धनगढी : गत चैत ११ गते कैलालीको कैलारी गाउँपालिकास्थित भर्री चोकमा भएको सवारी दुर्घटनामा परी गम्भीर घाडते भएका प्रहरी जवान अनिल कमार रावलको उपचारका लागि सामाजिक क्षेत्रबाट सहयोग प्राप्त हुने क्रम सुरु भइरहेको छ ।
नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरिया दरबन्दी भई अस्थायी ट्राफिक प्रहरी पोस्ट हसूलियामा कार्यरत रावलको दुर्घटनाबाट टाउकोमा गम्भीर चोट लागेको थियो ।
उनी विगत १० दिनदेखि धनगढीस्थित निसर्ग अस्पतालको भेन्टिलेटरमा मृत्युसँग लडिरहेका छन । उपचार खर्च निकै महँगो भइरहेको र परिवारको आर्थिक अवस्था कमजोर रहेको अवस्थामा थ्रि स्टार इङ्ग्लिस बोर्डिड स्कुलले सहयोगको हात अगाडि बढाएको हो ।
विद्यालयका संस्थापक गोपाल शर्मा र सञ्चालक मिरा आचार्यले शनिबार रावलको परिवारलार्ड भेट गरी तत्काल राहत स्वरूप २५ हजार रुपैयाँ नगद सहयोग हस्तान्तरण गरेका छन । आर्थिक सहयोगका अतिरिक्त शर्मा दम्पतीले घाइते रावलका दुई छोरामध्ये एक जना छोरालार्ड आगामी नयाँ शैक्षिक सत्रदेखि कक्षा १० सम्म लाग्ने सम्पर्ण विद्यालय शूल्क (भर्ना ,किताब कापी तथा मासिक शूल्क) निःशूल्क गर्ने प्रतिबद्धता जनाएका छन । हाल उनका एक छोरा कक्षा ३ मा अध्ययनरत छन भने अर्का छोरा नर्सरीमा अध्ययनरत छन । स्कुलले यी दुईमध्ये एक जनाको कक्षा १० सम्मको सम्पूर्ण खर्च बेहोर्ने निर्णय गरेको हो ।
सहयोग हस्तान्तरण गर्दै संस्थापक गोपाल शर्माले भने, “ड्युटीमा खटिएका राष्ट्रसेवकको यो अवस्थाले हामीलाई निकै दुखी बनाएको छ । उहाँको जीवन रक्षाका लागि हाम्रो सानो प्रयासले परिवारलाई थोरै भए पनि राहत मिल्ने र बच्चाको भविष्य सुरक्षित हुने आश राखेको छु ।”
उपचाररत रावलको अवस्था अझै चिन्ताजनक रहेको र उनलाई बचाउन ठुलो रकम आवश्यक पर्ने देखिएकाले अन्य संघसंस्था र समाजसेवीहरूलाई पनि सहयोगका लागि अपिल गरिएको छ ।
आर्थिक सहयोगको लागि सम्पर्क ब्यक्ति र नम्बरहरु:
खातावाकाको नाम :- Dipa Rokaya (श्रीमती)
मोबाइल नम्बर : – 9841271807
खाता न :- 4110100501042010
खाता रहेको बैंक :- राष्ट्रिय वाणिज्य बैंक
थप सम्पर्कका लागि :-
राकेश खड्का :9858488023
नरेश रोकाया : 9848576542
बिनोद रावल : 9849366877
कुमार खड्का : 9843152811
बिकास रावल : 9844103328
भारतको लागि सम्पर्क :-
ज्योती प्रकाश रोकाया :- +916360108040
कोरिया को लागि सम्पर्क
बिरेन्द्र खड्का
+821028606888
