Author: कामना संवाददाता

काठमाडौँ- सौर्य एयरलाइन्सको दुर्घटनाग्रस्त ९ एन–एएमई–सीआरजे २०० कलसाईन जहाजमा विमानचालक (पाइलट)को लापरबाही रहेको दुर्घटना जाँच आयोगको प्रतिवेदनले निष्कर्ष निकालेको छ। आयोगले शुक्रबार संस्कृति, पर्यटन तथा नागरिक उड्डयन मन्त्रालयलाई बुझाएको प्रतिवेदनमा पाइलट र एयरलाइन्स कम्पनीको त्रुटि औँल्याएको हो। आयोगले पर्यटनमन्त्री बद्रीप्रसाद पाण्डेलाई प्रतिवेदन बुझाएसँगै मन्त्रालयले वेबसाइटमार्फत अन्तिम प्रतिवेदन सार्वजनिक गरेको हो। प्रतिवेदन अनुसार सी–चेकका लागि गत साउन ९ गते त्रिभुवन अन्तर्राष्ट्रिय विमानस्थलबाट पोखराका लागि उडेको सौर्य एयरलाइन्सको जहाज धावनमार्ग नजिकै दुर्घटनाग्रस्त हुँदा जहाजमा सवार १८ जनाको मृत्यु भएको थियो। उक्त दुर्घटनामा पाइलट मनीष शाक्य बाँच्नुभएको थियो। जहाज दुर्घटना भएकै दिन सरकारले नेपाल नागरिक उड्डयन प्राधिकरणका पूर्वमहानिर्देशक रतिशचन्द्रलाल सुमन नेतृत्वमा जाँचबुझ आयो...

काठमाडौं- हाल देशभर मनसुनी वायुको प्रभाव सक्रिय रहेको मौसम पूर्वानुमान महाशाखाले जनाएको छ। मनसुनको न्यून चापीय रेखा सरदर स्थानको आसपासमा रहेकाले आज र भोलि देशका धेरैजसो स्थानमा वर्षाको सम्भावना रहेको छ। शनिबार दिउँसो देशभर आंशिकदेखि सामान्य बदली रहनेछ। कोशी, बागमती, गण्डकी र सुदूरपश्चिम प्रदेशका पहाडी तथा केही अन्य भागहरूमा मेघगर्जन र चट्याङसहित हल्कादेखि मध्यम वर्षा हुने अनुमान गरिएको छ। आज राति कोशी प्रदेशका धेरै स्थानमा, मधेश, बागमती र गण्डकीका केही स्थानमा तथा अन्य केही भागमा पनि वर्षाको सम्भावना रहेको छ। कोशी र गण्डकीका एक–दुई स्थानमा भारी वर्षा समेत हुन सक्ने पूर्वानुमान छ। उच्च पहाडी तथा हिमाली भू–भागमा हल्कादेखि मध्यम वर्षा र हिमपातको सम्भावना पनि रहेको महाशाखाले जनाएको छ। वर्षाका कारण भू–क्षय, बाढी, पहिरो, गेग्रान बहाव तथा शहरी र तराई क्षेत्रहरूमा डुबानको जोखिम बढ्न सक्ने...

काठमाडौँ– चिया बगान बाहेकका क्षेत्रका श्रमिकको न्यूनतम पारिश्रमिक वृद्धि भई मासिक १९ हजार ५५० रुपैयाँ पुगेको छ। सरकार, रोजगारदाता र ट्रेड युनियनबीच भएको सहमतिअनुसार नयाँ तलब दर साउन १ गतेदेखि लागू गरिएको श्रम, रोजगार तथा सामाजिक सुरक्षा मन्त्रालयले जनाएको छ। यो दर अघिल्लो न्यूनतम तलबभन्दा २ हजार २५० रुपैयाँले बढी हो। यसअघि चिया बगानबाहेकका श्रमिकको न्यूनतम तलब १७ हजार ३०० रुपैयाँ थियो। चिया बगानमा कार्यरत श्रमिकका लागि भने सम्बन्धित सरोकार पक्षहरूसँग थप छलफलपछि नयाँ तलब दर निर्धारण गरिने मन्त्रालयले जनाएको छ। श्रम, रोजगार तथा सामाजिक सुरक्षामन्त्री शरतसिंह भण्डारीका अनुसार औद्योगिक सम्बन्ध सुमधुर बनाउन सरकार, रोजगारदाता र श्रमिक तीनवटै पक्षले लचकता अपनाउँदै आपसी सहमतिमा पारिश्रमिक निर्धारण गरेका हुन्। “सहमतिको आधारमा निर्धारण भएकाले कार्यान्वयनमा लैजान सहज हुनेछ,” मन्त्री भण्डारील...

काठमाडौँ- हाल देशभर मनसुनी वायुको प्रभाव सक्रिय रहेको मौसम पूर्वानुमान महाशाखाले जनाएको छ। साथै भारतको उत्तर प्रदेश आसपास विकसित भएको न्यूनचापीय प्रणालीको प्रभावसमेत देशमा परेको छ। मनसुनको न्यूनचापीय रेखा औसत स्थानको नजिकै अवस्थित भएकाले मौसममा व्यापक प्रभाव देखिएको हो। महाशाखाका अनुसार हाल देशभर आंशिकदेखि सामान्य बदली रहेको छ। बागमती, गण्डकी र लुम्बिनी प्रदेशका केही स्थानहरूमा तथा कोशी, कर्णाली र सुदूरपश्चिम प्रदेशका एक-दुई स्थानमा हल्कादेखि मध्यम वर्षा भइरहेको छ। दिउँसोको पूर्वानुमानअनुसार, देशभर आंशिकदेखि सामान्य बदली रहनेछ। कोशी, बागमती, गण्डकी र कर्णाली प्रदेशका साथै बाँकी प्रदेशका पहाडी भू-भागमा केही स्थानहरूमा र अन्य भागका थोरै स्थानहरूमा चट्याङसहित हल्कादेखि मध्यम वर्षाको सम्भावना छ। कोशी, बागमती, गण्डकी र कर्णाली प्रदेशका एक-दुई स्थानमा भारी वर्षाको पनि सम्भावना रहेको छ। ...