धनगढीमा कुटपिट प्रकरण : व्यवसायीमाथि आक्रमण, पावर देखाउँदै धम्कीको आरोप
धनगढी- धनगढीमा मदिरा सेवन गरेर मातेका एक व्यवसायीमाथि कुटपिट भएको घटना सार्वजनिक भएको छ। तर, घटनापछि पीडित भनिएका व्यवसायीले कानुनी उपचार खोज्नुको सट्टा ‘पावर’को दम्भ देखाउँदै विभिन्न किसिमका धम्की दिएको आरोपसमेत लागिरहेको छ।
चैत १६ गते सोमबार राति करिब साढे १ बजे धनगढी–४ स्थित दक्षिणकाली मार्गको ६ लेन सडकमा व्यवसायी विकास सिङ्घल माथि कुटपिट भएको बताइएको छ। सिङ्घलले प्रदेश र जिल्लाका उच्च पदस्थ प्रहरी अधिकारीहरूसँग राम्रो सम्बन्ध रहेको दाबी गर्दै आफूले जुनसुकै बेला जे पनि गर्न सक्ने भन्दै धम्की दिएको आरोप घटनामा संलग्न भनिएका पक्षले लगाएका छन्। साथै, उनले प्रहरी अधिकारीहरूलाई सिद्धार्थ लगायतका होटलमा खानपिन गराउने गरेको दाबी पनि गरिएको छ।
उनीकै घरमा भएको छलफलका क्रममा कुटपिटमा संलग्न व्यक्तिहरूको सार्वजनिक रूपमा बेइज्जत गर्न मिडियाको प्रयोग गर्ने चेतावनी दिएको आरोपसमेत लागेको छ।
तर सिङ्...
