठनसँगै विद्यालयमा शैक्षिक, भौतिक र संस्थागत सुधारको अपेक्षा गरिएको छ। स्थानीय अभि...

बझाङ- बझाङको बित्थडचिर गाउँपालिका अन्तर्गतको सुनकुडा स्वास्थ्य चौकीको आयोजनामा डेंगु नियन्त्रणका लागि सुनकुडा बजार र सुनकुडा नमुना माध्यमिक विद्यालयमा विशेष सरसफाइ अभियान सञ्चालन गरिएको छ। श्रावण महिनालाई डेंगु सचेतना महिनाका रूपमा मनाउने रणनीति अनुरूप गाउँपालिका स्वास्थ्य शाखाको समन्वयमा यो अभियान सञ्चालन गरिएको हो । कार्यक्रममा स्वास्थ्यकर्मी, बजार क्षेत्रका व्यापारी, सडक विभागका कर्मचारीलगायतको सहभागिता रहेको थियो। सरसफाइ अभियान अन्तर्गत स्थानीय क्षेत्र सफा गर्ने, पानी जम्न नदिने र लामखुट्टे उत्पादन हुने स्थानहरूमा विशेष ध्यान दिइएको थियो। कार्यक्रमका क्रममा सहभागीलाई डेंगु रोगको जोखिम, लक्षण र रोकथामका उपायहरूबारे जानकारी दिएको स्वास्थ्य चौकी प्रमुख सुरेश ओखेडाले बताए । सरसफाइ अभियान निरन्तर रुपमा सञ्चालन गरिने जानकारी समेत उनलेे दिए ।...

बझाङ- जिल्ला प्रहरी कार्यालय बझाङका प्रमुखमा डिएसपी खगेन्द्र धमला आएपछि चरेस नियन्त्रण सम्बन्धी अपरेसन सुरु गरिएको छ। डिएसपी धमलाको पहिलो अपरेसनकै रूपमा प्रहरीले चरेससहित एक जनालाई पक्राउ गरेको छ। जिल्ला प्रहरी कार्यालय बझाङका सूचना अधिकारी लोकेन्द्र ठगुन्नाको नेतृत्वमा खटिएको टोलीले सुर्मा गाउँपालिका–२ घर भई जयपृथ्वी नगरपालिका–९ चिउडिखानमा डेरा गरी बस्ने अन्दाजी ३२ वर्षीय शेरबहादुर बोहरालाई चरेससहित पक्राउ गरेको हो। गोप्य सूचनाका आधारमा झोलामा लुकाईछिपाई लैजाँदै गरेको अवस्थामा उनलाई २०८२ साउन २२ गते बिहान १०:३० बजे पक्राउ गरिएको हो। पक्राउपछि पत्रकार सम्मेलनमार्फत डिएसपी धमलाले बोहरासँग १.६९० केजी (एक किलो छ सय नब्बे ग्राम) चरेस बरामद गरिएको जानकारी दिए। डिएसपी धमलाका अनुसार जिल्लामा शान्ति, सुरक्षा र अमनचयन कायम गर्न आफू पूर्ण रूपमा प्रतिबद्ध रहेको बताए। सदरमुकाम चैनपुरमा गरिएको...

बझाङ- मानवतावादी राजा जयपृथ्वीबहादुर सिंहको १४९औँ जन्मजयन्ति यस वर्ष बझाङमा विशेष कार्यक्रमसहित भव्यरूपमा मनाउने तयारी भइरहेको छ। भदौ ७ गते जिल्लाको छबिसपाथिभेरा गाउँपालिका-२ मा अवस्थित सत्यवादी माध्यमिक विद्यालय, जयपृथ्वीनगरमा विशेष कार्यक्रमको आयोजनासहित जन्मजयन्ति भव्यरूपमा मनाउने तयारी भइरहेको हो । उक्त विद्यालयमा पालिका स्तरीय भलिबल, हाजिरीजवाफ तथा नृत्य प्रतियोगिता सञ्चालन गर्ने तयारी तिब्रगतिमा भइरहेको छ । छबिसपाथिभेरा गाउँपालिकाको मेल्लेख क्षेत्रमा ऐतिहासिक महत्वका पुराना राजदरवार र त्यसमा प्रयोग गरिएको ‘जय’ लेखिएको पुरानो इटा अहिले पनि देखिन्छ छ। यो स्थानले क्षेत्रीय इतिहासमा विशेष स्थान ओगटेको बताइएको छ। जयपृथ्वीबहादुर सिंहको नाममा प्रदान गरिने पुरस्कार पनि त्यहीँ प्रदान गर्ने तय भएको छ । त्यस्तै स्थानीय तह, नागरिक समाज, शैक्षिक संस्थाहरू र जयपृथ्वी प्रतिष्ठानको समन्वयमा व...

बझाङ- बझाङको केदारस्यूँ गाउँपालिकाको केदार डाँडामा अवस्थित मुख्य धार्मिक आस्थाको केन्द्र र सांस्कृतिक गौरवको प्रतीक केदार मन्दिर अहिले चर्चामा छ। केदार मन्दिर निर्माणाधीन अवस्थामा रहेकाले गाउँपालिकाले हरेक वर्ष श्रावण जनैपुर्णिमाका दिन लाग्ने मेला स्थगित गरियो भन्ने सूचना जारीगरेपश्चात अहिले यो विषय चर्चामा आएको हो । यो चर्चा आस्थाका कारण हो कि असन्तुष्टिका? भन्न गाह्रो छ। तर यथार्थमा, यो मन्दिर निर्माण सजिलो छैन। बाटो छैन, साधन छैन, ढुंगा जुटाउनको लागि पनि घण्टौं हिँड्नु पर्ने। त्यस्तो स्थानमा श्रद्धा, साहास र समर्पणको बलमा मन्दिर निर्माण गर्नु भनेको सामान्य काम पक्कै होइन। तर यिनै असाध्य परिश्रम गर्ने निर्माणकर्ता रकेदारस्यु गाउँपालिका लाई हामी कसरी हेर्दै छौं? कतिपयले मन्दिरको पूजाआजा रोकिएको भनेर आवाज उठाइरहेका छन्। केदार मन्दिरको निर्माण कार्य अपूर्ण रहँदा जनैपूर्णिमाको पूजामा रोक...